2 Pedro 2:4 - Sinia' Jlamtis 1994

⁴ Siupapo injlojwajnas poli jlele ti kia'iyo siupi je 'es, Sinia' je najwi'yite. Itieteje siupi imosik ji'wet pet ti wikijnies ilie'niti yi'i pa ajnatiok, ti itiejiete siojopa jloma ka Sinia' i'yenta napo i'nio' ni jitis iyo.

2 Pedro 2:4 ပူးပေါင်းရင်းမြစ်များ

Mateo 25:41

“Ka kiak iwonayijinie'e ni anechiyas siunapo to'm ji'lieme, “¡Tonitiejyi'n, asa'm ti pajk'i ti jleyejyi ni inlaye! ¡Joyeyi nak jwat ti je paj ka 'no'me, tejeye ni imosik ti ja jikieye siu'neje napo jijliujwajnas pet, ti tiwakajlanitie k'iye!

Mateo 8:29

Ti yiyet'iyisipi ja Jesús, kiak t'ipa iyoyeyisipi ti tank'i wita'm: —Sinia' jlas, ¿yot'iyi'ni ti je kasse'nate? ¿Jiwot'iyimi ka poye ta'a paka wonts'e, ti ji'nis 'yina ti je yijliyi'ijyi siojona jlomaye?

Marcos 5:7

Iyonayi 'ate ti tajwijyi'n: —¡Ká 'ok'inie'e Jesús, Sinia' ti lajk'ipa ka ijnojliji jlajts'a'm! ¡Anip'elisi'najapeje pa Sinia', ka je k'iejliyijna'a paka awonk'i!

Lucas 10:18

Jesús isiujlie papo ti iyo'ate: —Jlam je woyeyi, a'wenk'i ja sitiejiejwa imosik ti iniujwe'n ti tal poliyi, 'yiniye na tak'ajyi.

Lucas 8:31

Siupuwa imose'l inip'elisijnin'ni'ne, ti iyonisi 'ate pa Jesús: —¡Ke kastatena'a isia'm siunie kiawe, ti je ti'wenaja paka jlaja, siunie inlaye 'wet!

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Romanos 11:21

Ti Sinia' je kia'iyo ka imp'elisi'n siupuwa ti ijiate ti jik'ase'l japak olivok ti jlameje, 'yina kiak jawo'na ja ke inajwi'yit'a.

Romanos 8:32

Jlam'ne Sinia' je yints'e'm ki jlas, sekyi'i yikiajle ni jiliaye iyo ti tiliana 'nakayi ti ja kasts'isisi. 'Yina siuti kia'iyo, ¿tepa jawo ka je iwents'e'm wikie'eyi niwa wask'i'nelaja?

2 Pedro 2:11

Siunapo injlojwajnas poli jlele, 'yakajlitieje pet ti kia'iyo jijweye poyeta 'yakamata ape'e siunapo ajwel'ni ti je ijiat ka inka'neyasajnawosa', ka kia'iwo ka injweyits'i ape'e ka inlakiyis niwaka. Ka kia'iwo ka inkasiti pijia'm ka injwe'el jitieyi'i pi Sinia'.

2 Pedro 2:5

Ka kia'iwo pa Sinia' ka imp'elisi'n siupapo i'nio' t'ipi inian sik'ioye, 'yina ijliuyi pi pejlatiok ti itijwk'i'ni papoka i'nio' t'ipi ti ijiate ti je isis. 'Yina ijwienjli jla'am pa Noé ti ijwiejiet, ti jla'am ti iyoyi jlamtikie' siunie 'esk'i, siu'neje papo ijwien sikio' itij'we times tom'niji ji'wet jlele.

2 Pedro 2:9

Ijiatjliyi, 'yina a'wena ti Saka'niona ijwiejiete napo jilis siuniwa wask'i'nelaja ijioyi, siuniwa inkajejlasayejes. Jlampet napoka ti je isis, iwiakajlanit k'iye siunie jawone ka netieje janak jloma ti jan'ye'en ni jitis iyo ni i'nio'.

1 Jn 3:8

Jlampet ni i'nio' ni iyo ni jike', kia'iyojliyi je int'ayiji'n ti naka tajle pet ni imosik. 'Najanayi, siunie imosik tajlap'e ta'a ti 'nelanjie'e ti iyo ni jike'. Naka ti it'imina ti 'nes ajnat'e siunie Sinia' jlas, ti initiajnate'n siunie jikijmaye iyo ni imosik.

Judas 1:13

Niwak iyo'ate siuniwa ji'wukijlimpejes ti tiwakits'i pijia'm yi' ni i'niat lajlik'i, jlampet siuniwa ti je isis ti iyoyi, nak 'yiniye pet siunie ti iyo siepa' ti yi' ape'e ti ijiut'ni jikiusi. Iyo'ate siuniwa katese'l ti 'yakamk'iji'n, 'yina Sinia' 'yotat pet k'iye siunie ji'wet, jikiowe'e ni siunie ajnatiok, jajnok'i'ni pet ti sek jane'yi.

Judas 1:6

Pojon'nejepe papo injlojwajnas poli jlele ti ijliasate'n siupa Sinia', iyontaja ti yinta'ak'i siupa jikijmaye iyone, je 'esiji jla'm ti taj'lik'i siupuwa ji'wetis. Papoka ti Sinia' ilie'niti puwa wikijnies ti jajnok'i'ni ti ja inkipijnasa', sekyi'i itiete jikiowe'e ni ajnatiok jajnok'i'ni paj ka ineyeyinie'e siojona jloma ti ja ke jwajla'aja, janaka siojona ja tenajaja ti ja ti'yena napo i'nio' pi jitis iyo.

Apocalipsis 20:10

Jlajmiliet siojo imosik, ti ik'emijietk'i napo i'nio', titietajayija'm ni jwat siunie ti isa ape'e iyo ni i'niat lajlik'i, siu'neje na azufre, siunie ti kia'iyo ti titietaja'm ja pinitiok siuti jiliaye iniuj wita'm ja injwejlanik jiwo, ti je tal Siniayi. Jlomas ajnajas ti janejyi ni jijliak'ali 'yina jajnok'i'ni ti kiak jawo.