2 Timoteo 2:8 - Sinia' Jlamtis 1994

⁸ Ataj enayijpe 'ate ti Sijwajieti Jesús iniu kisie'e ti tajli pi a'no', jla'yi ti jla'am ti tajla'm papo David jilist'ipi. 'Naka'ne siu'nie ti awoyi'ni yamtikie',

2 Timoteo 2:8 ပူးပေါင်းရင်းမြစ်များ

Hechos 2:24

'Yina Sinia' iniujwa'n kisie'e ti tajle ni a'no', ijwiejiete ki iyo ni t'a'ti ti tajle ni jiliaye, kajeyepa ti siunie inlaye je ijlie'ne'ni pet.

Romanos 2:16

Ke iwo pa ti siuti janeyi janak jloma, Sinia' jankajanit'i ape'e wikie'eyi niwa yijits'i niwa jlosikis napo i'nio', Sijwajieti Jesús naka ti titiejkinaja ti jan'ye'en, nak jika'niye ni siunie ajwe'el ti awoyi yamtikie'.

2 Tesalonicenses 2:14

Nak it'imina ti Sinia' ta'nase, jakayi ti ajwe'lase'm kiwak Sinia' jlamtis ti ajwela ki iyo ni injwajieti. 'Yina ka kiak awoyeyi pet ka awayejyi ni iyo pi Saka'niona Jesús ti Sijwajieti jit'iuni ti anechiyas.

Mateo 1:1

'Niwak jleyis papo tajla'm t'ipi pet ja Sijwajieti Jesús, ti tajla pet pa David, 'yina David tajla pet pa Abraham:

1 Timoteo 2:7

Jak je iyoyiji ti Sinia' siwojwa'n jijliujwanik'i'm, ka ijwile ni siunie inka'niye napoka siunapo ti je Judíojos, ka 'yiyasane naka ni siunie intankiujnieye ti 'es, siu'neje ni ijiatk'i. Jlajme awoyi, ijiatk'i siunie awoyi.

1 Corintios 15:4

Ti kia'iyojliyi niwaka 'neje inamtis ti ijwi'il ti titijik k'iye, sekyi'i jlomas najape iniu kisie'e ti tajli pi a'no'.

Apocalipsis 5:5

'Yina ijwienjli'ne ja siojopo i'nio' jwajla'a iyots'i'ni ijliuk'i'm ti iyonk'i 'ate: —Leyi ti jlap'ni. 'Ye'en, siunie i'nio' jle' iyo'ate “K'iwajla siunie tajla'm napok Judá jika kia'lis”, siu'neje na David jlas 'neje ni siunie tomi pijia'm. Jla'am pajk'i ti itietek'i isia'm siunapo jitiejiejwas, 'yina naka ti 'yu'we jla'm ka ila'nik'i niwa ijwienjli sikio' itij'we times tom'niji ti 'yit'i ape'e ni imp'esinik siu'neje ti ja inlajna'm.

1 Timoteo 1:11

Siu'nie inka'neyasajnaye ti 'es, ti yiji naka inka'niye ti 'es ti Sinia' ti jiwunitieye po', yikialk'i ka ijwile pijia'm.

1 Corintios 15:1

I'lijwas, 'nakayi awotajank'iye ka ataj enayi'ni 'ate siukia Sinia' jika'niye ti ijwi'il jana injwajieti, ti awoyi pet yamtikie'ase. 'Yina 'naka'ne 'ni siu'nie ti jikimape ilia'm, siu'nie ti i'netiets'i pijia'm.

Romanos 16:25

¡Jajnotk'i'ni ti ja tiwunitie ni Sinia', etijnape pa Sijwajieti Jesús ti kia'iyo! 'Yina Sinia' jijweye po' kanoye'ase'm pet, ka wo asjweyeja', iyo siuniwa amtiyi siunie ti ijwi'il pa Sijwajieti Jesús. Nak siunie ti je tak'emisie'n siunie Sinia' ti je paj ka netia'n, je 'yakajanit'i ape'e talk'i'ni ti kia'iyo. 'Yina 'nakayi jiwekie'aja ti yin kisie'e pakayi ti jijliujwajnas jla'am ti yi'ik'i niwa jip'esijna'. 'Yina siunapo i'nio' itiant'ieje, kajeyepa ti Sinia' iyotajank'iye ka tijwelaja wikie'eyi niwa ajnatis, 'nakayi ti ja ke inkakiu jla'yi ti jank'iuye niwa jlamtis. ¡'Esiji ka jiwunitieyi tena'a ni Sinia' ti ijwienjli jla'am ti 'yije'en!

Hechos 13:23

“Ijwienjli'ne siupa jika kia'le pa David paka pa Jesús, siupa Sinia' ijliuyi papo Israel jika kia'lis ka in'maniti'n. 'Yina ka 'wena iwo wata'a siupa iyo jla'am pa Sinia' ti ijwilt'ipi

Hechos 2:30

David injwejlanik jiwojimpe, it'imina ti 'yijene ta'a pi iyone siupi jitieyiji, kajeyepa ti Sinia' ijwijla'm ti iyo'ate, “Jayone anechiyasa' pa janjwanjli napo ales ti jantal aswa'am.”

Lucas 24:46

ti iyoyet'ipi 'ate: —Siuniwa Inamtis yi'i ni ji'wet ijwi'il ni Injwajieti ni Sinia' jijliujwanik ja wujwa ni jijliak'ali, janekieyinie'e ti ja tiliana, 'yina jlomas ja najapeja ka inoyena'a kisie'e.

2 Timoteo 1:8

Nak it'imina ti awo'ate, 'esiji ke 'najwel ti jijwe'el ni Saka'niona, jla'yi ti ja ke i'najwel itipe'e siuti ajyi jla'a insat jiwe, lapakawo ti naka ti it'imink'i ti anoyeje. 'Yina noyeje pet siunie ti anilayiti ape'e niwa Sinia' jlamtis, je lajk'i ki iyo ni ajweye ti jitiajleje ni Sinia'.

2 Timoteo 2:7

Ataj na'yina'a siu'nie awoyi, Saka'niona jlam ti janoye'a'm 'nakayijna'a ti jantant'iek'i wikie'eyi 'niwaka.