2 Pedro 3:7 - Sinia' Jlamtis 1994

⁷ Siunie poli, siu'neje 'ni ajnat, ti je tetitiejli'ijyi ka tinitiajnataja'n. 'Yina ti jla'am pi Sinia' ti ji'lij ka kiak iwo ti itiejietape, ka 'yenta napo i'nio' ni jitis iyo ti jankiene ni jwat napoka siunapo ti 'yakakiu pi Sinia'.

2 Pedro 3:7 ပူးပေါင်းရင်းမြစ်များ

Mateo 10:15

Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.,

Mateo 11:22

Awo'ate asa'm ja ijiatayiji ka inetiejenie'e siojona jloma ti ja ti'yena napo i'nio' siunie iyo, niwa ti ja titiajlataja, janka'm ape'e siupa tiwonat'iyipi papo i'nio' yiji japa Tiro siu'neje japa Sidón.

Mateo 11:24

Jajwi'lase'm, ka inetiejenie'e siojona jloma ti ja ti'yena napo i'nio' siunie iyo ti ja titiajlataja, jla'yi ti ja tisiejek'i, asa'm ja ijiatayiji ti ja tisiejek'iase'm janka'm ape'e siupi tiwonat'iyipi papok i'nio' yiji japa Sodoma.”

Mateo 12:36

Kajeyepa niwak ja ti'yenaja siuniwa jlamtis ti je isis ti iyoyi, ti ja titiajlataja ka inetiejenie'e janak jloma ka ti'yenatajna'a wikie'eyi napo i'nio'.

Mateo 24:35

Siunie poli siu'neje 'ni ajnat janetia'n, 'yina jlampet niwa yamtis ja ke paja ka inetia'n jla'am.

Mateo 25:41

“Ka kiak iwonayijinie'e ni anechiyas siunapo to'm ji'lieme, “¡Tonitiejyi'n, asa'm ti pajk'i ti jleyejyi ni inlaye! ¡Joyeyi nak jwat ti je paj ka 'no'me, tejeye ni imosik ti ja jikieye siu'neje napo jijliujwajnas pet, ti tiwakajlanitie k'iye!

Marcos 6:11

Jane'yi siojopa ajnat jijnieyeyi, siuti ja ke inki'm aselia'm siu'neje ni jikinieyiji'n ti ja ke inwo ka ink'iuyisie, sekjane'yi ka tajlayeyijpe, sekjane'yi ka ajnat alanayejyits'ipe niwa asati' ja'nakayeyi ti jan'wena siunie jiwonayi, jitiej inenayisijna'a 'ate ti jitis po'.

Juan 12:48

I'nio' ni je isi'm ijyilia'm, jla'yi ti je its'iuye niwa yamtis, po' pet ni siunie ti tijna'yi ti jansa'a. Siuniwa inamtis ti amtits'iji'n, niwak jansa'a ts'iji jlaja niwa jlomas.

Romanos 2:5

'Yina siuti a'm ti je injlana'ni ti int'o'n ti je wo ka wo ajosik ink'ieye, ijiatjliyi am am ti jitio'n atepe'e siunie jiliayeja' pet ni i'nio' ti ja tisiejek'i ka Sinia' in'yenta na jitis iyo, ti jlam ti tijnajyi siunie jawoyi,

1 Corintios 3:13

'Yina je ijiate ka je 'nakaj siunie jikijmaye iyone ni i'nio', ka netiejenie'e janak jloma ti ja ti'yena napo i'nio'. Kajeyepa janak jloma ti jana'm siunie jwat, ti jajnejlit wikie'eyi ni jikijmaye iyo ni i'nio'.

Filipenses 1:28

Ká aninenayi 'ate siunie ti ja ke injweyeyi napo astajiejwas. Siunie ti kiak jawoyeyi, nak 'yakajanit ti jano'we ti jajnoyi siunie je 'es jiliayeja', 'yina jlampet ti asa'am jajwayejyi'n. Naka pet ti tajle pi Sinia' siunie iyo'nase.

2 Tesalonicenses 2:3

Ká anikiwalinitie k'iye napoka ti iyo ka ink'emijieta'. Jitieyi'i janak jloma ja ke piniye napo janleyi ni Sinia', jla'yi ti janta'yi ilia'm pi Sinia'. Japakayeyi ti janikajanit naka i'nio' ti ijiuski'la'n, ti laj t'otaliye, ti 'wena ja ke ijno'we ni ijio'we napo jijliak'ali ti laj jlaja.

1 Timoteo 6:9

Jlampet siunapo i'nio' ijialas ka inkasaja je kia'iyo. Je to'm ilia'm naka inkajejlasaye siunie iyo ape'e 'ni ajnat, jak je iyoyiji yiyi ts'iji ijiatayiji ti inikajyi'n.

Hebreos 12:29

Lapakawo ti siunie Sinia' nak iyo'ate siunie jwat, ti je inia'yi wikie'eyi siuniwa wask'i'nelaja ti jwat t'otieja'm.

