2 Pedro 3:1 - Sinia' Jlamtis 1994

¹ I'lijwas ti yimijna', 'nak timesieyiji ti ip'isinik atajiet'ase'ni. Siu'nie ip'isinik, siu'neje ki anajnat ti ajlo'ase, je k'iejliyi pi jikiechaye ka iyo'nase naka ti awokta pet asosikie' ka ijiatayi ti jajnajyi ni astankiujnieye.

2 Pedro 3:1 ပူးပေါင်းရင်းမြစ်များ

Mateo 5:8

“Sinia' ip'ilisijne'n siunapo ti ijwienkit ni jlosik ti 'es ti iyoyi. Tepa jawo ka kiak je iwo ti jan'wenis ni Sinia'.

2 Corintios 13:2

Jlampet siupapo ti iyoyi ni jloski'la, jakayik'i ti nak ajojwi ti timesieyi siukia awonepi ti ajloye, i'lij 'etiapk'i, ekiajlayi'i ti kiak awo'nase. 'Wanjliyi sitiojwataja 'ni a'yi ti awo 'ate siu'neje japo 'wenayi pet, “Ka yiktiejna'aja, 'wanjliyi je ap'elisinajyi'n.”

1 Timoteo 5:22

Ke inesi'lie'yi paka akioye e'n ape'e, 'lojwinie'e ka alaye inoj wita'm siuka iwotajanie'e ni jike'. Ke anine'nate ka ijno'wa siunie je 'es.

2 Timoteo 1:6

Siuti kia'iyo, 'esiji ka je ekiajle isia'm naka siunie Sinia' iyo a'wajieta' jakayi ti siojokia jloma ti isioye e'n atepe'e ti 'a'l atepe'e.

Hebreos 6:9

I'lijwas ti yimijna', 'wanjliyi sitiej ajotiejataja ejlo wekie'e 'yina jlam pak je woyeyi wek, lapakawo ti jiniuyets'i siunie 'nayi ti 'es. Jak je iyoyiji siuniwa isis ti jitiajlayiji siojona asjwajieti yi' askiojyi.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Pedro 2:11

I'lijwas, asa'am ti yimijna'yase'm, wuj ti anip'elisi'niase, ti je t'ikiyejli'yi kiu' ape'e siu'nie ajnat ti je ijiat ka as'weta. Ka je awoye 'weta niwak siuniwa je isis ti jlomas ti inteliajayi ka woyeyi ti teje'yi ilia'm ni siuniwa asosikis.

2 Pedro 3:14

Ijiatjliyi, napo i'lijwas, siuti niwaka ti jinijijwiyejyin k'iye, jwajla'a paka woyeyi ni'netie, 'nakayeyijna'a ti jan'wena ti ijiate ti jikamaja ti jlam ti it'imina ti kia'iyoyi, ka lajak'ina'a paka intajlat'a'm ka je 'esie, 'yina ti insisie.

2 Pedro 3:17

Jak je iyo, napo i'lijwas ti yimijna'yase'm, asa'am ti 'najanayi ta'a niwaka, nilesanayiji 'nakayijna'a siunapo i'nio' je isis ja ke ink'emijieta, jla'yi ti ja ke akiniek'isia'm ti iniuyets'i ni Saka'niona 'niayi.

2 Pedro 3:8

Naka 'neje, napo i'lijwas ti yimijna', ka je pajana'a ka inkiwaliyeyi'i pa Saka'niona ti ijwienjli ni jloma iyo'ate ti mil puwa najkapis, 'yina jlampet ti mil puwa najkapis iyo'ate ti jloma ijwienjli.

Judas 1:5

Pajatak'i ti 'najanayi siu'nie, 'yina ti awo'ate ka je inkiwaliyeyi'i pet. Ijiatataja ti paka Saka'niona ti yame ti tajlajaja'm japa Egipto ti ijwiejiete'n papo Israel jika kia'lis, 'yina ti jikakiujnieye po' papo i'niot'ipi, pak it'imint'iyijpe ti Sinia' itij'we ti iliajne'n papoka.