2 Tesalonicenses 1:9 - Sinia' Jlamtis 1994

^9-10 Siuti janeyi siojona jloma ti ja'nesi pi Saka'niona, 'yina napoka ti Sinia' jansa'a, napo kia'iyo ka kiak inwonayijinie'e ti jikio' jajnotie. Sek jane'yi ka intonitieyinie'e siupi janjlojwi ti jantajla'n jitieyi'i, jla'yi ti jantajlajni siunie iyo ti iyo anechiyasa' jajnok'i'ni ti kiak janwo pi jiwet'ia. Ja jlama pet napoka Sinia' jilis ti je 'yakakiuyis, ka jla'm iwonie'e ti jajnonitis, 'yina ti janesi'liet siupi janwoyi. Lapakawo ti je jikakiunieyi siunie ajwela'asepi.

2 Tesalonicenses 1:9 ပူးပေါင်းရင်းမြစ်များ

Mateo 16:27

Kajeyepa ti ja'nes ni I'nio' Jlas ti janejyi ni jijweye iyo ni Jinia', siu'neje napo jijliujwajnas poli jlele janamik'i, kantesiet'ik'ina'a wikie'eyi napo i'nio', siunapo jikijmaye 'es siu'neje napo jikijmaye je 'es.

Mateo 22:13

Siupa anechiyas ijliuye'ne papo jikawos ti iyone 'ate, “Jikioye la'nitie, sekjane'yi ka niwakayena'aja niwa jisietis ka ala'nitie. Tatayija'm na ajnaj wuj'weje'n, siunie jane'yi ni jlajlasa, ti wujwa ti ja a'tieja”.”

Mateo 24:30

Sek jane'yi'ne ka 'nakajayinie'e siunie ja inajnate'n jik'ioye ni I'nio' Jlas, ti jane poliyi. Ja wujwa ti jajnots'ijnits'i napo i'nio' yijits'i niwa ajnatis, ja pajlata ti jajnots'ijnits'i, sekjane'yi ti janapk'i wita'm. Jan'wenisiena'a ilia'm ni I'nio' Jlas ti janapimet ti jantal poliyi, ti janejyi jana poli, jla'yi ti janejyi siupi jijweye iyo ti je jlase', jla'yi ki iyo ni jloniye ti 'es.

Mateo 25:41

“Ka kiak iwonayijinie'e ni anechiyas siunapo to'm ji'lieme, “¡Tonitiejyi'n, asa'm ti pajk'i ti jleyejyi ni inlaye! ¡Joyeyi nak jwat ti je paj ka 'no'me, tejeye ni imosik ti ja jikieye siu'neje napo jijliujwajnas pet, ti tiwakajlanitie k'iye!

Mateo 25:46

Jesús iyo'ate ti yinayi'iji ape'e ti tamti: —Napoka siunapo i'nio' jajnoyi naka inlaye ti laj jlaja, jlampet siunapo isis jajnoyi pet nak in'wasankiye ti kia'iyo laj jlaja.

Mateo 26:24

Siunie I'nio' Jlas janejiam'ne siunie jawo ti janilayiti siunie ja jiliayeja' ti ja tiliana, iyo jla'am niwa inamtis t'ipi. 'Yina ¡jap'ijliusieja' nak siunie ti janwe'en, kajeyepa ti jitis japoye! ¡'Est'itiejepi ka laja ape'e 'ni ajnat!

Mateo 7:23

“Japakayeyi ti jayo'ate ti jasiujlie, Je sitiant'ie'ase. ¡Tajlak'i'm ti asa'am ti jiwoyeyi ni je 'es!

Lucas 13:27

'Yina jankiuj'liase'm ti jawo'ate, “Pajk'i ti ajwe'laseme ti awo'ate, “Je sitiant'ie'ase. ¿Tepi jitiajlajyi?” ¡Tajlak'i'm, asa'am ti jiwoyeyi siunie je 'es!”

Juan 5:14

Paj ti i'wina jla'am ja Jesús yi'i jlaja 'najla'wet jak i'nio', iyone'ne 'ate ti ijliuye: —Ke ekiajle'ena'a ka awo ni akeye, 'lojwinie'e ka ijiatayiji paka awo.

Filipenses 3:19

Napok je ijiate ka je inojk'i'ni. Jlamis ti iyoyisi jika diosa' naka ti ijiate ti jitienkiujnieye yi'ne niwa wask'i'nelaja ti iyojonk'iye kan'wenis. Ka kia'iwo ka iwoyisi t'ajwejliye ni jike' ti iyoyisi. Jlam itimisjliyi niwaka, ti jitienkiujnieye yi'ne niwa wask'i'nelaja yi' ape'e 'ni ajnat.

