2 Pedro 2:2 - Sinia' Jlamtis 1994

² Ja ke piniye siunapo janekk'i siunie iyo ni jloski'layis, jant'eminayijna'a ni siunie 'nayi ti ijiatk'i ti japoye napo janlakiyis, ti jawo'ate, “Ijiate wat ti je 'es.”

2 Pedro 2:2 ပူးပေါင်းရင်းမြစ်များ

Mateo 22:16

Sekyi'i ti ijliuye japo t'eyasajnas pet, siu'neje japo 'yuyisk'i pet japo Herodes, ti ijioyisi ja Jesús. Yiyisi ti kiak iyonayisi 'ate: —Inka'neyasajnawo, kasts'ajane ti a'am je niliak paka a'leja', jla'yi ti ijiatk'i siunie jiwo ti jika'neyasa'n ti jijwe'el pa Sinia' ji'niayi. Siunie iyo napo i'nio' je injlan'ni, kajeyepa ti je ji'yene paka ne'yi pa ka t'oniye iwo.

Mateo 24:24

Sekyi'i ja 'naka'aja siunapo i'nio' ti janjwel ka nakaye injwejlanik jiwo, ti ja ke piniye siuniwa jan'wenki'n, ti jankelitk'i napo i'nio', siu'neje napo i'nio' Sinia' pajk'i ti i'winakit ti isi'mik'i, jawo pa jawo ka inkajli ka ink'emijiet, ni'ne ka jeyena'a.

Mateo 7:14

'Nak k'ieyi wek ni siunie 'wuk kiwet siu'neje na 'nayi siunie ijioyi janak in'wasankiye, jla'yi ti ti'nita, je 'loj napo i'nio' iniuk'i naka.

Marcos 12:14

Siuti yiyisi iyonisi'ne 'ate: —'Yaka'niona, kasts'ajane pa awona ti a'am i'nio' je niliak'ia'm, jla'yi ti je inkajli siunie iyo napo i'nio', kajeyepa ti je 'yene paka t'oniye iwo pa i'nioye, najata jla'am siunie Sinia' iyotaja kawo napo i'nio' ti jika'neyasane. It'imina ti ja'yasaja'n ti jayok'iate: —¿Ma 'est'iyiji ka 'yakat'inie ape'e niwa inkat'ijnieyejes anechiyas Roma jlele t'ajla'ni napo, ni'ne ka jeye? ¿Ma jatisie ni'ne ka ejloye'e jiwekie'e?

Marcos 13:22

Kajeyepa ti jana'am siunapo ti janijwe'el ti janapokaye Injwajieti ti Sinia' jijliujwanik, siu'neje napo ti janijwelis ti janapokaye Sinia' jijwejlanawosa', 'yina jan'wenki'n siuniwa ti janesi'lietk'i napo i'nio', ti janwo ka ink'emijiet napo siunapo Sinia' pajk'i ti isi'mik'i, janwo pa jawo ni'ne ka je inkajlits'i.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Hechos 13:10

ti iyone'ate: —Ijiate wata'a 'na jiwoyi ti wuj ti je 'nes. Ijnoski'la'n ti jiliaki 'napo, jitieye ilia'm ni 'es. ¡Lapakawo ti imosik jlajts'a'm! ¿Yot'iyi'n ti je liyi, ti jiwo ka akajyi'n ni Sinia' ji'niayi ti tijnajyi jla'am?

Hechos 14:2

Jlam'ne papo Judíojos siupapo je iyoyisink'iye, papoka'ne ti 'yijijie'ne papo je Judíojos ka inta'yi ilia'm, ti ijwil ka impe'ya'ni ja Pablo ka poye paka wo.

Hechos 16:17

'Yina ti awokieyi ni sikijmaye ti askiuniejak'iji'n, tajla t'ipi si'niak'i ti nam sek'i ti tan'ni ti iyo'ate: —¡Siu'napo i'nio' 'napok jikawos pa Sinia' ti lajk'ipa ka ijnojliji, iyo jika'niyeja'ase siunie 'nayi ijioyi jana in'wasankiye!

Hechos 18:26

T'otale t'o'n ti iyo jlamtikie' kiajwe japa Judíojos t'ajla'wet. Aquila jla'yiki jlaja Priscila, ti ipi'yayisie, jlampa iniuyek'i kisie'e, tanisi'ni'ne ti i'nialkit siupi ijioyi'i kisie'e, ti 'yiyasane puwa Sinia' jlamtis siupuwa je ya'me pet pa iyo pa Saka'niona 'niayi.

