2 Timoteo 4:1 - Sinia' Jlamtis 1994

¹ 'Yejne'n, jlam enjliyi ape'e ti ajlo'wa'm, jitieyi'i pi Sinia', jla'yi pi Sijwajieti Jesús, siunie anechiyas ti je ijiat ka je i'nes ti janapimet, ti jankajanit ni jitis iyo napoka siunapo 'wasanjliyine, siu'neje napo pajk'i ti 'yajle'n.

2 Timoteo 4:1 ပူးပေါင်းရင်းမြစ်များ

Mateo 16:27

Kajeyepa ti ja'nes ni I'nio' Jlas ti janejyi ni jijweye iyo ni Jinia', siu'neje napo jijliujwajnas poli jlele janamik'i, kantesiet'ik'ina'a wikie'eyi napo i'nio', siunapo jikijmaye 'es siu'neje napo jikijmaye je 'es.

Lucas 19:12

—Pojompe pa i'nio' anechiyas janek ti jajnoyi siojopa ajnat ti tojwe, lapakawo ti t'ajlaja ti ink'ieye siupa jle' ja tena'a ti janwo anechiyasa'. Jlomas nak ja nojwaja'm ja 'nejts'eje.

Lucas 19:15

“Je tik'iukie'ne papok takajwejlantaja, tikima'a'ne jla'am pak i'nio' ti tiwoki anechiyasa', sekyi'i ti yapiliet'ipi jika ajnate. 'Nes ti tanat'iyipi papo jikawos siupapo iwijna'm japa wikiniet'aj, ti i'ye'en siojopa 'yaka'm ape'e.

Lucas 23:42

Sekyi'i kiak t'ipa iyoyeyipi ti inip'elisini pa Jesús: —Jesús, ataj wunitk'ina'a ka atiejena'a ni aka anechijiayas.

Hechos 10:42

Iyotaja ka iyok saka'niyejayi napo i'nio' yi' ape'e 'ni ajnat, ti jla'am ti Sinia' isi'me ka i'ye'en siupapo pajk'i ti 'yalt'ijimpe, siu'neje napo 'wasajne'n.

Hechos 17:31

Kajeyepa ti jla'am ti yitineje k'iye ta'a siojona jloma ti jan'ye'en napo i'nio', jlajma pak ja ke iwonijits'i'ni siuka inetiejenie'e. Kajeyepa ti janjwanjli siunie ja tekiajlaja ti jan'ye'en, ti tijniejieta'a. Naka siunie ti Sinia' iniujwa'n kisie'e ti tajli ni a'no', 'nakayi ti wikie'eyi napo i'nio' ti jan'we'en, ti kiak jawo ti ja ijiatayi.”

Romanos 2:16

Ke iwo pa ti siuti janeyi janak jloma, Sinia' jankajanit'i ape'e wikie'eyi niwa yijits'i niwa jlosikis napo i'nio', Sijwajieti Jesús naka ti titiejkinaja ti jan'ye'en, nak jika'niye ni siunie ajwe'el ti awoyi yamtikie'.

Colosenses 3:4

Sijwajieti jla'am siojona as'wasankiye ti ijiatk'i, janeyi siojona jloma ti janikajanit, sekjane'yi ka inkajayena'a pet ti jawayejiap ti janejyi siunie jawo ni jijweyeja'.

2 Tesalonicenses 2:8

Jiwekie'ejana'a ka 'nakaja nak i'nio', ja ke pajayi ka 'nesana'a pet ni Saka'niona Jesús ti janla'an jankiene ni jiyel, je lajk'ipa siupi jlaj ti a'tiejak'i, pak janetiajnat.

1 Timoteo 5:21

Ya'am ene jitieyi'i pa Sinia', jla'yi pi Sijwajieti Jesús, siu'neje napo injlojwajnas poli jlele ti'wenakitie, ti ja ajwejla'm ka woyi niwak siuniwa ajloye'a'm ka awoyi. Ká a'ye'en siupa ka inteliaja ka pakaye ka 'oyijk'i, 'wenajliyi ti ja jotk'i wita'm.

2 Timoteo 1:10

Siuti Saka'niona Jesús nama ajnat'e, kiakayi'ne ti 'yakajanitk'i siunie jlemijnaye ti yints'e'm. Sijwajieti jlam ti initiajnat ni jijweye iyo jana 'najlati, 'yina ka lajak'i niwak Sinia' jlamtis ti isis ti tijwela, niwaka'ne ti ition kisie'e, janak in'wasankiye ti laj jlaja.