1 Tesalonicenses 5:3

Japakayeyi ti jawo'ate napo, “'Esiji lapakawo ti akajmak”, sek jane'yi ka jla'm iwoyena'a pet 'ate siunie jawo ni jiwet'ia ti jano'we ti janetiajne'n ti janesi'liet napo i'nio', jawoyena'a 'ate jana i'nioki siojona jloma ti ijialas kisie'e ni kia'le iyo ni ji'wok ti yiyetaja. Ja lajak'iyi paka iwoyi ka injwe'el ka injwayisi.

2 Tesalonicenses 2:8

Jiwekie'ejana'a ka 'nakaja nak i'nio', ja ke pajayi ka 'nesana'a pet ni Saka'niona Jesús ti janla'an jankiene ni jiyel, je lajk'ipa siupi jlaj ti a'tiejak'i, pak janetiajnat.

Tito 2:13

Naka'ne ni siunie iyotaja ka iyoki ka inijijwiyejenk'iye janak jloma ti 'es ka napitiemet pi Sijwajieti Jesús, Sinia' ti wuj.

Hebreos 10:29

'Yina ¿jijwelat'e ka Sinia' intasa'nena'a siunie ti iyo jiliakikie ni jlas, ijiate ti je iyo lajaye siunie ji'woyis, siu'neje ti iliaki siojona Sinia' jikimet ti 'es ti yiminta wek jla'am? ¡Je'e, ja ke intasa'ne! Ka je iwo pa ti siunie 'woyis naka ti 'yakajanitk'iyi siunie Sinia' ji'lij ti iliyi siunie janwoyi ti janwats'ilati siukia iyopi 'yina ink'ie' siunie janwoyi, 'yina naka ti i'mienit ni i'nio' ti Sinia' 'yotat.

2 Pedro 2:17

Siunapo inka'neyasajnawos, niwak 'yiniye niwa tokiyis ti yimata'ak'i, siu'neje niwa polis ti jlajwu itiete'ni 'niji pi ijiojwi pi jlajwu. 'Yina Sinia' pajk'i ti iwiakajlanit k'iye siunie ja ji'weta, naka ni ajnatiok ti ja laja jlaja.

2 Pedro 3:7

Siunie poli, siu'neje 'ni ajnat, ti je tetitiejli'ijyi ka tinitiajnataja'n. 'Yina ti jla'am pi Sinia' ti ji'lij ka kiak iwo ti itiejietape, ka 'yenta napo i'nio' ni jitis iyo ti jankiene ni jwat napoka siunapo ti 'yakakiu pi Sinia'.

Judas 1:13

Niwak iyo'ate siuniwa ji'wukijlimpejes ti tiwakits'i pijia'm yi' ni i'niat lajlik'i, jlampet siuniwa ti je isis ti iyoyi, nak 'yiniye pet siunie ti iyo siepa' ti yi' ape'e ti ijiut'ni jikiusi. Iyo'ate siuniwa katese'l ti 'yakamk'iji'n, 'yina Sinia' 'yotat pet k'iye siunie ji'wet, jikiowe'e ni siunie ajnatiok, jajnok'i'ni pet ti sek jane'yi.

Apocalipsis 20:11

Jakayi'ne ti a'we'en siujlieja ji'wet ni anechiyas lemi, siujlieja ti jlamt'iyiji, siu'neje ja yi'iji'n. Sekyi'i siunie ajnat siu'neje na poli jlam sek netiana'a jitieyi'i, 'yina ka kia'iwo ka ti'wena paka inejyi wata'a.

Apocalipsis 20:14

'Yina siunie 'najlati jinia' sekyi'i ti titetajayi siunie jwat ti isa ape'e, 'ate iyo ni tewuk iliyi, janaka 'najlati ti tomik'i siojopa inia'an.

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.

Apocalipsis 22:15

Jlampet siunapo ti ijiate ti je isisi ti iyoyi ni siunie je 'es, ja 'wanjliyek'i kisie'e, siu'neje napo ti iniwojwa'n aye'wulisie', siu'neje napo ijia jwa'yis jiwos, siunapo kalankijietas, siu'neje napo ti jitiej iyoma siuniwa iyo jika diosisa', wikie'eyi 'neje siunapo ti yimi'n ti ik'emijietk'i napo ijia.