2 Tesalonicenses 3:3 - Sinia' Jlamtis 1994

³ 'Yina Saka'niona je iyo'ate pi jikiecha, jlam ti je wekie'e siunie iyo ka woyi janoye'ase'm, jan'ye'nase'm ti ja ke inkiejnat'ase'm ni siunie je 'es aswet'ia jota iwo.

2 Tesalonicenses 3:3 ပူးပေါင်းရင်းမြစ်များ

Mateo 5:37

Siupi as'lej jawonayi, ti jawoye'ate, Ji'yu, 'esiji ka je aka'm ape'e. Jlam ti jawo'ate, Je'e, kiak jawo je 'es ka akama'yi ape'e ti jiwoye'ate, Je'e. Siuti jwamjla'a ti jit'iasape ts'ijiye, nak tajle pet ni imosik.

Mateo 6:13

Ke kassena'ate ka wiekia'm niwa inkajejlasayejes, 'wenajliyi ka kasjwajiete.

Lucas 11:4

Ojmatk'ijimpe sik'ioye siunie sitis iyo, wona'ate awoki, siunie ti ojmatak'i wekie'e jitis iyo napo si'lijwas ni iyonts'e ti je 'es. Ke kassena'ate siunie inkajejlasaye, 'nakayipe ka je kaskajli.”

Juan 17:15

Je a'yasane ka atajla'ne 'ni ajnat, 'wenajliyi ti a'yasane ka ajoskijiete ni imosik.

1 Corintios 1:9

Siupi k'iejliyi ti ijwijla'm napo jilis 'yina je 'yaka'm ape'e, jla'yi ti jla'am ti isi'mase'm ka ni'nopijietayiji ni Jlas Sijwajieti Jesús, ti Saka'niona.

1 Corintios 10:13

Siunie inkajejlasaye yi'ase, lajk'ipa ka ne'yi paka i'nioye ka je ineyiji. 'Yina 'esiji ka ataj awomayi pa Sinia' ti ja ke inenayi 'ate niwaka inkajejlasayejes, ti wuj ti a'tisk'iji'n, ti je tiuma'yi ilia'm. Siu'neje ti, yiyeta'ase nak inkajejlasaye, Sinia' jan'wenki'na'ase'm siunie janiwonayi ka toma'yi ilia'm.

1 Tesalonicenses 5:24

Jla'am ti ta'nase, je ka inwo sintiye, je ijiat ka je iwoyi ni siunie ijwi'il.

2 Tesalonicenses 2:17

ka wujwa ka wo jweyeja' ni asosik, 'nakayeyipe ka 'esie siunie asamtik ti jiwoye, siu'neje pi k'iejliyi pi askijmaye ti potie.

2 Timoteo 4:18

'Yina kiak iyo je ijiat ka je sijwajiete wikie'eyi siuniwa wask'i'nelaja ti je isis, jajnok'i'ni ti jan'yenk'i'm paj ka iyiyeyinie'e ni siunie jika anechijiayas ti yi' poliyi. ¡'Esiji ka jlam kiajatak'i'ni ni jiwunitieye iyo! Amén.

1 Pedro 5:10

'Yina ja ke ijiatayi ka je inek 'nijiye, je itioyi'i siu'nie yi'ase ti jinilayitieyi, Sinia' janwe'nase'm siunie as'nayi ti 'es, janwe'nase'm ni asjweye ti ink'ie', jla'yi ti ja ke tikiwita'asemna'a. 'Yina ti jla'am wuj ti 'nama'ase jla'am ti ta'nase ka ayejyi pit ni iyo ni jijweye, ti laj jlaja ti jleyejiap pi Sijwajieti Jesús.

2 Pedro 2:9

Ijiatjliyi, 'yina a'wena ti Saka'niona ijwiejiete napo jilis siuniwa wask'i'nelaja ijioyi, siuniwa inkajejlasayejes. Jlampet napoka ti je isis, iwiakajlanit k'iye siunie jawone ka netieje janak jloma ti jan'ye'en ni jitis iyo ni i'nio'.

Judas 1:24

¡Jayunitie pa Sinia' ti ijwienjli, Sijwajieti, jla'am ti 'yijene pi iyone kan'ye'nase'm, 'nakayi ti siunie ti je 'es ja ke inkajlajyi pet, siu'neje ti ja laja ast'ojliye, 'yina 'wenajliyijna'a pet ti jampo'ase siunie asnikanitieyi jitieyi'i ni jijweye iyo! ¡'Esiji ka siunie iyo ti 'es, siu'neje ni jiwunitieye, siu'neje ni jijweye, siu'neje ni jika anechijiayas, ja ke intajlap ti jla'am, ja titiajlataje pa Saka'niona Jesús ti Sijwajieti, siunie ti 'nelanjie'e t'ipi, siu'neje ti 'nakayi, 'yina jajnok'i'ni! Amén.