Hechos 19:9

Po' siupapo t'ojnine, 'wenajliyi ti 'yakakiuyis, ti ijwilis ka je 'esie siunie 'Nayi Ink'ie' siunie Pablo yamk'i, ti yine jitieyi'i papo i'nio' ti ijwi'il. Pablo tajla'ne, tane'ni siupapo Sinia' jilis, ti ijioyiji japa inka'neyasajnaye 'wet, i'nio' siupa jle' iyo'ate Tiranno jika'neyasajnaye 'wet. Sek yiniji'ni wikie'eyi puwa jlomas ti sek ininenisi'i'ni ti takamtijniejne'n.

Hechos 22:4

Ti pajk'i ata'yi ilia'm siunapo iniuk'i siunie 'Nayi Ink'ie', paj ti awoyeyi ka iliajne'n ayijnies, asejnia ti aki'mik'i ti ajoyi'ni insat jiweje.

Hechos 24:14

'Yejne'n, ya'am je ap'o'n ape'e siu'nie aki pet naka siunie saka kijilas mases Jiniat'ipi pet. 'NAYI INK'IE', ni ijwilis ti je ijiatk'i, nak aki pet. Je 'ats'ape'e siunie iyo ni Moisés jika'neyasajnaye, siu'neje niwa jlamtis papo injwejlanawos t'ipi.

Romanos 2:24

'Yina jak je iyoyiji ti kiak iyo niwak inamtis ti iyo'ate, “Asa'am ti jit'iminayi ti siunapo kakiujnietas ti iyo jiliakikie' ni Sinia'.”

1 Timoteo 5:14

Tempi it'imina ti awo'ate: siojona ask'ilieki ti jlosie 'wanjliji, 'esiji ka injwa'yi. Jilis japoye, ja wujwa ka ilesa'n ni ji'wet, ja'nakayeyijna'a ti ja ke tiliakik ka lajayipe 'weta ni inkajejlasaye tajle ni sitiejiejwa.

Tito 2:5

'Esiji ka'ye'en siunie iyo ka woyi; 'esiji ka inilesaniji; 'esiji ka'yena ni ji'wet, jankimk'iji'n, jla'yi ti jamp'elisijne'n napo ijia; 'yina ti yi kiajwe napo jijwa'yis, 'esiji ka ink'iuye.” Siuti kiak jawo napo jlosie ti jijwa'yis po', ja lajk'ipa ka inets'e ka inlaki siuniwa Sinia' jlamtis.

Tito 2:8

Lesaniji siunie jiwone niwa amtis ti jlamtiyetaja niwa Sinia' jlamtis, 'nakayi ja ke inets'e paka iwo'ate, “Je 'es siunie jlamtiyi.” Siuti kiak jawo amtis jajnajyi, ka kia'iwoyenie'e pet siunapo ti atajiejwas, siuti ja ke 'najane paka iwone ka i'najwejla'ana'ak'i wita'm, kajeyepa ijwil je 'es ni awoki.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.

2 Pedro 2:12

Jlamtis jiniliaja ti iliaki siuniwa ti ijiate ti je 'yijeneje paka iwone. Lapakawo ti ijiate ti netia'n pi jlosik, iyoye'ate niwa pini' yiji ni 'la'an, ti laj jlosikie'. 'Yina kiak jawoyiyi napoka siojona 'najlati teje'yi, jla'yi ti inijijwijyi'n k'iye ts'ijiye ti jano'we. Kiak jawoyiyi iyo niwaka, ti tikiowajlajank'iye ti ja tiliana.

2 Pedro 2:15

Ikajyi'n, kajeyepa ti iliyi ki iyo ni 'es, 'nayi ti tijnajyi. Yame siupa iyot'iyipi pa Beor jlas, injwejlanik jiwo Balaam, ti ijiate ti itiliaja japa wikiniet'aj ti tajleje siunie je 'es.

2 Pedro 2:18

Wuj ti initoniti'n jlam jiwek ti je pini' puwa jlamtis, 'yina ti lajk'ipa ka 'esie ka intajle. Wuj ti iliaki napo ijia ti ik'emijietk'i, ti itiojna'm ni siunie je 'es, iyo pit ni jikijmaye ni ts'isie'n siunapo ti k'iejli iyota jlosikis ink'iejyisa', ti i'yiltantak'iye siuniwa iyo pit ni jikijmaye.

2 Pedro 2:21

Jlamt'i ijiatt'itiejepe ka je intant'iejesi siunie Sinia' ji'niayi ti tijnajyi nak 'estiejesi, 'yina je 'esiji ti itiant'iejesi nak 'nayi iliyisi niwak Sinia' jlamtis ti ijiate ti isis ti tekiajlaja, sekyi'i ni jiwet'ia iyo.

