Apocalipsis 10:1 - Sinia' Jlamtis 1994

¹ Sekyi'i ti a'wena'aja ja jikiecha injlojwanik poli jlele ti na'm isia'm ti tal poliyi siojo ijiatt'iyiji ti jijweye po', ti yiji jla'a poli. 'Yina ape'e jiwek jla'a jletik sek yiye'e jlaja jwats'ilkat, siojo jitiokio' iyo'ate siunie kilie' ti 'es, jlampet jawa jlekijna' iyot'e 'ate ni jwat ti tak'ayi pijia'm ti ijio pijia'm 'ne.

Apocalipsis 10:1 ပူးပေါင်းရင်းမြစ်များ

Mateo 17:2

Sekt'i yi'ipe ti iyoyeyi siupi iyo ti iyo jloniye jikiechaye jitieyi'i japo jla'yis, siupi jitiokio' iyo'ate jla'a kates.

Lucas 21:27

Jiwekie'ejana'a ni I'nio' Jlas ka ti'wena ilia'm ti jana'm isia'm, ti janejyi jana poli, ti janejyi ni jijweye iyo, siu'neje ni iyo ti ja tiwunitie.

Hechos 26:13

Je 'esiji ti aye 'nayiji, 'ni 'yaka anechiyas, jlampa 'najlikiye p'ampe, jlam nesi'lieyi ti 'yakaja ni jla'al jlaja katespe ti tal poliyi, ti 'yakamt'i ape'e ni jlal ni kilie', yiye sitipe'e siojopo ya'yispe, jlajaka katespe.

Apocalipsis 1:7

¡'Yena'yi ilia'm, Sijwajieti na'm isia'm, ti yiji jana poli! Wikie'eyi napo i'nio' ti jan'we'en, siunapo iliant'ipi kiak jawo jan'wenis. 'Yina wikie'eyi napo i'nio' yi' ape'e 'ni ajnat ja ke jlasiye ni ja jijliak'aliye, siu'neje ni jlajlas janwoyi ti jan'wenis. Kiak janwo. Amén.

Apocalipsis 18:1

Yam'niji kiaka, sekyi'i ti a'wenaja ja injlojwanik poli jlele kiecha na'm isia'm ti tal poliyi, jijweye jinia' ti na'am, siu'neje ja jla'al kia'iyojliyi, jak je iyoyiji siojo jla'al itijwi'n ape'e 'ni ajnat.

Apocalipsis 18:21

'Yina po' ja injlojwanik poli jlele ti ijiat ti jijweye po' sekyi'i isima kiajwe jlaja sisaj ti iyo'ate jana wanjlek ti wuj, sekyi'i ti itietayija'm ni i'niat lajlik'i, ti iyo'ate: “¡Babilonia ti a'm ti isi'il jlet'a'm, siojokia sisaj ti atate, kiak jawoyi siuti Sinia' ja inetiajnat! Siunapo i'nio' je pajna'a ka in'wen'ni.

Apocalipsis 20:1

Sekyi'i ti a'wena'aja ja injlojwanik poli jlele ti na'm isia'm ti tal poliyi ti itiu'un siujlieja kiawe ti je ti'wena k'ioyi jip'ot jikie'e ti t'ajlinitieja'm, ijwie'ne siojowa wikijnies ti wusk'iji'n tijweniejek'i.

Apocalipsis 4:3

Siojo jloniye iyo ti 'es, iyo'ate jla'a 'wosta' jlokie siu'neje ni ji'wole ti jiwats'o, ti intaj jla'al je ijwi'yi. 'Yina siujlieja in'wet ti anechiyas ji'wet siujlie'e jwats'ilkat siunie jla'al nak iniujwape'n, kia'iyojliyi ti 'es iyo'ate siujlie'e sisaj jle' iyo'ate esmeralda.

Apocalipsis 5:2

A'wen 'neje ja injlojwanik poli jlele ti wuj ti jijweye po', 'yina siunie jla'lap jwesiejayik'i'ni ti taka'yasan'ni, ti iyo'ate: —¿Tepa yi'i siupa 'yu'we jla'm ka ila'nik'i siuniwa ti 'yit'i ape'e 'ni siu'nie imp'esinik, sekjane'yi ka ilanajamna'a?

Apocalipsis 8:13

Siuti itiej atatayi'iji 'nijiye, ape'yayeyi siojo ajwejnas jikie' wuj, ti ijwi'ya jikiowik'i ja poli, jla'lap ijiok'i'ni, ti iyo'ate: —¡P'ijliusisie'itie napo i'nio' napo yi' ape'e 'ni ajnat, kajeyepa ti jiwet'ia japoye ka pesiejatajanie'e siunapo ijia injlojwajnas poli jlele najape ka ilanta niwa ji'woso'l!