2 Pedro 2:9 - Sinia' Jlamtis 1994

⁹ Ijiatjliyi, 'yina a'wena ti Saka'niona ijwiejiete napo jilis siuniwa wask'i'nelaja ijioyi, siuniwa inkajejlasayejes. Jlampet napoka ti je isis, iwiakajlanit k'iye siunie jawone ka netieje janak jloma ti jan'ye'en ni jitis iyo ni i'nio'.

2 Pedro 2:9 ပူးပေါင်းရင်းမြစ်များ

Mateo 10:15

Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.,

Mateo 6:13

Ke kassena'ate ka wiekia'm niwa inkajejlasayejes, 'wenajliyi ka kasjwajiete.

Romanos 2:5

'Yina siuti a'm ti je injlana'ni ti int'o'n ti je wo ka wo ajosik ink'ieye, ijiatjliyi am am ti jitio'n atepe'e siunie jiliayeja' pet ni i'nio' ti ja tisiejek'i ka Sinia' in'yenta na jitis iyo, ti jlam ti tijnajyi siunie jawoyi,

1 Corintios 10:13

Siunie inkajejlasaye yi'ase, lajk'ipa ka ne'yi paka i'nioye ka je ineyiji. 'Yina 'esiji ka ataj awomayi pa Sinia' ti ja ke inenayi 'ate niwaka inkajejlasayejes, ti wuj ti a'tisk'iji'n, ti je tiuma'yi ilia'm. Siu'neje ti, yiyeta'ase nak inkajejlasaye, Sinia' jan'wenki'na'ase'm siunie janiwonayi ka toma'yi ilia'm.

2 Timoteo 3:12

Ijiate wikie'eyi siunapo ti jawo ka nekk'i ni Sijwajieti ji'niayi ti tijnajyi, napoka ti wuj ti janilayiti siunie jawone napo i'nio' ti jiwak jane'ne.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

2 Pedro 2:4

Siupapo injlojwajnas poli jlele ti kia'iyo siupi je 'es, Sinia' je najwi'yite. Itieteje siupi imosik ji'wet pet ti wikijnies ilie'niti yi'i pa ajnatiok, ti itiejiete siojopa jloma ka Sinia' i'yenta napo i'nio' ni jitis iyo.

2 Pedro 3:7

Siunie poli, siu'neje 'ni ajnat, ti je tetitiejli'ijyi ka tinitiajnataja'n. 'Yina ti jla'am pi Sinia' ti ji'lij ka kiak iwo ti itiejietape, ka 'yenta napo i'nio' ni jitis iyo ti jankiene ni jwat napoka siunapo ti 'yakakiu pi Sinia'.

Judas 1:6

Pojon'nejepe papo injlojwajnas poli jlele ti ijliasate'n siupa Sinia', iyontaja ti yinta'ak'i siupa jikijmaye iyone, je 'esiji jla'm ti taj'lik'i siupuwa ji'wetis. Papoka ti Sinia' ilie'niti puwa wikijnies ti jajnok'i'ni ti ja inkipijnasa', sekyi'i itiete jikiowe'e ni ajnatiok jajnok'i'ni paj ka ineyeyinie'e siojona jloma ti ja ke jwajla'aja, janaka siojona ja tenajaja ti ja ti'yena napo i'nio' pi jitis iyo.

Apocalipsis 3:10

'Yina siuti jik'iuk'i'm siunie awo ka woyi, siu'neje ti je liyi, nak jant'emina pet ti ja'ye'na'm ka inetiejenie'e siojona jloma siunie ti ja wujwa ti ja a'tiejak'i ape'e 'ni ajnat ti jajnejlit napo i'nio'.