2 Timoteo 1:9 - Sinia' Jlamtis 1994

⁹ Sinia' kasjwajiet, jlam ti isimts'e'm, jlam ti kaslej, 'nakayi ja kasts'isis. Je ka isijmayeja ka 'esie kant'emina siuti ti kia'iyo, 'wenajliyi ni iyo ti jla'am ti tajle, ni iyo ka wonts'e ti kasp'elisi'n. Ka lajat'ik'ipe pa Sijwajieti Jesús, ti Sinia' kassemi'n, tajlap'e ti lajlik'ijipa 'ni ajnat.

2 Timoteo 1:9 ပူးပေါင်းရင်းမြစ်များ

Mateo 1:21

Ja jlas japoye, siunie kia'le jle' jawo'ate Jesús. Kiak jle' jawo kajeyepa ti ja jlama ti janjwajiete'n napo jika kia'lis, ti janjwajiete ni jike'.

Lucas 10:21

Pakat'iyijpe ti Jesús wuj ti inkaj'ni, ka lajak'i ki iyo japa Sinia' jikimet ti 'es, ti iyoyet'ipi 'ate: —Awunit Inia' ti poli jla'yi 'ni ajnat jika'niona'a'm. Ji'wenkijna'm siunapo lajk'iyi pa kawo, ti je 'yijejne'n. Siuniwa wask'i'nelaja jijwekia'm napo i'nio 'yijejne'n, siu'neje napo i'nio 'yijen jlosiki. Ijiate 'ni Inia', kajeyepa ti jlam kiak jiwont'iyipi ka kiak inwoyi.

Juan 17:24

“Inia', am a'am ti jiwenk'i'm, awojonk'iye pet ka neyis ijiap, ts'ijiye siunie jayi'i, ja'nakayeyi ti jan'wenis pet siunie ijwiye iyo ti jlekialk'i, kajeyepa ti semi'n ta'a jitiajlap'e ti je wakaljli'ijyi 'ni ajnat.

Juan 17:9

'Ajlajnap'a napoka, 'yina je napoka siunapo ajnat jlele pet ka 'yejlajnap'a. Napokata jla'am siu'napo ti tijna'ya'm pet, ti jlekialk'i.

Juan 6:37

Wikie'eyi siunapo Inia' yikialk'i, napok ijiok'i. Napoka ti ijiok'i ja ke 'yakawona,

Hechos 15:18

Kia'iyo siuniwa jlamtis pa Saka'niona, jla'am ti 'yakajanit niwaka wask'i'nelaja ti 'nelanjie'e.”

Hechos 2:47

Jla'am iyunitisjli pa Sinia', wikie'eyi papo i'nio' ti ijiunit, ti isis. Kiajatak'i'ni puwa jlomas Sinia' jla'm iyomjliyi'iji papo jilis, ti tijwajyi'n.

Romanos 11:14

Lapakawo ti awotajank'iye ka siunapo i'lijwas Judíojos pet ka injlak'al aselia'm, nakayi ti japoye siunapo ti janjwa'.

Romanos 11:29

Je'ne ka je 'nakaja siunie Sinia' iyoyi. Siunapo iyo ka inki'mik'i napok isima'ak'i, siu'neje napo iyo ka inoyeje napok iniuyeyeje'eje.

Romanos 16:25

¡Jajnotk'i'ni ti ja tiwunitie ni Sinia', etijnape pa Sijwajieti Jesús ti kia'iyo! 'Yina Sinia' jijweye po' kanoye'ase'm pet, ka wo asjweyeja', iyo siuniwa amtiyi siunie ti ijwi'il pa Sijwajieti Jesús. Nak siunie ti je tak'emisie'n siunie Sinia' ti je paj ka netia'n, je 'yakajanit'i ape'e talk'i'ni ti kia'iyo. 'Yina 'nakayi jiwekie'aja ti yin kisie'e pakayi ti jijliujwajnas jla'am ti yi'ik'i niwa jip'esijna'. 'Yina siunapo i'nio' itiant'ieje, kajeyepa ti Sinia' iyotajank'iye ka tijwelaja wikie'eyi niwa ajnatis, 'nakayi ti ja ke inkakiu jla'yi ti jank'iuye niwa jlamtis. ¡'Esiji ka jiwunitieyi tena'a ni Sinia' ti ijwienjli jla'am ti 'yije'en!