2 Pedro 2:9

Ijiatjliyi, 'yina a'wena ti Saka'niona ijwiejiete napo jilis siuniwa wask'i'nelaja ijioyi, siuniwa inkajejlasayejes. Jlampet napoka ti je isis, iwiakajlanit k'iye siunie jawone ka netieje janak jloma ti jan'ye'en ni jitis iyo ni i'nio'.

2 Pedro 3:10

Siunie jawo pi Saka'niona ti janapimet jawo'ate ni i'nio' kajlajnata ti yisi'liet napo i'nio'. Siuti janetiajne'n ni poli, ja ke jlasiye ni jla'lap janwo, janakayena'a pet ni jwat ti jantejwk'i'ni wikie'eyi siuniwa yiji ni poli, jwat jantojwits'i. Sekjane'yi 'ni ajnat, siu'neje niwa yiji, Sinia' ja ke injla'an ti jan'ye'en pet.

2 Pedro 3:12

Nejejwijiejyi'n k'iye janak Sinia' jika jloma, ti janemit etitiejyi'n pet k'iye janak jloma. Janak siojona jloma, siuniwa wask'i'nelaja yiji ni poli jwat jantejwits'i, paj kanwakiyejamk'ina'a.

1 Jn 4:17

Ti wakal siwa'm ni semijnaye, jant'eminajna'a ka je inikiwita siojona jloma ka Sinia' in'yentajna'a napo i'nio' jitieyi'i. Lapakawo ti Sinia' jikawosts'e'm awokie 'ate pi Sijwajieti Jesús ti awak'i 'ni ajnat.

Judas 1:7

Kiak iyo siupapo i'niot'ipi ti yiji puwak isi'il Sodoma siu'neje japa Gomorra, puwaka 'neje jla'am siupuwa isi'il je tosape'n. Ijiat ti je 'wena ijio'we siupi jiket'i iyoyipi papo injlojwajnas poli jlele t'ipi. Papoka i'niot'ipi ijiat ti 'yaka'm ape'eyi siupa iyoyi ti je ilisaniji siunie tiwoki ti ayijniests'e'm, siu'neje ti asejnia, siuniwa t'isienis 'yijie'ne siuniwa wask'i'nelaja siunie kawo ka inteliaja niwaka siuniwa ti ijiateje ti je isis. 'Yina it'imina ti totieje siunie jiwet'ia, naka siunie jwat ti je ti'wena ka'no'me, ja 'nakayeyi pet ti jan'we'en wikie'eyi siunapo i'nio', sek jane'yi ti ja jitiej inenayisi'nina 'ate naka.

Apocalipsis 17:11

Jaka ja siojo pinitiok ti ti'wena ti 'wasanjli kiu' 'yina 'nakayi ti lajk'ipa, jaka pet siupa anechiyas ijwienjli sikio' itij'we najape niwa tom'niji. 'Yina ti tajla'm papoka ijwienjli sikio' itij'we times tom'niji anechiyasas, je 'wena paka intayi japakaye pa siupa jiliaye ti tomi pijia'm paka pa jlaj jane'yi.

Apocalipsis 17:8

Siu'nie pinitiok ti ji'we'en, naka ni siunie ti kia'iyo ti ji'wenape ti 'wanjlijli'yi kiu', 'yina 'nakayi lajk'ipa, pajk'i ti netia'n. 'Yina ja ke iwojliyinie'e ti jano kisie'e ti jantalk'i siunie kiawe ni je ti'wena pa jlaj yi'i pa jik'ioyi, naka ni injlak'ali 'wet pet, siuti kiak jawo ja ke inejliyi kiu' siunie jane'yi jlaj ti janetia'n ka sek jlaja'ayina'a. Jak je iyoyi siunapo i'nio' ji'wet pet siunie ajnat yi'i, napoka ti jleyis laja naka imp'esinik siunie jleyis yiji napok ji'wasankiye ti t'o'n po', talk'i'ni pakayi ti Sinia' k'iejli ilisanayi siu'niwa wask'i'nelaja yi' ape'e 'ni ajnat, ka iwojliyinie'e pa ka i'wenista naka pinitiok. Kajeyepa ti i'winispe ti siuti 'wanjliyi kiu', 'yina 'nakayi lajk'ipa, netia'n, naka 'neje siunie ti janapi pijia'm.

Apocalipsis 20:11

Jakayi'ne ti a'we'en siujlieja ji'wet ni anechiyas lemi, siujlieja ti jlamt'iyiji, siu'neje ja yi'iji'n. Sekyi'i siunie ajnat siu'neje na poli jlam sek netiana'a jitieyi'i, 'yina ka kia'iwo ka ti'wena paka inejyi wata'a.

Apocalipsis 21:1

Yam'niji kiaka, sekyi'i a'wena ja poli ink'ie', ajnat 'neje ink'ie'. Kajeyepa ti siupa poli ti paj, siu'neje pa ajnat paj, i'niat lajlik'i ti kia'iyo paj, lajk'i puwa, netia'n.