2 Pedro 2:21 - Sinia' Jlamtis 1994

²¹ Jlamt'i ijiatt'itiejepe ka je intant'iejesi siunie Sinia' ji'niayi ti tijnajyi nak 'estiejesi, 'yina je 'esiji ti itiant'iejesi nak 'nayi iliyisi niwak Sinia' jlamtis ti ijiate ti isis ti tekiajlaja, sekyi'i ni jiwet'ia iyo.

2 Pedro 2:21 ပူးပေါင်းရင်းမြစ်များ

Mateo 21:32

Kajeyepa ti Juan inajiejnawo 'nesape ti i'winkinta'ase'm ni siunie 'nayi ti tijnajyi, 'yina je woyejliyi, ti jikakiuye. Iyoye'eje jlam jlosikis ink'iejyisa', napok siunapo ijiajwa'yis jiwos siu'neje napo isi'm ilia'm niwa inkat'ijnieyejes, kajeyepa ti je 'yakakiuyis. Jejwela' ka je a'wenayeta, ji'wenayeta ka jakayeyi ka awoyeyi asosikis ink'iejyisa' pet ka je akakiuye.

Lucas 12:47

“Siunie i'nio' inkawo, ti jlam ti 'yijenataja siunie jika anechiyas iyo ka woyi, 'yina ti je iniwakajlanit jla'yi ti je its'iuye pa tiwonataja, nak wuj ti ja tisiejek'i ti ja tajak'ni.

Juan 15:22

Je jlamtajas ka jitisa', ka je inia'am ti amti'yi, 'wenajlitieje ti ka yama ka itisa'. 'Nakayi lajk'ipa ka jitiej i'no'we, ka inip'onisi ki iyo niwa jloski'la.

Juan 9:41

Jesús iyo'ne 'ate ti isiujlieyi pet: —Jlamt'itie ka ijiatayi ka talojoye'ase'm, ka lajata astesa'. Siuti jijwela' ti je talojoye'ase'm, nak it'imina ti astes po'o.

Romanos 7:12

Jak je iyoyiji ti kiak awoyi, siunie inka'neyasajnaye Sinia' 'yotat kajeyepa siunie ijwi'il 'es, jla'yi ti tijnajyi.

Gálatas 6:2

Ká ajwankite ni akiecha ti po' pi yiyi. Noyeje ja inkiajatajak'i'ni ti kiak jawoyeyi. Siuti kiak jawoyi, ijiate nak jawoyeyi ni jika'neyasajnaye ni Sijwajieti.

1 Tesalonicenses 4:2

Je injwesiejayiji'n ka yikiajle'e'ni ask'ioye ka 'yiyasanayi siunie iyo ni 'eyasanayijpe, siunie tajle pi Saka'niona Jesús.

1 Timoteo 6:14

je paj ka leyi siunie ajloye'a'm ka woyi, ja'nakayeyi ti ja ke inets'e paka ka ine'yaja'ni siojopa jloma ti ja'nesi pa Saka'niona Jesús.

Hebreos 10:26

Jlam'ne ink'ie' je ape'yak niwak Sinia' jlamtis ti ijiatk'i, naka'ne na ti je 'esiji ka kasts'eliajak'i'ni ni siuniwa sakeyis ka je iliki ka iyoki. Jlam'ne kasts'ajane pi awonaja ti ja ke ine'nets'e ka poye paka yikiajla ape'e niwa sakeyis.

Santiago 4:17

Siunie ti 'yijenataja ti iyoyi ni siunie 'es, 'yina je iyo ka woyi, ket'ijwel ka je jikeye ti kia'iyo, iyoyi ni jike'.

2 Pedro 3:2

Ja 'nakayeyijna'a ti ja ke inkiwaliyeyi'i siuniwa inamtis ijwil t'ipi papo injwejlanawos t'ipi Sinia' jikawos ti isis, siu'neje niwa jlamtis pi Saka'niona ti Sijwajieti ti ijwil pet papo jijliujwajnas, ti kasts'eyasane.

Judas 1:3

I'lijwas ti yimijna'ase'm, je jlase' ni awo ti siwa'asitieyi'ni ti awo ka ip'isinik itiejiet'ase ka ijwil pet ask'ioye siujlie'e sijwajieti ti lajk'ipa ka lajayijap ti yits'e. Ijiatjliyi 'nakayi alesane kajeyepa 'es ka kia'inwoyi, ti wuj ti anip'elisi'niase ka ijiatayiji pet ka anilana'yi ape'e siunie intankiujnieye ti 'es, siunie ti etiet'ipi wek na Sinia' ti iwijna'm napo jilis sekatajak'i.