3 JuanMary Thureson 1:8 - Sinia' Jlamtis 1994

⁸ It'imina ti awo'ate, je 'esijyi ka 'wenayeyi papo kan'yena, 'esijyi ka sama ka iniukieje, 'yaka iyo jika'niyeja' siunie ijiatk'i.

3 JuanMary Thureson 1:8 ပူးပေါင်းရင်းမြစ်များ

Mateo 10:14

Siuti ja ke inki'm aselia'm, jla'yi ti ja ke ink'iu'wase'm siunie jijwela', ja atajlayeyijpe japak 'wuk, ni'ne ka isiye, sekjane'yi ka patajieyits'ipe niwa asatis.

Mateo 10:40

“Siunie isi'm aselia'm, ijiate lapakawo ti ya'am ti isi'm ijyilia'm. Jlampet siunie i'nio' ti isi'm ijyilia'm, kia'iyo lapakawo ti isi'm ilia'm siunie i'nio' sijliu'.

Lucas 11:7

“Jot'itie ka je iwo'ate kiu' pi akiechaye ka inkiuj'lia, ka into'm 'wuk kiajwe, “Se'nate. Ap'ojna'm 'ni ika 'wuk kiwet, ilis jla'yi ti ya'am amakk'iji'n, 'wanjliyi je akajli ka inippijia'm ka iwi'na'm ni jisitia'n.”

2 Corintios 6:1

Ijiatjliyi, siuti sa'am ti anokieje ni Sinia' ni iyo ni jikijmaye, wuj ti anip'elisi'niase, ká akajyina' naka jikap'ijliuskiye iyo ni Sinia', siunie ti yints'e'm.

2 Corintios 8:23

Siuti japoye pa jan'yasajyi'n, ti iyojonk'iye ka 'najane paka iwone pi jikijmaye iyo ni Tito, ká ajwekie ti nak ya'yij'ni ti iniuyijk'im'ni ni isijmaye iyo ask'ioye. Siu'neje ti jan'yasayiji'n siunapo si'lijwas times ti 'yunink'i ni Tito, kia'iyojliyi jwelajia'm ti Sinia' jilis ijliu'wase, iyunitis ni Sijwajieti siunie jikijmaye ti iyoyi.

Filipenses 4:3

Siupet ti a'am, a'm ti je paj ka sitionit ti inkayank'i pet ti awoyetaja siunie sikijmaye, yot'iyi'ni ka je anoyeje japo ti napok si'lijwas, napoka ti t'as yi'pe ti 'ekiyejayi ni siunie sikijmaye ti awoyi yamtikie' siuniwa Sinia' jlamtis ti isis. Siu'neje ja sikiecha Clemente, je ijwienjli japoka 'neje japo ya'yispe ti akimak'iji'n. Wikie'eyi ti jleyis yi'i ni siunie imp'esinik, yi'i napoka ji'wasankiye laj jlaja po'.

Colosenses 4:11

Sikiecha Josué, ti tiwonaja'ni 'neje 'ate Justo, kia'iyo itijwi'lase. Lajk'i papo ka ijiaja ka intajla'm napo Judíojos ti ijiojwa'm pet siunapo ti itienkiuni pi Sijwajieti Jesús ti iniuyisik'i'm, ti akima ni Sinia' jika anechijiayas, napokata jla'am 'yina wuj ti iniuyisik'i'm.

Filemón 1:2

Je asamkata ka itiejiet'ase, siu'neje jlaja sikiecha Apia, siu'neje ja sikiecha Arquipo, sa'yi'ni ti anilana ape'e ni Saka'niona, siu'neje ti asa'am, ti Sinia' jilists'ase'm, ti jininenayi'ni ji'wet'e ni sikiecha Filemón ti jinitotiek'i'ni wita'm.

Filemón 1:24

Kia'iyo 'ni Marcos, Aristarco, Demas, Lucas, napoka ti isijmape'n pa Sinia', itijwi'lase pit.

3 JuanMary Thureson 1:10

It'imina siuka yiktiejna'a ti jajio'wase, jajwijla'm siunie iyo ni jike' ti wuj ti je 'es, siunie iyo ti kasamti siupi ijwi'il ka iyoki. Jika sintijieyis yints'e'm ti teje selia'm, jla'yi ti jeji'n i'yen'ni ilia'm papo si'lijwas ti 'nesata'ni. Je yine'ate papo ti i'yenta'ni ilia'm papo ijia, nak itiajlatayi'iji papo ti jlosik potie, ijliuye'eje kisie'e siupapo iyo ni Inamtik.

3 JuanMary Thureson 1:7

Ti yamata'ni ti iyoyisi ni Saka'niona jikimet, je k'iejliyi paka intajleje napo i'nio' kakiujnietas ka 'esieyi.

3 JuanMary Thureson 1:9

Pope ja ip'isinik atajiete japo Sinia' jilis nak yiji, 'yina Diótrefes, ti yamjliyi'iji ni iniwone ti inikawisa'n, ti je its'iuts'e'm.