2 Tesalonicenses 3:4 - Sinia' Jlamtis 1994

⁴ Wuj ti sitiej awomaja pi Saka'niona, ti asa'am ka jlamana wek ti ja akajlajyi ti ja awoyeyi siuniwa ajwe'lase'm jla'yi ti ja akiniejliyi ti ja awoyeyi.

2 Tesalonicenses 3:4 ပူးပေါင်းရင်းမြစ်များ

Mateo 28:20

'Eyasanayi pet siunie ajloye'ase'm ka woyeyi, ja 'nakayeyijna'a ti jani'neyasanisi. 'Yina ti ya'am ajwel pet ti ja ke pajna'a ka itiaj'lase'm, paj ka ineyeyinie'e ti ajnat jano'we.

Romanos 15:14

I'lijwas, awo'ate: 'yakaja'ase'm ti lajk'ipa ka k'iejliyeyi ka je 'esie ka ne'yase, lajayi'ni ni ji'weta' ni siunie ti 'najanajyi'n, jla'yi ti 'najanayi ti jinijloyeyik'ijin'ni ka woyeyi siunie ijnosik ti 'es.

Romanos 15:18

'Yina i'lij jnechi pet pijia'm ka k'iejliyeyi paka ijwi'il, 'wenajliyi jla'am siunie ti Sijwajieti siwojwa'n jiwoye, 'nakayi ti siunapo i'nio' je Judíojos janwoyi niwa Sinia' jlamtis. Siunie ti 'yakajak'iyi jakayi ti awo yamtikie', siu'neje kia ti isijmaye iyo,

Romanos 2:7

Sek jane'yi siojona ji'wasankiye ti laj jlaja, napok janwejna'm pet siunapo iyojyi'n, jla'yi ti yamjliyi pet ti iyoyi ni siunie ti 'es, jla'yi ti iyoyisijyi'n siunie inwunitieye ti tajle ni Sinia'.

1 Corintios 14:37

Siuti po' siunie ti ijwi'il Sinia' jikimet japaka ti yamtijie'n, ni'ne ka nijwe'el ka poye siupa Sinia' i'winkina ka injlasate pet papo ijia, ja 'najane'eje pet pa janwone siunie iyo, siu'neje iyo ni ip'isinik naka jikajluniet jla'am pa Saka'niona.

1 Corintios 7:19

Siunie ti jla'm ijiate jla'am ti laja po', je ka nakaye siunie tiwonaja napo kia'lis ti t'isienis jijwal tejwak'iji'n, ni'neje ka lajak'ipa ka ineyi. Jla'm ijiatayi jla'am siunie ti tik'iukie ni Sinia' ni siunie iyo kawoyi.

2 Corintios 2:3

Nakape ti it'imina ti kiak awone ki ip'isinik ti atate'ase, ti je awo ka itienkiujnieye je 'esie, ka 'wina siupa ka woyeyi. ¡Je 'yu'wase'm ka kiak awoyeyi, jlam'ne ka ts'ajkanitie'ni! 'Yina nak je akakiuni, ti siuti po' ni awo ti ts'ajkaj'ni, kiak jiwoyeyi pit inkasajyi'n.

2 Corintios 2:9

Pajk'ipe ta'a ti kiak awo'nase, ti ajlo'wasepi ki ip'isinik, ti ajejlita ka woyeyi siunie 'eyasanayi ka woyeyi.

2 Corintios 8:22

'Yina po'neje ni sikiecha ajloki napo si'lijwas, naka ni siunie ti ti'wena ti je paj jiwek kanleyi ti iniuyeje ni Sinia', siu'neje ti nakata 'neje wek ti 'yu'we ti iyoyi kejli kat'ajayi siuti in'wena ti ijiate wek siunie jiwoyeyi.

Gálatas 5:10

'Wanjliyi kia'iyoyetaja siunie yi'ase, 'yina je sikiwit'ase'm ka k'iejliyeyi'i paka astankiujnieye ka je 'esie ka woyeyi, lapakawo ti po' pak Saka'niona. Jlampet siunapo ti tom'ni ask'ioye, Sinia' je ijiat ka je insa'ak'i, 'yina je i'ye'en paka 'naja'an, ni'ne ka nakaye ni siunie ti lajk'iyipa kawo ti je 'yije'en.

Filipenses 1:6

Jlam je awoyi ti Sinia', ti jlam ti tajle siu'nie jikijmaye ti 'nelanjie'e iyoyeyi, siunie jiwoyeyi ti wuj ti 'es, jlam jankatatjliyijna'a ti jawoyi, 'yina paj ka ineyeyinie'e janak jloma ti jawakajla, ka 'nesta pa Sijwajieti Jesús ti janapimet.

Filipenses 2:12

I'lijwas, ti asa'am ti yimijna'ase'm, siuti je atal aska kiowe'e ka pajape ka je ak'iuyek'i'm, 'nakayi ti je a'yasap kajeyepa ti toj'wase, 'esiji ka ijiatayi ka ak'iuyek'i'm siu'nie ajlo'wase'm ka awoyeyi. 'Esiji ka ijiatayiji siunie astankiujnieye ti ijioyi ni askamankiye, jla'yi ti ja ajoskiyeyi ni Sinia', 'esiji ka je injweyeyi ti jla'am.

1 Tesalonicenses 4:10

siunie jiwonayi papo si'lijwas yiji jana Macedonia. Ijiatjliyi i'lijwas, awotajank'iye ka ak'iuyek'i'm, siunie ti ajlo'wase'm, ka ijiatayi ka aninemina'.

2 Tesalonicenses 3:12

Napoka ti si'lij poyi pet, 'yina ti kia'iyo Saka'niona Jesús ti Sijwajieti, yikialts'e ni ji'lij ka iyoki ti jayonaja 'ate, “'Esiji ka akimats'iji'n, 'yina ja lajk'ipa ka atejnisieyiji'n, 'nakayi ti ja ke asetiana pa ja k'iejliyeyi.”

2 Tesalonicenses 3:6

I'lijwas, siuti jlam je aniwonaja wek siu'nie awoki, kajeyepa ti Saka'niona yikialts'e pet ka ijliuk'i astepe'e. Ijiatjliyi siuti po' ni sikiecha ti je ats'ilkaja ni jikijmaye, siu'neje ni je iyoyi ka inki'me siunie inka'neyasajnaye ti 'eyasanataja, leyeyi ti jikinieyets'ijin'ni.

Filemón 1:21

I'lij atate'a, kajeyepa ti itiej ya'm awa'm ti je int'o'ni, ti jawo siu'nie a'yasane. Ts'ajane pi awone ti a'm ja ijiatayi ti jakajmat ape'e siunie a'yasane.