2 Timoteo 2:7 - Sinia' Jlamtis 1994

⁷ Ataj na'yina'a siu'nie awoyi, Saka'niona jlam ti janoye'a'm 'nakayijna'a ti jantant'iek'i wikie'eyi 'niwaka.

2 Timoteo 2:7 ပူးပေါင်းရင်းမြစ်များ

Lucas 21:15

'yina ja yama ya'am ti jawi'nase'm ni siunie as'lej jawonayi, siu'neje na 'najankijnieye, 'nakayeyijna'a siunapo astajiejwas ja ke into'ma aselia'm, 'wenajliyijna'a ti ja injwel ka inkiuj'liase'm, 'yina ja ke injlana'ni.

Lucas 24:45

Sekyi'i ti jiwekie'aja t'ipi ti itiant'iejesk'i, kajeyepa ti jlam jla'am ti iyo jlosikie' ka 'najane kiwa Sinia' jlamtis yi'i ni ji'wet,

Lucas 9:44

—K'iuyek'i'm, mayina'yisia'm siuniwa yamtis. Siunie I'nio' Jlas ja tekiajla kiojyi napo i'nio'.

Juan 14:26

Lapajawo ti japoye janak Sinia' jikimet ti 'es, ti asp'ot, ti Inia' janjlo'wase ti ja setijnape. Janoye'ase'm ka astaj wujwak'i wikie'eyi siuniwa awo'nase, siu'neje ti janaka ti ja'neyasana.

Juan 16:13

Jlam ijiate ka 'nesta janaka ti ijiateje ti Sinia' jikimet ti 'es, janak ja into'nase siunie ki iyo ni ijiatk'i. 'Yina ja ke jlama ka jlamtisa' siunie jawo, janjwel pet siunie iyo ni ipi'yayi, ja'najanki'nase ta'a siunie jawo puwa ja'wena' ts'ijiye.

Hechos 7:10

ijwiejiete pi jiwet'ia iyo. 'Najankijnieye iwijna'm, iniuyeje ka 'naja'n jitieyi'i pa anechiyas yiji japa Egipto, it'imina'ne pa anechiyas ti iyo jleye ti iyojwa'n pet anechiyasa' kan'yena siupa ji'wet siu'neje pa jika ajnat.

1 Corintios 12:8

Sinia' jikimet janaka ti iwijna'm ni i'nio' ka 'naja'n ji'liji; jla'yi ti janaka 'neje ti tajle siunie ti po' ni itiant'ieje siunie yiyi pi jikiecha.

Filipenses 4:8

'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

Colosenses 1:9

Ta'a ti awoki naka ti ajieye'ase'ni, je aleki ti 'ajlanaja'ni ti ajwelaja ni Sinia', 'nakayi ti jan'we'nase'm wikie'eyi siuniwa asosik iyo ka 'najane, siu'neje niwa iyo ka intant'ieje, sekjane'yi ka intant'iejayijijna'a siunie Sinia' iyo.

1 Timoteo 4:15

Nayi wita'm ni akiowe ti ataj ja eni'ni 'ate niwaka, 'nakayi ti jan'we'en napo i'nio' ti ijiate jikajli niwaka.

2 Timoteo 2:6

Jlampet siunie inkijmayewo, kia'iyojliyi lajk'ipa ka intomik'i'ni ti iyo ka intojw siupuwa jla' puwa jiwomki, kajeyepa ti nak it'imina ti ini'net ti isijme'n.

2 Timoteo 2:8

Ataj enayijpe 'ate ti Sijwajieti Jesús iniu kisie'e ti tajli pi a'no', jla'yi ti jla'am ti tajla'm papo David jilist'ipi. 'Naka'ne siu'nie ti awoyi'ni yamtikie',

Hebreos 12:3

Jak je iyoyiji ti ja atankiunie'ni ti astaj ja enaye 'ate siupa Jesús iyot'iyipi, ti wuj ti inilayiti siupa jiwak siupapo i'nio' iyoyi ni jike' yi'ne. 'Yina je 'es kanik'ijlianatajyi'n ni'ne ka astaj je insisiek'i'ni.

Hebreos 13:7

'Yina naka ti ja astaj enayi 'ate, siunie iniwone napoka ti 'eyasanayi siunie 'es ka wonayi niwa asosikis, siunapo ti ijwi'lase'm niwaka Sinia' jlamtis. 'Yina mayeyi naka siunie iniwont'iyisijipi, paj ka awayeyinie'e siupa ti jlaj yit'i'yijpe. 'Yina ja ke anetiajnata siunie astankiujnieye ti 'es iyo siupa iniwont'iyisipi ti je 'yakakiuyis pa Sinia'.

Hebreos 3:1

I'lijwas, asa'am ti Sinia' pajk'i ti ta'nase jla'yi ti i'notata', astaj enayi 'ate pa Jesús, ti jla'am ti Sinia' jijliujwanik siu'neje ti jla'am ti pa'yijis jika anechiyas wuj, ni siunie sitiej awomaja.

Hebreos 7:4

Ataj kiam kiu' enayi 'ateje paka Melquisedec t'ipi ti ijiate ti i'nioyi, 'yakajlitieje pet paka siupa ti ijiate pet ti sitise Abraham, 'yina iwijna'm pa Melquisedec siojopa itijwa'm niwa sikioye ti tajlaja'm siojopa 'yakajli ti inila'an ti iyo ji'wajieta'.

Santiago 1:5

Jane'yi pa ti asa'm ti jawo ka 'naja'n pet, 'esiji ka 'ajle pa Sinia'. Siunie jasetia'n Sinia' janwe'na'm. 'Yina Sinia' je yijna'm wikie'eyi napo i'nio' ti t'ajla pa k'iejliyi jla'am iyonayi pit, 'yina ti Sinia' jwajla'a je isitia'n.

Santiago 3:15

Kajeyepa siunie 'najankijnieye ti kia'iyo, je tal Siniayi. Tajle ni i'nio' ni jitienkiujnieye jla'yi ti tajle jla'am ni imosik.

Santiago 3:17

Jlampet siunapo ti ijiate ti tal Siniayi siunie iyo ti 'yije'en, napokaye pet ti kia'iyo ti siunie inia'an ti yiyi ti 'najleje'n ni jlosik; je ti'wena ka iwoyi jijliak'aliye puwa wask'i'nelaja, 'wenajliyi ti 'yakama; siupi ijia iyo kawoyi its'iuye. Takap'ijliuskijyi'n; je ti'wena paka jikeye ka je 'esie iyom wita'm papo 'namaja, jla'yi ti je yinjlajap naka nik'emijieye; isis napo i'nio'.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.