2 Pedro 2:7

'Yina kia'iyojliyi, Sinia' ijwiejiete siupa jiwet'ia iyo pa Lot jlam ti 'es, jla'yi ti iyo'ni jijliak'aliye papok i'nio' ti iyoyi siupuwa jikeyis ti ijiate ti je isis.

Judas 1:10

'Yina napoka i'nio' ti ajwel'ni, ji'lij siunie je 'es yinayits'i niwaka wask'i'nelaja ti je 'yijenisi paka iwonisi, jlampet ni siunie ti ijiate ti 'yijenisi pi iyonisi. Niwaka ni siuniwa ti tajle pet niwa t'isienis 'yijijie'ne ka woyi, 'yina je tajle siuniwa jlosikis. Niwak iyo'ate siuniwa pini' 'lan jlele pet, ti laj jlosikie', 'yina siuniwa jikeyis niwaka ti ijioyija'm ni jiwet'ia.

Judas 1:15

ti name wikie'eyi napo i'nio' ti isis ti jan'ye'en. Jan'ye'en wikie'eyi siunie iyo, sekjane'yi nak jantajlata siunie je 'es ti iyoyi, siu'neje niwa jlamtis ti itiejiet ilia'm ti jla'am.”

Judas 1:4

Kajeyepa ti po' siunapo i'nio' ijiuski'lajne'n ti ini'not'i aswa'm ti yi' aska kiowe'e, 'yiniye ka ijiatayiji ka intaj'l aswa'm, lapakawo ti inip'o'nase wek. Sekyi'i ti ijwila ka ijiatayiji ka ineki siunie jikap'ijliuskiye ni Sinia', 'yina nak isienayi siuniwa ti iyo ni siuniwa itiliaja ka iwoyi siuniwa je isis. Ijiate ti 'yakajanitk'i ti 'yakakiu pi Sijwajieti Jesús, ti jla'am ti ijwienjli ti saka anechiyas. Napoka siunapo i'nio' ijwilt'ipi siuniwa inamtis ti isis, ti 'yaka ti jajnoyi ni siunie jiwet'ia napo ti netiajne'n.

Judas 1:7

Kiak iyo siupapo i'niot'ipi ti yiji puwak isi'il Sodoma siu'neje japa Gomorra, puwaka 'neje jla'am siupuwa isi'il je tosape'n. Ijiat ti je 'wena ijio'we siupi jiket'i iyoyipi papo injlojwajnas poli jlele t'ipi. Papoka i'niot'ipi ijiat ti 'yaka'm ape'eyi siupa iyoyi ti je ilisaniji siunie tiwoki ti ayijniests'e'm, siu'neje ti asejnia, siuniwa t'isienis 'yijie'ne siuniwa wask'i'nelaja siunie kawo ka inteliaja niwaka siuniwa ti ijiateje ti je isis. 'Yina it'imina ti totieje siunie jiwet'ia, naka siunie jwat ti je ti'wena ka'no'me, ja 'nakayeyi pet ti jan'we'en wikie'eyi siunapo i'nio', sek jane'yi ti ja jitiej inenayisi'nina 'ate naka.

Apocalipsis 12:9

Sekyi'i ti totieja kisie'e ni ajliutietiok, siojo ti 'nelanjie'e iyot'ipi injlatiokie'; Imosik, jle' 'neje ni iyo'ate Sitiejiejwa, siunie ti ik'emijiet wikie'eyi napo i'nio' yi' ape'e 'ni ajnat. Tijwanaja'a papo jikawos injlojwajnas poli jlelejimpe ti 'nelanjie'e, ti titietajak'i isia'm ajnat'e.

Apocalipsis 13:14

Jak je iyoyiji siuti iyoyi siunie i'winki'n, ti tiwenaja'm ka kiak iwoyi jitieyi'i siojo pinitiok ja inia'an, wuj ti ikajmank'iji'n napo i'nio' yi' ape'e 'ni ajnat. Sekyi'i ti ijliuyeyi napo i'nio ka ilesanisi pa jipela' siojo pinitiok ja inia'an ka jakaye ka jitiej iwoma 'yina ka iwunitis, siojo sijnat jitiok tikienat'iyipe ti tijwajakia'm 'yina ti 'napejli wek ki ji'wet.

Apocalipsis 13:8

'Yina siunapo i'nio' yi' ape'e 'ni ajnat siunapo jleyis je yi'i naka imp'esinik, jip'esinik ni i'nio' 'wolepo 'woma siunie ti tilianape, ja wikie'eyeyi ti janwunitis jaka pinitiok. Naka ni siunie imp'esinik ti jleyis yi'i napoka ti pajk'i ti yiyi janak ji'wasankiye ti t'o'n, pakayi ti 'nelanjie'e Sinia' ilisanayi ni wask'i'nelaja.