2 Timoteo 2:14

'Niwaka ti ja ayiji k'iye napo i'nio', jla'yi ti ja 'ejie'ne ka leyi siunie iniwonisi ti iniewitis'ni, ya'am ene jitieyi'i pi Sinia'. Je ikajliji paka 'esie, 'wenajliyi ti ikajyi'n siunapo its'iuye, yiyi ts'iji ti je ikaja paka ji'niayi inwoneje.

2 Timoteo 4:18

'Yina kiak iyo je ijiat ka je sijwajiete wikie'eyi siuniwa wask'i'nelaja ti je isis, jajnok'i'ni ti jan'yenk'i'm paj ka iyiyeyinie'e ni siunie jika anechijiayas ti yi' poliyi. ¡'Esiji ka jlam kiajatak'i'ni ni jiwunitieye iyo! Amén.

2 Timoteo 4:8

'Nakayi ti tiwakajlanitie ta'a its'ioye siojona akajli, siojona ti Saka'niona, ti jla'am ti tijna'yi siunie ti jan'ye'en napo i'nio', ti ijiate jla'am ti 'es, ti ja'yakajli ti anilesaniji, ts'iji ka netiejenie'e siojona jloma yi' jlaja. Ja ke yamkataja ti janwenk'i'm, kia'iyo janwejna'm wikie'eyi siunapo ti yimi'n, jla'yi ti je iliyi ti inijijwijyink'iye.

Tito 2:13

Naka'ne ni siunie iyotaja ka iyoki ka inijijwiyejenk'iye janak jloma ti 'es ka napitiemet pi Sijwajieti Jesús, Sinia' ti wuj.

1 Pedro 1:7

Kajeyepa siunie astankiujnieye ti 'es iyo'ate janak wikinie maja ti 'najli ti tejlitaja, ka ti'wena ka 'esie, ni'ne ka jeye. It'imina ti ijlionayis napo jiwos. 'Yina kiak iyo'nase pet siuniwa inkajejlasaye ti ijio'wase, 'yina jla'm ijiatayi ti laja 'yaka'm ape'e janak wikinie maja ti 'najli. Siuti jatoma ilia'm, nak jant'emina ti asnikanitieyi japoye, siu'neje ti ijnonitieye ja tena'ase'm, ka inikajanittiejna'aja pi Saka'niona Jesús ti Sijwajieti.

1 Pedro 4:5

Jlam'ne ki jawo, siupi ji'lij jawoyi jitieyi'i siunie ti wakal ti jan'ye'en wikie'eyi napo i'nio' pi iyo pi jitis, siupapo 'yajle'n siu'neje napo 'wasajne'n ja wikie'eyeyi.

1 Pedro 5:4

Jak je iyoyiji siuti ja'nes naka sontas jiwo ti jlameje, janwena'asemna'a siojona as'wajieta ti wuj ti 'es, ti ja ke paja ka netia'n.

2 Pedro 1:11

Sekjane'yi ka ijiatayijna'a ka 'ajla ask'ioye yi'i ni Saka'niona Jesús ti Sijwajieti, ti iyo anechiyasa', ti laj jlaja ti iyo anechiyasa'.

2 Pedro 1:17

Kajeyepa ti sampe ti awakiap ti ijio ape'e jlajak tikijnaki ti toj pijia'm, jlaja Sinia' 'yotat. A'wenajaja ti Sinia' yikiajlayi ni iyo ni jijweye, ape'yak 'neje pi Sinia' jla'lap ti tojma'm ni poli, ti je kia'iyo paka tipe'yak ti wuj ti 'es, ti iyo'ate, “'Nak yas ti ts'amaja. Wuj ti ajonit.”

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.

Apocalipsis 1:7

¡'Yena'yi ilia'm, Sijwajieti na'm isia'm, ti yiji jana poli! Wikie'eyi napo i'nio' ti jan'we'en, siunapo iliant'ipi kiak jawo jan'wenis. 'Yina wikie'eyi napo i'nio' yi' ape'e 'ni ajnat ja ke jlasiye ni ja jijliak'aliye, siu'neje ni jlajlas janwoyi ti jan'wenis. Kiak janwo. Amén.