2 Timoteo 2:4 - Sinia' Jlamtis 1994

⁴ Ji'we'en siunie tokis ti its'iuye ni jika anechiyas, nak it'imina ti je iyo ka'ye'en niwa wask'i'nelaja iyo napo ti je tokis.

2 Timoteo 2:4 ပူးပေါင်းရင်းမြစ်များ

Lucas 8:14

Inseliaki siupuwa ijniuj'li pet pa ajnat k'itienis yi'i, napoka pet siunapo iyoyi ni inamtik, 'yina ti po' siuniwa 'yuyits'i, siuniwa jikijmatis ti i'winis, siu'neje niwa ki iyo ape'e 'ni ajnat jinikanitiejeyejes. Niwaka'ne jla'am ti 'wes ti ijiok'i'ni, yamjliyi ti to'm ape'e ni siunie jitienkiujnieye ti 'esta, jak je iyoyiji ka iwoyi jlaye.

2 Corintios 5:9

Jak je iyoyiji, 'wanjliyi ka je itiajlaja, ni'ne ka je iwieki siu'nie ts'isie'n, 'yina ajalasa ape'e ka ikanitieje'ni pa Saka'niona.

Gálatas 5:1

Sijwajieti jlam ti kas'manit, ti sa'am ti inkipijnasts'e'm, it'imina ti 'nakayi ajwayeje ni siwet'ia. 'Yina siuti kia'iyo 'naka'ne ti astaj ja enayi 'ate ti janit'onitieyi pijia'm, je 'es ka ekiajla astepe'e siuniwa asjloye ti kiak jiwoyeyi ti jleyepe kiajwe.

1 Tesalonicenses 2:4

Sinia' pajk'i ti kassejlit ka ijiatayi ni awoki, 'yina kas'wen'ne, it'imina ti je isiwitits'e'm niwa jlamtis, jak je iyoyiji 'ni iyo'ni amtiki ti je niliak. Je napoka napo i'nio' ka iyojonk'iye ka 'yakanitie'ni, 'wenajlitieje pa Sinia' ti awoktajank'iye ka 'yakajanitie'ni, ti jla'am ti kas'ye'en iyo niwa sikiojwa'l.

2 Timoteo 4:10

Demas lapakawo ti yimi'n siu'niwa wask'i'nelaja yi'i 'ni ajnat, it'imina ti ilik'i, 'nakayi teje 'niji Tesalónicaja. Jlampet ja Crescente ijio 'niji Galáciaja, 'yina Tito teje Dalmáciaja.

2 Pedro 2:20

Siunie i'nio' ti itiant'ieje ni Saka'niona ti Sijwajieti Jesús, naka pet ti tijwajyi siuniwa iyo pit 'ni ajnat ti ijiateje ti je 'es. Jlam pet ti ininene 'ate ti yapiliyi naka 'yina 'yakapajli'ni, sekyi'i siunie jike' ti ijiate ti je 'es. 'Yaka'm ape'e lapakawo ti je to'm ilia'm, it'iminayi ti 'yakaja ape'e siunie iyo ti 'nelanjie'e ni jiwet'ia iyo.