3 JuanMary Thureson 1:14 - Sinia' Jlamtis 1994

¹⁴ Ajwelta ka je ipiejeniti ka ijio'wa ka yama'a, ka ini'wena ka ikamtijniena.

3 JuanMary Thureson 1:14 ပူးပေါင်းရင်းမြစ်များ

Juan 10:3

Siunie jiwo ni 'wuk kiwet 'yajlinitia'm k'iye, sekyi'i ni sontas jiwo tanayits'i puwa jiliajwas siupi jle' ijio'we, ijwienjlik'i'ni. Jlamtis iyo pi jika'niona itiant'iejesk'i. Sekyi'i ti yamayi ti tajlaja'm japa ji'wuk.

Juan 20:19

Siukia jloma ti tajlaja'm, ti ajnaj, siupapo t'eyasajnas initaj'ne seka'a yi'i siujlieja 'wuk yiyis kiajwe, ti ip'ionisiamk'i jawa jika 'wuk kiwitawa, ti je ijwiyisink'iye siojopo Judíojos jika anechiyasas. Sekyi'i ti Jesús inikajanitie jikiowe'e japo t'eyasajnas, iyo'ne 'ate: —¡Kamaja!

Juan 20:21

Jesús yikiajlayi'iji ti iyo'ate: —Kamaja'. Iyo'ate siunie ti Inia' sijliu', 'yina kiak ja iyo'nase pet ti jajliuye.

Gálatas 5:16

Jayo'ate ti jajwi'lase'm: Jla'm ijiate ka kiniets'i ki iyo jana Sinia' jikimet, ja 'nakayeyi ti ja ke ak'iuyeyi siuniwa iyo niwa 'assienis ti inteliajayi ka woyeyi.

Efesios 6:23

'Esiji ka Sinia', jla'yi pa Saka'niona Jesús ti Sijwajieti, imp'elisijnimpe, 'nakayeyi jankamajayispe, siunie jlemijnaye kia'iyojliyi, siu'neje ni jitienkiujnieye ti 'es, 'esiji ka Sinia' iwejna'm.

1 Pedro 5:14

Ya'am awo'ate, 'esiji ka anik'iewe ni akiecha ti jini'wenayeta, ti jitijwilayi napo as'lejwas, kajeyepa ti 'yaka Sinia' jilists'ase'm. 'Esiji ka akamaja wikie'eyi ti asa'am ti jleyejiap ni Sijwajieti.

2 Juan 1:12

Je piniyeta siu'niwa wask'i'nelaja ti awotaja ka ijwi'lase'm 'nakayi, lapakawo ti je awo ka yi'ne siunie ip'isinik. Ajwelta ka yama'aseyi ka ijio'wase, sek jane'yi ka ijiatayijijna'a ti jampots'e siunie sinikanitiejeye siuti kiak janwo.