2 Timoteo 2:2 - Sinia' Jlamtis 1994

² Siuniwa jipe'yape ti ene jitieyi'i japo i'nio' ti 'loj, ti ajwe'la'm, nak jajwejla'm pet siunapo ti je tikiwitaja, ti ji'we'en ti 'yakajli ti iyoyi, 'nakayijna'a pet ka 'neyasajne'n napo ijia.

2 Timoteo 2:2 ပူးပေါင်းရင်းမြစ်များ

Mateo 13:52

Jak je iyoyiji'ni ti Jesús kiak iyone: —Ka ne'yi pa siunapo jiwos pet ni Moisés jika'neyasajnaye, ti ini'neyasane ni Sinia' jika anechijiayas, iyoye'ate siunie jika'niona jana 'wuk, ti janak tajlajam'ni siuniwa 'yotat. Po' niwa ink'iejyis, ijia niwa ji'yusis niwa wask'i'nelaja.

Mateo 24:25

¡'Yejne'n, ajwe'lase'm ta'a, ti je yijliyi'ijyi janak jloma ti kiak jawo!

Lucas 12:42

Saka'niona isiujlie ti iyo'ate: —¿Tempi i'nio' ti inkawo ti 'es jla'yi ti jlosik yiji'ni? 'Naka ni jika anechiyas jan'yenkina siunapo ijia jikawos 'neje ji'wet'e, siupa jloma ti lajata'yise pa anechiyas, ti jlam ti tekiajlaja kan'yena papo ijia, jak je iyoyiji yiyi siojopa jloma tetijnaja kanwe'en pi inak, sekyi'i iwinajamk'i papo ijia.

1 Corintios 4:2

Siuti po' ni i'nio' ti k'iejliyi pa jika anechiyas ijliuye kawoyi, je 'esiji ka je 'nakaj, siunie iyo ti isima, ti jlam ti ilisaniji pi jika anechiyas jla'yi ti ilisaniji pi jikijmaye.

2 Corintios 2:14

Ijiatayijia'm pa Sinia' ti kiak iyone pa Sijwajieti, ti itiete isia'm siunie jitiejiejwa ni inilane, naka'ne ni siunie ti awaki' jla'yi ti ajoki nak inwak. Sekyi'i isisiets'e pet napo i'nio' ti a'wenkinaja ka intant'iejesi pet ni Sinia', ni siunie iyo ti itiant'iejesi pi Sinia' itijwits'i niwa ajnatis yi' ape'e 'ni ajnat, iyoye'ate siunie jini inkajk'i.

2 Corintios 3:5

Ijiate ti lajata sijweyeja', kant'eminape ka ikajlaja pa sikijmaye ti kia'iyo.

Colosenses 1:7

'Yina siojo ti 'neyasanayijpe niwaka, jakape ja sikiecha ti kasts'amaja Epafras, 'nakayi yamjliyi ti iniuyi'ase'm, jayo'ate iniuyits'em'ni ti akimajatajk'iji'n, Sijwajieti jikawo ti 'es.

1 Timoteo 1:12

Inikanitiejeye ekiajle pi Saka'niona Jesús ti Sijwajieti, jla'am ti iyo ijwiyeja', jla'am ti 'yujwanitk'i'm ka sejni ni isijmaye iyo.

1 Timoteo 1:18

Yas Timoteo, 'ye'en siu'nie jayo'naja ti ja'yiyasa'n, ka 'wena ijnojwap'e wat siuniwa Sinia' jlamtis iyont'iyipi ti injwe'el ti ijwijla'm papo jijwejlanawos. Ja ke paja ka aleyi ti ja awoyi atankiujnieyeja' kiwa inamtis, 'nakayi ti ja'nesiejempe ti jlak'aliyijin'ni ni je 'es.

1 Timoteo 4:14

Lesaniji siunie Sinia' iwi'na'm, ti iyo a'wajieta', jakayi ti yamtijie'n japo jikawos, siojo iyo ja ijwi'la'm ti jikioye yi'n ape'e japo ijiate jla'am ti Sinia' jilis.

1 Timoteo 4:6

Siuti kiak jawo ja 'eyasane papo si'lijwas niwaka, ja ama' siunie Sijwajieti Jesús jikawo'wa'm ti 'es. Jawoyi ajosik jlaka niwak inamtis ti tajle ni je akakiunieje, siu'neje ni inka'neyasajnaye siunie 'es ti impaja ti jleki, 'yina jleyeyeyi 'nijiye.

1 Timoteo 5:22

Ke inesi'lie'yi paka akioye e'n ape'e, 'lojwinie'e ka alaye inoj wita'm siuka iwotajanie'e ni jike'. Ke anine'nate ka ijno'wa siunie je 'es.

2 Timoteo 3:10

'Esiji ti 'wena je t'iasap'e siunie 'yaka'neyasajnaye iyo, jla'yi siunie awone, siu'neje ni ajalas ka iyoyi, siunie iyo ni itienkiujnieye ti 'es, jla'yi ni awo ti akama, siu'neje ti yimijnaye po', jla'yi ni ijwiye iyo ti ato'm ilia'm ni iyo napo i'nio' ti teje'yi ijyilia'm, siu'neje ti anilayiti ni ijliak'ali iyo.

2 Timoteo 3:14

Wikie'eyi siuniwa jini'neyasanejpe niwaka ti ja ke paja ka leyi ti ja aki, siunie ti ijiate ti je jikakiuni, jla'yi ti intant'ieje, 'yina 'najane pi jiwone siupapo 'neyasant'iyijpe.

Hebreos 2:17

Siuti k'iejliyi pa jijliak'ali napo ji'niayi ijwienjli, sekyi'i kiak iniwonayi pit iyo jlamis. Sekyi'i ti 'esieyiji ti kiak iniwone 'ate iyo ni pa'yijis jika anechiyas wuj, siunie ti je tiwonaja jla'am, siu'neje ti takap'ijliuski ti iniuyeje napo i'nio' siunie Sinia' itiliaja ka woyi. Jla'yi ti initiajnat niwa jloski'la ti iyoyi jikieye ki jiliaye iyo ti 'ya'al.