2 Pedro 3:14 - Sinia' Jlamtis 1994

¹⁴ Ijiatjliyi, napo i'lijwas, siuti niwaka ti jinijijwiyejyin k'iye, jwajla'a paka woyeyi ni'netie, 'nakayeyijna'a ti jan'wena ti ijiate ti jikamaja ti jlam ti it'imina ti kia'iyoyi, ka lajak'ina'a paka intajlat'a'm ka je 'esie, 'yina ti insisie.

2 Pedro 3:14 ပူးပေါင်းရင်းမြစ်များ

Mateo 24:26

Jak je iyoyiji, 'wanjliyi ka kia'iwo paka injwe'lase'm ka iwo'ate, “Jon ka 'yenayi siusie I'nio' Jlas yi ts'iji 'lajni”, 'yina ká akinie'ni. Ni'ne ka wo'ate, “Jon ka 'yenayi siu'nie yi'ne, yi kiajwe siujlie'e ti inijweki'n”, ká ak'iuyeyi siunie janwo'nase.

Mateo 25:7

Sekyi'i inits'i'ne pijia'm papok jlosie, wikie'eyi siupa nojwa'm. I'yenayis puwa jika katese'l, ka je inojwits'i ni'ne ka je inses.

Lucas 12:43

'Esiet'itie pet siunie tiwonaja siunie i'nio' ti jika anechiyas i'wi'in ti 'nesata, kajeyepa ti iyoyi siupa ji'lij pa jika anechiyas.

Lucas 2:29

“'Yaka'niona, 'nakayi yiyi siujlie'e jloma siunie jlejni siukia jiwopi ti jijwelk'i'm, ti akawok'i'm, jla'm ijiate 'ne 'nakayi, sen'nejna'ate ti akawok'i'm ti jayik ti janinop'it.

1 Corintios 1:8

Sinia' jan'ye'nase'm 'nakayeyijna'a ti ja ke aleyeyi paj ka awayeyinie'e ni jlaj jane'yi. Ja ke inets'e ka tiwoki astesa' paka k'iejliyeyi ka 'nesta pa Saka'niona Jesús ti Sijwajieti.

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

Filipenses 1:10

Ja'nakayeyi ti jawoyejyi'n siunie ijiate ti 'es. 'Yina ti kiak janiwonayi, siojona jloma ja'nesi pa Sijwajieti ti janapimet, ja ke k'iejliyeyijna'a pa ka je injweye'yi ape'e, kajeyepa ti ja lajak'i paka astes iwo.

Filipenses 2:15

ja 'nakayeyijna'a ja asama siunapo Sinia' jilis ti lajk'ipa ka jitis iwo ka titiajlataja, jla'yi ti laj jikeyisa', jla'yi ti ja lajak'i paka nit'ojlinitieyi, isis jikiowe'e napoka i'nio' ti ijiateje ti je isis ape'e 'ni ajnat. Jawo 'ate iyo niwa katese'l ti yatamk'i ti yiji ni ajnaj,

Filipenses 3:20

Jlam pet ti sa'am ti poli jlelets'e'm, ak'iukink'iye pet pa Sijwajieti ti ja'nes ti jantal poliyi, paka pa Saka'niona Jesús ti Sijwajieti.

1 Tesalonicenses 3:13

'Esiji ka ijiatayiji ka inoyeje ni astankiujnieye, 'nakayi ti ja asjweye japoye, 'nakayi ti ja insisie, jla'yi ti ja lajak'ipa ka k'iejliyeyi paka astes iwo jitieyi'i ti jlam pa Sinia', ka 'nesta pa Saka'niona Jesús, ti janapi ajnat'e ti ja jla'yisayisik'i papo jilis ti isis. Amén.

1 Tesalonicenses 5:23

'Esiji ka Sinia' siunie tajle ni jikamankiye, ka wujwa ka inlesana', ka insisie, kan'yena ni asosik jla'yi ki iyo niwa 'asjwes, jla'yi ki iyo ni astankiujnieye, ja 'nakayeyijna'a ka lajak'ipa paka astes iwo ka i'nesta pi Saka'niona Jesús ti Sijwajieti ti janapimet.

1 Timoteo 6:14

je paj ka leyi siunie ajloye'a'm ka woyi, ja'nakayeyi ti ja ke inets'e paka ka ine'yaja'ni siojopa jloma ti ja'nesi pa Saka'niona Jesús.

Hebreos 9:28

Sijwajieti kiak iyoyi, ijwienjliyiji wek ti ininekial ti ijioyi ni jiliaye iyo ti 'ya'al ape'e niwa jikeyis napo ti itijlia. 'Yina janekiajle'eje ti ja'nes, 'yina ja ke niwakaye'ne niwaka inkeyis ka na'm ape'e, 'wenajliyijna'a jla'am ti janame siunapo inijijwijyi'n k'iye ti jla'am ti janjwajiete'n.

Santiago 1:27

Siunie ijiat ti 'es ka woyi napo Sinia' jilis, 'najleje'n ni 'es ti iyoyi, lajk'ipa ka jit'iojliye jitieyi'i pa Sinia', niwaka: 'esiji ka noyeyeje napo kimpejnas, siu'neje napo ask'ilieki, ti jijliak'ali po' ape'e 'ni ajnat, jla'yi ka inilesaniji k'iye niwa wask'i'nelaja yi'i 'ni ajnat.

1 Pedro 1:7

Kajeyepa siunie astankiujnieye ti 'es iyo'ate janak wikinie maja ti 'najli ti tejlitaja, ka ti'wena ka 'esie, ni'ne ka jeye. It'imina ti ijlionayis napo jiwos. 'Yina kiak iyo'nase pet siuniwa inkajejlasaye ti ijio'wase, 'yina jla'm ijiatayi ti laja 'yaka'm ape'e janak wikinie maja ti 'najli. Siuti jatoma ilia'm, nak jant'emina ti asnikanitieyi japoye, siu'neje ti ijnonitieye ja tena'ase'm, ka inikajanittiejna'aja pi Saka'niona Jesús ti Sijwajieti.

2 Pedro 3:1

I'lijwas ti yimijna', 'nak timesieyiji ti ip'isinik atajiet'ase'ni. Siu'nie ip'isinik, siu'neje ki anajnat ti ajlo'ase, je k'iejliyi pi jikiechaye ka iyo'nase naka ti awokta pet asosikie' ka ijiatayi ti jajnajyi ni astankiujnieye.

2 Pedro 3:16

Wikie'eyi siukiwa jip'esijna' ijwienik'i niwaka ti ijwi'il, ijiatataja wek ti po' siuniwa jlamtis ti wuj ti istieyijits'i, k'iye napo i'nio' ti je 'yijejne'n, siu'neje napo k'iejli iyota jlosik ink'ieye. 'Yina iwiets'ilatisi, iyone'ate iyone niwak ijia Sinia' jlamtis yi'i ni ji'wet. Ti nakaye'eje ti it'imina ti ijioyi jana siojona 'najlati ti tisiejek'i'yi.

1 Jn 3:3

I'nio' ni je iliyi ti its'iujwink'iye siupi iyo pi Sijwajieti Jesús inilesanayiji pet k'iye niwa wask'i'nelaja'n je isis, iyoye'ate ti jla'am pi Sijwajieti Jesús ti 'es.