2 Pedro 3:16 - Sinia' Jlamtis 1994

¹⁶ Wikie'eyi siukiwa jip'esijna' ijwienik'i niwaka ti ijwi'il, ijiatataja wek ti po' siuniwa jlamtis ti wuj ti istieyijits'i, k'iye napo i'nio' ti je 'yijejne'n, siu'neje napo k'iejli iyota jlosik ink'ieye. 'Yina iwiets'ilatisi, iyone'ate iyone niwak ijia Sinia' jlamtis yi'i ni ji'wet. Ti nakaye'eje ti it'imina ti ijioyi jana siojona 'najlati ti tisiejek'i'yi.

2 Pedro 3:16 ပူးပေါင်းရင်းမြစ်များ

Mateo 15:3

Ti Jesús isiujlieyi, sekyi'i iyo'ne 'ate: —Siupet ti asa'am, ¿yot'iyi'ni ti jiliakiye niwa Sinia' jlamtis, kajeyepa ti nakata jla'am ti jikinieyi, siunie aske' jiwonayi?

Mateo 15:6

Nak it'iminayi ti je ijliene ni i'nio' siunie jota wo ka noyeje napo jiniewot, siuniwa askeyis ti jit'iyasanayi niwak iniuk'iye niwa Sinia' jlamtis.

Mateo 22:29

Jesús isiujlie ti iyo'ate: —Wuj ti jikamats'iji'n, tepa jawo ka kiak je iwo 'yaka je intant'iejayi niwak Sinia' jlamtis yi'i ni ji'wet, siu'neje na jijweye iyo ni Sinia'.

Filipenses 3:19

Napok je ijiate ka je inojk'i'ni. Jlamis ti iyoyisi jika diosa' naka ti ijiate ti jitienkiujnieye yi'ne niwa wask'i'nelaja ti iyojonk'iye kan'wenis. Ka kia'iwo ka iwoyisi t'ajwejliye ni jike' ti iyoyisi. Jlam itimisjliyi niwaka, ti jitienkiujnieye yi'ne niwa wask'i'nelaja yi' ape'e 'ni ajnat.

Hebreos 5:11

Je ajlan'ni siunie awotaja ka ijwi'lase'm, je 'wena pa ka ijwi'il niwaka siuniwa ajwel'ni, 'wanjlit'itieje ka ijialas ka 'najanayi. 'Yina je jitijnisiek'i siunie ijio'we, kajeyepa ti int'onie' ti i'neyasanatajyi'n je ta'a ka intant'iejats'iji'n.

Santiago 1:8

kajeyepa ti je 'yaka paka ijiatayi paka iwoyi.

1 Pedro 1:1

Atejwi'lase i'lijwas, asa'am ti inetianajyi'n ape'e ni ajnat, ti jiwaye'yi niwa ajnatis ti je as'wet, ti jleyejyits'i niwa ajnatis ti jayitink'i'ni: Ponto, Galacia, Capadocia, Asia, janaka 'neje jana Bitinia. Ya'am Pedrok'i'm, Sijwajieti Jesús jijliujwanik'i'm, asa'am ti atajiet'ase ni ip'isinik. Asa'am ti Sinia' pajk'i ti isi'mase'm, lapakawo ti jlam jla'am ti tajle siunie iyo'nase, jla'yi ti ilesana ti inlejayi jana jikimet ti 'es ka k'iuyeyi ti jla'am pa Sinia', jla'yi ti ka lajak'i pa Saka'niona 'woyis ti insisieyi ti ilij ki iyo niwa askeyis. 'Esiji ka Sinia' wujwa ka imp'elisina', 'nakayipe ti ja akamaja.

1 Pedro 2:8

“Janaka siojona sisaj ti ja ke piniye siunapo ti jant'as kiajwe ja'nopijietk'i isia'm.” Siuti kiak jawo, ti jant'opik'i isia'm, 'yina lapakawo ti jlamayis jla'am ti je its'iuyisie niwa Sinia' jlamtis; lapakawo ti jlam titiejietajape ti 'nelanjie'e.

2 Pedro 2:1

Ti pajk'i kiak jini iyopi pojompe'eje papo yiji papo Israel jika kia'lis, ti kia'iyo je ijiate ka injwejlanawosa'. 'Yina kiak jawoyi, japoye napo napoka inka'neyasajnawos ti ja ke ijiatayi paka injwelis, ti jane aska kiowe'e. Janama'ase ni siunie jika'neyasajnaye, 'yina sek ja'not'i siuniwa ti wuj ti je isis, ti jankajyina. Janleyeyisijna'a 'nijiye ki iyo ni Saka'niona ti naka ti ijiate ti ijwiejiete'n. Ja jlamisie jla'am, ti janinetitis ni siunie ja tiwonaja ti ja tisiejek'i.

2 Pedro 2:14

Siuti jitiej ijyiwitk'i japa asejnia, je 'es wat ka inkiwalisi'i ti imiewojne'n. Je 'yome ti iyoyi ni je 'es. Ik'emijiet siunapo ti k'iejli ijiatak'i siunie ti jitienkiujnieye po', itiojna'm siunie iyo ni jike' ti wuj ti je 'es. 'Yina ti ikayanayisi ti iyoyisi siunie iyo pi jikijmaye ti i'nio' itiliaja puwa jikijmatis pi jikiecha. ¡'Wanjliyi je tijwajyi ni siunie ja jiliayeja'!

2 Pedro 3:14

Ijiatjliyi, napo i'lijwas, siuti niwaka ti jinijijwiyejyin k'iye, jwajla'a paka woyeyi ni'netie, 'nakayeyijna'a ti jan'wena ti ijiate ti jikamaja ti jlam ti it'imina ti kia'iyoyi, ka lajak'ina'a paka intajlat'a'm ka je 'esie, 'yina ti insisie.

2 Pedro 3:2

Ja 'nakayeyijna'a ti ja ke inkiwaliyeyi'i siuniwa inamtis ijwil t'ipi papo injwejlanawos t'ipi Sinia' jikawos ti isis, siu'neje niwa jlamtis pi Saka'niona ti Sijwajieti ti ijwil pet papo jijliujwajnas, ti kasts'eyasane.

Judas 1:4

Kajeyepa ti po' siunapo i'nio' ijiuski'lajne'n ti ini'not'i aswa'm ti yi' aska kiowe'e, 'yiniye ka ijiatayiji ka intaj'l aswa'm, lapakawo ti inip'o'nase wek. Sekyi'i ti ijwila ka ijiatayiji ka ineki siunie jikap'ijliuskiye ni Sinia', 'yina nak isienayi siuniwa ti iyo ni siuniwa itiliaja ka iwoyi siuniwa je isis. Ijiate ti 'yakajanitk'i ti 'yakakiu pi Sijwajieti Jesús, ti jla'am ti ijwienjli ti saka anechiyas. Napoka siunapo i'nio' ijwilt'ipi siuniwa inamtis ti isis, ti 'yaka ti jajnoyi ni siunie jiwet'ia napo ti netiajne'n.