2 Timoteo 3:2 - Sinia' Jlamtis 1994

² 'Yina japoye napo ti ja jlamayis jla'am ti janinemijne'n; ja najataja ti ja'noyits'i ti jajwesieyiji'n k'iye jana wikiniet'aj; wuj ti janitoniti'n; ti janjwelis ka anechiyasisa'. Jikalakijnieye jane'ne napo ijia; ja ke ink'iuye napo jiniewot, ti iyotaja'ni jlosikisie'; ja ke iwo'ate napo ijia ti iyo'ni jiwek jinikanitieyeja' ape'e pi ti k'iejliyi, jla'am jajeye; jankakiuyis niwa Sinia' jlamtis;

2 Timoteo 3:2 ပူးပေါင်းရင်းမြစ်များ

Mateo 15:6

Nak it'iminayi ti je ijliene ni i'nio' siunie jota wo ka noyeje napo jiniewot, siuniwa askeyis ti jit'iyasanayi niwak iniuk'iye niwa Sinia' jlamtis.

Lucas 12:15

Sekyi'i ti kiak t'ipa iyonayipi papo i'nio': —Joskiyeyi, ká awoye asjlak'aliye ka woye ka'wena' niwa wask'i'nelaja. Je niwaka ka intajle jana in'wasankiye, kan'we'en ni jwajla'a.

Lucas 16:14

Siupapo Fariséojos ti ipi'yayisie pa Jesús ti kia'iyo, iliakiyis'ne, lapawo ti ijyiwiteje ti papoka janajata jla'am ti 'yuyits'i jana wikiniet'aj.

Lucas 6:35

“'Esiji ka i'namajayi siunapo teje'yi aselia'm, ataj ka awomats'i ka ajwela ka k'iuyet ji'wet'e paka k'iejliyeyi, ka awoye lajaye. 'Nakayeyijna'a ti ja ke jlasiye siojona as'wajietiye, jla'yi ti Sinia' ti wuj jilisa'ase'm jlam ti jikap'ijliuskiye yi'ne siunapo i'nio' je 'esijiyi, siu'neje napo jwesis.

Hechos 5:36

Ataj wunitiek'i siupa i'nio' jle' iyo'ate Teudas, ti jla'am ti ini'najnat ape'e papo ijia, cuatrocientos papo i'nio' jla'yis, ayijnies 'najli. Paj ti tilianajat'ipi, 'yina wikie'eyi siupapo jla'yis netiank'iji'n, sek jla'a, 'yaka netia'n.

Romanos 11:18

'Yina ká ajwela' ka asa'm ijiatayiji ka 'ana'yi ape'e napoka siunapo ti ijiateje ti jik'asile. 'Esiji ka ataj 'enayi 'ate siu'nie, ti je asa'am ka 'etie pijia'm janak a'la', jla'm ijiatayi wek jla'am niwak jijwetise'l ti 'netiets'i pijia'm, 'yina janak i'nesieyi ti asa'am.

2 Corintios 5:15

'Yina Sijwajieti iniwe'n ape'e napo i'nio', jak je iyoyiji siunapo 'wasajne'n je pa iyoyeyi siunie ti jlamis ti itiliaja ka woyisi. Najata jla'am ti iyoyi siunie iyo ka woyi siunie i'nio' iniwe'n ape'e, siu'neje ni iniu kisie'e ti tajli ni a'no', ti naka ti isisi.

Filipenses 2:21

Lajk'ipa ka 'wi'in ka ijiatayiji kan'ye'en siunie tajle pit ni Sijwajieti, 'yina najataja jla'am siunie ti jla'am ti 'esi.

Colosenses 3:5

Lanajyi'n wikie'eyi niwak askeyis ti je isis ti taj'le ni ajnat. Je 'es ka ne'yi paka inwoyi siunie 'nojieye, siu'neje ni t'ojli, siu'neje niwa asoski'la, siu'neje niwa je isis ti inteliajayi ti jiwoyeyi. Ká awoye'yi 'ate siunapo ijliak'alijyi'n k'iye siupa iyo ka'we'en, ti 'yiniye ka iwo jika diosa' niwaka ti jiwoyeyi asjlak'aliye.

2 Tesalonicenses 2:4

Naka'ne ni siunie ti janta'yi ilia'm wikie'eyi siuniwa Sinia' jle' yiyi, siu'neje niwa ijnonitieye tena'a. Ja ke t'ajwejliye pa, ti janejyi'n kiajwe jana Sinia' ji'wuk, ti janijwe'el ka jlama kapakaye Sinia', jawoyena'a 'ate, “Ya'am ti anechiyask'i'm.”