Romanos 3:20

Kajeyepa ti Sinia' ja ke inets'e paka inlesajne'n 'wanjliyi ka kia'iwo ka na'am ape'e ki iyo ki inka'neyasajnaye. Ka kiak je iwoyi pa ti 'nakata wek jla'am ti tejeye ka kasts'ajane paka iyonaja ti sa'am ti i'niolts'e'm ti sakeyis po'.

Romanos 9:11

Siuti je yijlik'ijij'ne 'yina lajk'ipa ka je 'esie ni'ne ka 'esie paka woyisi, Sinia' iyone'ne 'ate japa Rebeca, “Siunie isijli nak ji'yini jawo jikawoye.” Nak kia'iyo siunie Sinia' iyot'iyipi'iji ti iyo'ate, “Jacob nak emi'n, jlampet ni Esaú se'waja'm.” 'Yina naka ti a'wena ti Sinia' jla'am ti 'yijene siupa iyo ka inki'me, siupa ti iyo ka intane, siupa iyo ti itiliaja kanwone, 'yina je naka ka in'yene siupa ka 'esi pi jikijmaye.

Romanos 9:24

Je samkata ti sa'am ti atajlaja'm pet napo Judíojos ti tants'e, siupet ti asa'am ti jitiajlayi siunapo je Judíojos kiak jiwoyeyi i'yajts'ase pit.

1 Corintios 1:18

Siunapo i'nio' ijioyi ti janetia'n, napoka napo ijwi'il ka laja lajaye siuniwa Sinia' jlamtis ti ijwi'il ni Sijwajieti jiliaye iyo ti yi' ape'e japa cruz. 'Yina jlampet ti sa'am ti atayeje jana sijwajieti, kasts'ajane ti siuniwa Sinia' jlamtis naka jijweye jla'am.

Efesios 1:11

Sinia' pajk'i ti kast'ajets'i ti 'nelanjie'e, ti iyo ka iwo jika kia'lisats'e'm, ka lajak'i siunie awoki ti ani'nopijietaja ni Sijwajieti, 'yina pajk'i ta'a ti iwiakajlanit siunie iyo ka woyi, 'yina naka'ne siunie iyoyi ti 'yakaj. 'Yina ti jla'am ti jilisajna' wikie'eyi siu'niwa wask'i'nelaja po'. Ka injlan wata'a siunie iyo ka woyi ti itiliaja.

Efesios 1:9

Jla'yi ti 'yakajanitts'e'm siunie iyo ti 'yaka ape'e, jlamt'i ijiate ka iyo'ate, siunie ti pajk'i ta'a ti iyo ka iwoyi, 'naka siu'nie:

Efesios 2:5

siuti mawat je atajlaja ni sake', ijiate kasts'ajle'n kajeyepa ti awaki naka. Jlam ti kasjwajiet it'imina ti kas'wasajne'n 'neje, iyoye'ate siupi iyone pi Sijwajieti ti yikial pijia'm ti tajli pi a'no'.

Efesios 3:11

Ka 'wena iwo wata'a siunie iyot'iyipi ka iwo ti 'nelanjie'e, ti je paj kant'eki naka ni siunie 'yakaja 'nakayi ti Sijwajieti Jesús iyoyi.

Filipenses 3:14

Ajalasjli'yi ape'e ka yiyi ni yi'i ni jlaj, kajeyepa ti awojonk'iye ka i'yaka'n siunie i'wiejiet siunie Sinia' janwejna'm napo i'nio' ts'iji poliyi, ti tanets'eje siuti sa'am je akakiuk pa Sijwajieti Jesús.

1 Tesalonicenses 4:7

Kajeyepa ti Sinia' je naka ka intanets'e ni siunie je 'es. Tanets'e ka iyoki ni 'es, ka ijiatayiji ka inilesanaja.

1 Timoteo 1:1

Ampey isiecha Timoteo, ya'am Pablok'i'm, yam ti ajlo'wase 'ni ip'isinik. Ti Sijwajieti jijliujwanikk'i'm, ka iyot'e 'ate siunie Sinia' ti Sijwajieti jikawo siunie jlame ti je toj'we ti jla'am ti kiak siwoneje siu'neje pa Saka'niona Jesús ti jlam ti sinijijwiye. A'am ti jiwoye 'ate ka yasa'a'm ti tajle ki iyo ni sitienkiujnieye ti 'es ti wuj ti emina. 'Esiji ka Sinia' jla'yi pa Sijwajieti Jesús ti Saka'niona, 'esiji ka inwe'na'm ni siunie 'es, siu'neje ka imp'elisimpe, jla'yi ka inlesa'n.

