2 Timoteo 1:3 - Sinia' Jlamtis 1994

³ Ti awo 'yejlayeja', jloma ajnaj, itiej wuj'wa'ni, sekyi'i ti awoye'eje inikanitiejayi pi Sinia' ti 'Yaka'niona. Ka kia'awo ka poye paka k'iejliyeyi ka iyo 'yajwejliye, ti ijiate ti anoyeje, iyot'iyipi papo 'yaka kijilas mases.

2 Timoteo 1:3 ပူးပေါင်းရင်းမြစ်များ

Lucas 2:37

Jlampa ochenta y cuátroja puwa jika najakapis ti iyo ask'iliekiye. Je yi'i japa ka jlomaye ka inleyi jlaja Sinia' ji'wuk, jlomas ti iyunit pa Saka'niona. Jlomas itijwe siu'neje puwa ajnajas ti ininel'liajanit'ni ti iyoyi pa t'ajlaye.

Hechos 22:3

—Judíok'i'm, ajyijyi'n jana Tarso, yiji jana Cilicia, sikijliyeje siujlie'e Jerusalén, ti ani'neyasa'n. Gamaliel t'eyasanikk'i'm, atej'weje'n ti ani'neyasane ki iyo ki Moisés jika'neyasajnaye, siupapo sitise'l t'ipi isi'me naka. Wuj ti ajalas ka iyoyi naka siunie iyo pa Sinia', anipejlanit ki iyo ni ijiusik, iyoye'ateye jiwoyeyi siu'nie jloma.

Hechos 23:1

Pablo jitiej itieteje'ni japo ti iyo'ate: —I'lijwas, atalk'i'ni jiwekie'e, atajlap'e ti 'nelanjie'e, awakieyi 'niji ti akama jiwek itieyi'i pa Sinia'. Kajeyepa ti lajk'i wekie'e pa ka iyo ka je 'esie ka itiej wujwayi'ni ka ts'ajwejle.

Hechos 24:14

'Yejne'n, ya'am je ap'o'n ape'e siu'nie aki pet naka siunie saka kijilas mases Jiniat'ipi pet. 'NAYI INK'IE', ni ijwilis ti je ijiatk'i, nak aki pet. Je 'ats'ape'e siunie iyo ni Moisés jika'neyasajnaye, siu'neje niwa jlamtis papo injwejlanawos t'ipi.

Hechos 24:16

Tempi it'imina ti akatattaja ka lajayi itisayi ilia'm pa Sinia', siu'neje napo i'nio'.

Hechos 26:4

“Wikie'eyi siunapo Judíojos ti 'yijene pi iyone siunie aniwone ti ajyi jana 'yaka ajnat Jerusalenne siu'neje ti awo jwemikie'.

Hechos 27:23

Siukia ajnaje injlojwanik poli jlele ini'wenkink'i'm tajle siunie Inia' pet ti ajonit,

Romanos 9:1

Siuti ya'am ti atankiuni pa Sijwajieti, ijiatk'i siu'nie ajwe'el, je ka jla'm iyoyi. 'Etsaka 'neje siunie iyone siojona Sinia' jikimet ti 'es, ti si'wenkina ti ijiate siu'nie awoyi ti awo'ate:

2 Corintios 1:12

Po' ni siunie iyo sinikanitieyeja'. Jlajmiliet siuti awak aska kiowe'e, lajk'ipa ka sikioweja ka je 'esie ka ininekiajlaja, siu'neje ti lajk'ipa ka ijiatayiji ka into'm isiame. 'Yina siuti kia'iyo, je tajle siunie iyo ti kasts'ajajne'n, 'wenajliyi jla'am pa Sinia' ti jikap'ijliuskiye po' ti iniuyits'e'm, paka ti tajle, it'imina ti kasts'isis ti awak'i ape'e 'ni ajnat.

Gálatas 1:14

'Yina ti je kaspini' siojopo ijniujliejwaspe ti ijiate ti akinieje siukia iyo pit napoka Judíojos, 'yina jwamjla'a ya'am ti 'an pijia'm ti ajyi japo ya'yispe, kajeyepa ti ya'm ijiate ya'am ti je sikiwaliyi'i kiwa jikeyis kiapo 'yaka kijilas mases.

Efesios 1:16

'yina sek taj'le ti je paj ka iliyi ti inikanitieyi ekiajle pi Sinia' kat'ajayi ti awoyeta 'yejlayeja', sekyi'i ti wujwa'aja ti atankiu'niase'ni.

1 Tesalonicenses 3:10

Niwa jlomas niwa ajnajas ti wuj ti anip'elisini pa Sinia', ka iwo i'niayija' ka 'yakajli ka ijio'wase, ka 'nakayeyijna'a ti jayineje siunie netia'n, ka ijiatayiji ka ijnol wita'm, jla'yi ka ijiatayiji ka wakajla siunie ti ijiateje ti titienkiunieje pi Sinia'.

1 Timoteo 1:19

Jlam ja akjliyi siunie jawo ti ataj jiwoma pa Sinia' siu'neje ni atankiujnieye, 'nakayijna'a ts'ijiye ja lajak'ina'a paka k'iejliyeyi paka awo 'ajwejliye, najataja jla'am ni 'es ti jawoyi. 'Yina po' napo ti iliyi naka jitienkiujnieye ti 'es, napoka'ne siunapo je ilisanijiyi ni iyoyi.

1 Timoteo 1:5

Tempi it'imina ti ekiaj'la pet naka ti ajloye'a'm, 'nakayeyijna'a napo Sinia' jilis ka inenjlajap ni jlemijnaye ti tajla'm niwa jlosikis ti isis, jla'yi ka intajle siunie ti i'nialkitk'iyi ti jitiej iyoma pa Sinia' siu'neje ti jantajle ti ja lajak'i pa ka k'iejliyeyi paka jitiej wujwayisk'i ka iwo t'ajwejliye.

1 Timoteo 5:5

Siojona ti ijiateje ti ask'iliekiyi, janaka siojona ti lajk'i papo ka jilisa', ni'ne ka jikichasa' papo ka noyeje, jinijijwiye yi'ne ni Sinia'. Je paj ka leyi ti inip'elisini'ni pi Sinia', t'ajle pi Sinia' jlomas, niwa ajnajas.

2 Timoteo 1:5

Je paj ka iliyi ti atankiunk'i siunie ti jiwoyi ni atankiujnieye ti 'es, siujlieja ant'e Loida jlajak tajle ti 'nelanjie'e, sekyi'i ti ijliasayi pet jla'a et Eunice, naka'ne siunie ti je sit'iayiji'n ti yi'a.

2 Timoteo 3:15

Ataj wunitk'i, ti jiwo kia'leja' ta'a ti 'najane pi jiwone niwa inamtis ti isis, niwaka ti i'neyasane ti je kakiu ni Saka'niona Jesús ti Sijwajieti, jla'yi ti jijwa'a.

Hebreos 13:8

Sijwajieti Jesús paka siupa ti pajt'ik'ipe, siu'neje ti 'nakayi, siu'neje ti jajnok'i'ni.