1 Timoteo 1:20

Jiwet'ia kia'iyo japo Himeneo, siu'neje ja Alejandro, ya'am pajk'i ti ekiajle ni sitiejiejwa imosik ja 'nakayi ti ja'naja'n jlosiki, janleyeyijna'a siuniwa jlamtis jiniliaja ti yi'ne ni Sinia'.

1 Timoteo 1:9

Siuniwa inka'neyasajnayejes, je tejeye napo i'nio' ti isis ti tilisanajat'iyijpe, 'wenajliyi ti tejeye napoka je isis ti iyoyi ni je 'es; siunapo jwesis, siu'neje napo kakiujnietas; siunapo inke' iyo kipijnasa', siu'neje napo ti iliaki ni Sinia', siu'neje napo teje'yi ilia'm ni 'es, siunapo i'nio' iliajne'n napo jiniewot, wikie'eyi napoka kalankijietas;

1 Timoteo 3:3

Je 'yata ni i'nio', jla'yi ti je naka ni siunie ti inilanejen'ni napo ijia, 'wenajliyi jla'am ti takap'ijliuski. 'Yakama ni i'nio', je itiliaja jana wikiniet'aj.

1 Timoteo 6:10

Kajeyepa siunie jijwetis wikie'eyi niwaka je isis, naka ti inemijnaye tena'a jana wikiniet'aj, jla'yi siunapo ti jitienkiujnieye ipijlanitia'm, ti iyojonk'iye ka jlomas intejwe ka je inetiane janak wikiniet'aj, napoka napo yiyi ts'iji initiajnat ni jitienkiujnieye ti 'es, 'yaka ijlie'en, sekyi'i wuj ti inilayiti ti iyo ni jijliak'ali ti iyo ti yiji ni jlosik.

1 Timoteo 6:4

naka ni i'nio' ti initonit, jlam'ne lajk'iyipa ka iwo je 'yije'en. Iyot'e 'ate ni inlaye, yimi'n ti iniewitiji'n napo ijia, jlam'ne je 'yakajk'i siupi ijwi'il ka initajlatisi, 'yina jlam inilanejen'ni papo ijia. Nak tajle ni siunie ti je paj ka ijnol wita'm napo i'nio', inisela napo i'nio', initejlitk'i wita'm napo i'nio'.

2 Timoteo 3:4

janlaki napo ijia; ti jank'emijietk'i; ja laja t'ajwejliye ti k'iejliyeyi pi janwoyi; janitoniti'n; janwoyi jla'am siupi itilia kanwoyi, jatojwayeyina'a ts'iji ni Sinia' kaneminis;

Santiago 2:8

Siuti je kalakijiena ti jiwoyeyi niwak Sinia' jlamtis ti 'yaka'm ape'e niwa ijia, ti iyo'ate, “Emi'n ni akiecha, wone 'ate iyo ti jininemi'n”, 'esiji ti kiak jiwo.

Santiago 4:16

'Wenajliyi siunie jiwoyeyi ti jinitonitieyi siunie jawoyeyi; wuj ti je 'es naka.

Santiago 4:6

Ijiate siunie Sinia' iwints'e'm ti kasp'elisijne'n 'yaka'm ape'e naka. Iyo jlam niwa jlamtis ti iyo'ate, “Sinia' teje'yi ilia'm siunapo i'nio' initoniti'n, jlampet siunapo ti je initoniti'n napok wuj ti ip'ilisi'n pet”.

1 Pedro 5:5

Siuti asa'am ti jwemik'iase'm, 'esiji ka k'iuyeyi siunapo as'lejwas ti paja ni Inamtik ti iyoyi, ti ijliu'wase'm. Awoma wita'm ti awo'nase 'ate, ká anitonitiejyi'n, 'wenajliyi ti janip'elisina'. Noyeje ni akiecha, kiak jawo pit ni akiecha. Jlam'ne iyo'ate siuniwa inamtis t'ipi, “Sinia' teje'yi ilia'm siunapo i'nio' initonit, jlampet siunapo je initoniti'n napoka pet ti iniuyeje, wuj ti ip'ilisijne'n.”

2 Pedro 2:10

Jlajma ijiatayi siunapo iyoyi siuniwa wuj ti je isis ti tajle ni i'nio' jitienkiujnieye, ti iyoyi ni siunie ti ijiate ti ti'niachiki, jla'yi ti je its'iuye pi Saka'niona ti jla'am anechiyas, iliaki kiwa jlamtis, ti Sinia' ja wujwa ti jansa'ak'i. Siunapo ti netia'n ni jlosik ti 'es, siunapo ti initoniti'n, je jnots'ina siupuwa yiji ni poli ti jijweye po'.

