2 Pedro 3:10 - Sinia' Jlamtis 1994

¹⁰ Siunie jawo pi Saka'niona ti janapimet jawo'ate ni i'nio' kajlajnata ti yisi'liet napo i'nio'. Siuti janetiajne'n ni poli, ja ke jlasiye ni jla'lap janwo, janakayena'a pet ni jwat ti jantejwk'i'ni wikie'eyi siuniwa yiji ni poli, jwat jantojwits'i. Sekjane'yi 'ni ajnat, siu'neje niwa yiji, Sinia' ja ke injla'an ti jan'ye'en pet.

2 Pedro 3:10 ပူးပေါင်းရင်းမြစ်များ

Mateo 24:35

Siunie poli siu'neje 'ni ajnat janetia'n, 'yina jlampet niwa yamtis ja ke paja ka inetia'n jla'am.

Marcos 13:31

Siunie poli jla'yi 'ni ajnat janetia'n, ja jlam'neja pet siuniwa yamtis ja ke paja ka inetia'n jla'am.

Lucas 12:39

“'Yejne'n, siunie jika'niona jana 'wuk, ka 'najane paka wone ti yiyetaja siunie jankajlan kiajwe jana ji'wuk, jijwel ka inmata'a kajeyepa ti jan'yena jla'yi ti jan'yejnink'iye.

Romanos 8:20

Kajeyepa ti jla'am pi Sinia' ti iyo jitisa' puwak jilisajna' t'ipi sekyi'i laj lajaye, 'yina je ka jlamayis jla'am ka kiak iniwonisi, 'yina jla'am jla'am pa Sinia' ti jitienkiujnieye ka kiak iwone. Jak je iyoyiji 'wanjliyi wek ka jiwet'ia kia'iwo, 'yina jinijijwiye po wek.

1 Corintios 1:8

Sinia' jan'ye'nase'm 'nakayeyijna'a ti ja ke aleyeyi paj ka awayeyinie'e ni jlaj jane'yi. Ja ke inets'e ka tiwoki astesa' paka k'iejliyeyi ka 'nesta pa Saka'niona Jesús ti Sijwajieti.

1 Corintios 5:5

Sekyi'i ekiajlayi ni sitiejiejwa imosik ka iwo jiwet'iaye ni t'isie'n, jlampet ti jisiak'al janjwa', ka netiejenie'e janak jloma ti ja'nes pi Saka'niona.

1 Tesalonicenses 5:2

Je iyo'ate ka je 'najanayi siunie jawo, ka inapitiemet jawoyena'a 'ate ni kajlajnata, ti ajnaj pet ni ininejni ti 'nese japa 'wuk ti iyo ka inkajla'n. I'ye'en ti je itijnisk'i wita'm papo jika'nionajas.

1 Tesalonicenses 5:4

Siuti asa'am, 'napo i'lijwas, mejla'a ka ayejyi nak ajnatiok, 'wanjliyi siuti kiak jawo ti janeyi janak jloma ti ja'nesi pi Saka'niona ja ke inesi'lieta ka iwo'ate ni kajlajnata.

2 Pedro 3:11

'Yina siuti kiak jawo ti ja wikie'eyeyi ti janetiajne'n, ¿ten siupi 'es ti janiwonayi? Sinia' iyotajank'iye ka asa'm ijiatayi ka insisie jitieyi'i, ka 'wena je 'asajiap'e ni ji'niayi.

2 Pedro 3:12

Nejejwijiejyi'n k'iye janak Sinia' jika jloma, ti janemit etitiejyi'n pet k'iye janak jloma. Janak siojona jloma, siuniwa wask'i'nelaja yiji ni poli jwat jantejwits'i, paj kanwakiyejamk'ina'a.

2 Pedro 3:7

Siunie poli, siu'neje 'ni ajnat, ti je tetitiejli'ijyi ka tinitiajnataja'n. 'Yina ti jla'am pi Sinia' ti ji'lij ka kiak iwo ti itiejietape, ka 'yenta napo i'nio' ni jitis iyo ti jankiene ni jwat napoka siunapo ti 'yakakiu pi Sinia'.

Judas 1:6

Pojon'nejepe papo injlojwajnas poli jlele ti ijliasate'n siupa Sinia', iyontaja ti yinta'ak'i siupa jikijmaye iyone, je 'esiji jla'm ti taj'lik'i siupuwa ji'wetis. Papoka ti Sinia' ilie'niti puwa wikijnies ti jajnok'i'ni ti ja inkipijnasa', sekyi'i itiete jikiowe'e ni ajnatiok jajnok'i'ni paj ka ineyeyinie'e siojona jloma ti ja ke jwajla'aja, janaka siojona ja tenajaja ti ja ti'yena napo i'nio' pi jitis iyo.

Apocalipsis 16:15

(Saka'niona iyo'ate: —'Yejne'n, jayapimet jayo'ate iyo ni kajlajnata ti yisi'lietk'i napo i'nio' ti iyoyetaja ni jikajlajnaye. Jak je iyoyiji pet siunie je inikiwalinit, je jlase' pet siunie awone ti e'ne ni ikap'ijliuskiye ti 'es, siunie ti itime ti ilisank'i niwa ji'wuye ti ja'nots'iji'n, 'nakayi ti ja ke i'najleje'n, 'yina ja lajak'ina'a pa ka k'iejliyeyi ka t'ajwejli ineniji ka i'nistana'a.)

Apocalipsis 20:11

Jakayi'ne ti a'we'en siujlieja ji'wet ni anechiyas lemi, siujlieja ti jlamt'iyiji, siu'neje ja yi'iji'n. Sekyi'i siunie ajnat siu'neje na poli jlam sek netiana'a jitieyi'i, 'yina ka kia'iwo ka ti'wena paka inejyi wata'a.

Apocalipsis 21:1

Yam'niji kiaka, sekyi'i a'wena ja poli ink'ie', ajnat 'neje ink'ie'. Kajeyepa ti siupa poli ti paj, siu'neje pa ajnat paj, i'niat lajlik'i ti kia'iyo paj, lajk'i puwa, netia'n.

Apocalipsis 3:3

Ataj wunitie siunie inka'neyasajnaye tiwena'ampe pet, 'yina wo ajosik ink'ieye. Jlampet ti ja ká aleyi ti jama'ni, ti ja ke atejnisi'n its'ioye, jayo'ate ni kajlajnata ti jasiowa'la ti jayik'ia.

Apocalipsis 6:14

Jlampet siunie poli a'yejnap pet siunie imp'esinik ti takapajlatak'i ti je tiliatak'i siuti yapilietaja'm jla'am, ti netia'n. 'Yina siuniwa tikijnaki siu'neje niwa ajnatis ti i'niat tijwajiape'n wikie'eyi ti titiajlina, je yiye'ek'i siuniwa ji'wetis pet.