2 Timoteo 1:1

Ampey ja isiecha Timoteo, ya'am Pablok'i'm ti Sijwajieti Jesús jijliujwanikk'i'm, 'yina ti awoyi siunie Sinia' jlam ti ijliuyijk'i'm ka iyo. Jla'yi ti yikialk'i ka ijwijla'm ti ji'wasankiye po' napoka ti ini'nopijiete pi Sijwajieti Jesús, ya'am ti ika jwukis siu'niwa. A'am ti awo yasa'a'm ti wuj ti emi'n, Timoteo, 'esiji ka Sinia', jla'yi pi Sijwajieti Jesús ti Saka'niona ka we'na'm ni 'es, jla'yi ka imp'elisimpe, siu'neje ka akama.

Tito 1:2

'Naka siunie awoki ti je niliak, tajle naka ti ijiate ti 'yaka ti anejejwiyejenk'iye, ti kasjatoni jana si'wasankiye ti t'o'n. Si'wasankiye siojona ti Sinia' pajk'i ti ijwi'il ti 'nelanjie'e lajlik'iji pa 'ni ajnat. Sinia' je nak i'nio' ti iyo sintiye.

Hebreos 3:1

I'lijwas, asa'am ti Sinia' pajk'i ti ta'nase jla'yi ti i'notata', astaj enayi 'ate pa Jesús, ti jla'am ti Sinia' jijliujwanik siu'neje ti jla'am ti pa'yijis jika anechiyas wuj, ni siunie sitiej awomaja.

1 Pedro 1:20

Lapakawo ti Sinia' pajk'i ta'a ti itime ti kiak iyone ti 'nelanjie'e je ilisanjliyi'ijyi ni ajnat, yi' jlajayi niwa jlomas ti jiwekie'eja ti i'winki'n naka'ne ti insisieyi.

1 Pedro 2:9

'Yina ti asa'am jla'am ti isi'mase'm ti iyo jika kia'lisa'ase'm. Asa'am ti pa'yijists'ase'm ti jiniuyeyeje ni aska anechiyas ti wuj. Asa'am ti Sinia' jika kia'lits'ase'm ti 'wena ijnotie'yi, ti jlam ti ya'mase ka jwela siuniwa isis jilisajna'; naka ti tana'ase ka atajlayi siunie ajnatiok, sekyi'i ti jawayejyi ni siunie jla'al jana kates ti wuj ti 'es.

Apocalipsis 13:8

'Yina siunapo i'nio' yi' ape'e 'ni ajnat siunapo jleyis je yi'i naka imp'esinik, jip'esinik ni i'nio' 'wolepo 'woma siunie ti tilianape, ja wikie'eyeyi ti janwunitis jaka pinitiok. Naka ni siunie imp'esinik ti jleyis yi'i napoka ti pajk'i ti yiyi janak ji'wasankiye ti t'o'n, pakayi ti 'nelanjie'e Sinia' ilisanayi ni wask'i'nelaja.

Apocalipsis 17:8

Siu'nie pinitiok ti ji'we'en, naka ni siunie ti kia'iyo ti ji'wenape ti 'wanjlijli'yi kiu', 'yina 'nakayi lajk'ipa, pajk'i ti netia'n. 'Yina ja ke iwojliyinie'e ti jano kisie'e ti jantalk'i siunie kiawe ni je ti'wena pa jlaj yi'i pa jik'ioyi, naka ni injlak'ali 'wet pet, siuti kiak jawo ja ke inejliyi kiu' siunie jane'yi jlaj ti janetia'n ka sek jlaja'ayina'a. Jak je iyoyi siunapo i'nio' ji'wet pet siunie ajnat yi'i, napoka ti jleyis laja naka imp'esinik siunie jleyis yiji napok ji'wasankiye ti t'o'n po', talk'i'ni pakayi ti Sinia' k'iejli ilisanayi siu'niwa wask'i'nelaja yi' ape'e 'ni ajnat, ka iwojliyinie'e pa ka i'wenista naka pinitiok. Kajeyepa ti i'winispe ti siuti 'wanjliyi kiu', 'yina 'nakayi lajk'ipa, netia'n, naka 'neje siunie ti janapi pijia'm.