2 Pedro 2:12

Jlamtis jiniliaja ti iliaki siuniwa ti ijiate ti je 'yijeneje paka iwone. Lapakawo ti ijiate ti netia'n pi jlosik, iyoye'ate niwa pini' yiji ni 'la'an, ti laj jlosikie'. 'Yina kiak jawoyiyi napoka siojona 'najlati teje'yi, jla'yi ti inijijwijyi'n k'iye ts'ijiye ti jano'we. Kiak jawoyiyi iyo niwaka, ti tikiowajlajank'iye ti ja tiliana.

2 Pedro 2:18

Wuj ti initoniti'n jlam jiwek ti je pini' puwa jlamtis, 'yina ti lajk'ipa ka 'esie ka intajle. Wuj ti iliaki napo ijia ti ik'emijietk'i, ti itiojna'm ni siunie je 'es, iyo pit ni jikijmaye ni ts'isie'n siunapo ti k'iejli iyota jlosikis ink'iejyisa', ti i'yiltantak'iye siuniwa iyo pit ni jikijmaye.

2 Pedro 2:3

'Yina ti jwesiejayisink'iye ka 'wena jana wikiniet'aj, napoka i'nio' jawo jlamayisi siuniwa askijmatis ti ji'wena ti jajna'lase, kajeyepa ti ja ke jwajla'aja siunie jawoyi ni jika'neyasajnaye. 'Yina ke injlak'alak'i wita'm, kajeyepa ti ja jlaj poye siunie iniwonisi, 'yina pajk'i ta'a ti wakal siunie inijijwijyink'iye, naka ti Sinia' jan'ye'en siunie jitis iyo. 'Yina ja lajak'i pa ka iniwonisi, ja ke injwayisi siunie jiliaye.

Judas 1:16

Napoka napo ti ajwel'ni, iwit'iajne'n siu'neje ti takalakijiejne'n, 'yina ijiate ti yame siuniwa wask'i'nelaja itiliajasi ka woyi. Wuj ti initoniti'n, 'yina ka kia'iwo ka inlakiyisi'i siuniwa jlamtis, siu'neje ti ijwil ka ijnonit jlam'ne jla'm iyonisi jiwek ti ilisanisiap'ni papo ijia.

Apocalipsis 13:1

Sekyi'i ti a'wenayi ja pinitiok i'niat lajlik'i jlele ti 'nes pijia'm, ijwienjli sikio' itij'we times tom'niji jawa jlete'l, 'yina itijwa'm niwa sikioye ja nojwa'm jawa jik'iulis, 'yina ijwienjlijamk'i'ni siuniwa tena jleti'le napo anechiyasas jawa jik'iulis. 'Yina siojowa jlete'l kia'iyo jleyis ijwienjlijamk'i'ni tekiajla'ak'i siunie tiwonaja ni Sinia' ti tiliakik, siu'neje ti titieye ilia'm.

Apocalipsis 16:11

'Yina ka pakayeyi ka woyisi ka leyisk'i siuniwa jikeyis ti je isis, 'wenajliyi ti siuti kia'iyo ijiat ti t'a'ti iniope ti puwaka jla'am jiwet'ia iyo a'tiejayisiam'ni, sekyi'i ti ji'lij je 'esieyi ni Sinia' ti yi' poliyi.

Apocalipsis 16:21

Sekyi'i ti tisiayejayi ape'e napo i'nio' yi' ape'e 'ni ajnat jawa alatiu' ti wus, yi'i japa ijiatt'iyi ti 'yaka'm ape'e siuniwa ijia ti cuarenta kílojos. Sekyi'i napo jlam jwesisjliyi ni Sinia' yinayits'i siunie ji'lij jiniliak, 'yina ti kiwaka jla'am kiwa alatiu' ti itiajlatisie, kajeyepa ti ijiate ti a'tiek'i siukia jiwet'ia iyoyisi.

Apocalipsis 16:9

'Yina wuj ti a'tiek'i siukia iyo ti 'yojwits'i. 'Yina ka kiakaye'etieje ka inwoyis jlosikis ink'iejyisa', ka pakaye 'neje wek ka inwunitis pi Sinia', 'wenajliyi siunie iyoyisi ti tak'ekiasane ni Sinia', ni siunie ti lajk'ipa ka ijnojliji, ti jla'am ti isia'yi ape'e niwaka ti jiwet'ia iyo.