2 Pedro 1:6 - Sinia' Jlamtis 1994

⁶ 'Yina siuti ja akajlajyi naka ka intant'iejayi ni iyo ni Sinia', sekjane'yi ka ajalasanie'eje ape'e ka akajlajyi ka atoma'yi ilia'm siuniwa je isis tajle pit ni iyo niwa 'asienis. Siuti ja akajlajyi naka ka atoma'yi ilia'm siuniwa je isis tajle ni iyo niwa 'asienis, sekjane'yi ka ajalasanie'eje ape'e ka akajlajyi ka anilayitieyi siunie asjlak'ali sek jane'yi jakamajayepe. Siuti ja akajlajyi ka anilayitieyi pi iyo pi asjlak'ali, 'yina ja akamaja, sekjane'yi ka ajalasanie'eje ape'e ka akajlajyi ka 'wena je anoye'yi siunie iniu'we ni Sinia' ji'niayi ti tijnajyi.

2 Pedro 1:6 ပူးပေါင်းရင်းမြစ်များ

Lucas 21:19

¡Jwajla'a paka woyeyi 'nakayeyijna'a ka 'yakana siojona jla'm ijiate jla'am ti as'wasankiyeja'!

Lucas 8:15

Jlam'ne pet siupuwa inseliaki ijniuj'li pa ajnat ti 'ejts'i, napoka siunapo i'nio' ti ijiate ti 'es ti isi'm ilia'm jla'yi ti iyoyi niwa Sinia' jlamtis, jla'yi ti its'iuyeje ni iyo. Jlam sek iniujliye'e pet siunie 'es ti iyo jlaye, siupapo tajla'm.

Hechos 24:25

Je 'esiji ti ipi'yayeyi ja Pablo ti yiyiji naka ti iyo'ate, “Janilesaniji ni i'nio', jla'yi ti jan'ye'en siupa janwoyi, siu'neje ti japoye jana jloma ti Sinia' jan'ye'en ti ja'nakajanitk'i ape'e siupa jitis jawo.” Naka'ne siunie ti Félix jnots'inaja ti ipi'yaye, sekyi'i iyo'ne 'ate: —'Esiji. Maj. Jlam jayana'anie'eje ka pajata ka itimtieje'nina'a.

Romanos 15:4

Wikie'eyi siuniwa Sinia' jlamtis yi'i ni ji'wet jla'am je tilisanaja jiwek, 'yina ti sa'am ti kastajietajapeje, 'nakayi ti jani'neyasanaja, siu'neje ti naka ti ja kasts'et pijia'm, sijweye jantajle ti jla'am, siu'neje ti 'yakajanit ti sinijijwiye po'.

Romanos 2:7

Sek jane'yi siojona ji'wasankiye ti laj jlaja, napok janwejna'm pet siunapo iyojyi'n, jla'yi ti yamjliyi pet ti iyoyi ni siunie ti 'es, jla'yi ti iyoyisijyi'n siunie inwunitieye ti tajle ni Sinia'.

Romanos 8:25

Siunie anejejwiyejen k'iye naka pet ni siunie ti sitiete je i'winjli'ijyi naka ni siunie 'yu'we ka je ilikiape ka inijijwiyejen k'iye.

1 Corintios 9:25

Iyo'ate siuniwa ijia inlakijie, siunapo janlaki jlomas ti initejlitis'ni ti iniwakajlanitis ta'a, sekyi'i wuj ti i'yena ni t'ajwes, je isime paka k'iejliyeyi. Tepa jawo ka je kiak iwo ti iyo pet ka je titieyeje, ti iyo ka i'yaka'n siunie a'lak'as ti tijweniejek'i ti tena jletik'i ni i'nio' ti t'an pijia'm, jlam'ne je t'on wata'a. Sa'am jeyetaja siu'nie awoki, ti jlajma ja ke inilana'a jiwek, kajeyepa ti awokink'iye ka 'yakajlaja siojona tena ajnat'e sik'ioye ti ja ke paja jla'am ka inetia'n.

2 Corintios 6:4

Jak je iyoyiji wikie'eyi siuniwa awoki 'yina je anijwekieje ti sa'am ti Sinia' jikawosts'e'm, ti awaki' naka siwet'ia. 'Yina je kasjlak'alk'i wita'm, ni'ne ti lajk'ipa ka'wina, siu'neje ti je 'yakajata paka iyoki,

Gálatas 5:23

Je initonit pi i'nio'; to'm ilia'm siuniwa inkajejlasayejes ti tajle siunie 'nisie'n iyo pit. 'Yina lajk'ipa ka inka'neyasajnayeja' kanjwe'el ka inta'yi ilia'm 'niwaka.

Colosenses 1:11

'Ajlajanayi'ni pi Sinia' ka impejlanit'i aswa'm pet ni jijweye ti je jlase', ja 'nakayeyi ti ja asjweye japoye pet. 'Yina ja ke injlak'alajyi'n, 'wenajliyi ti ja akamaja.

1 Tesalonicenses 1:3

Siuti ijiate ti jikimayi ni astankiujnieye ti 'es, je pini' siuniwa askijmayejes ti isis niwa jitiajlayija'm. 'Yina siuti jikimayi ni asemijnaye, wuj ti jinilankinieyi ni askijmaye. Siuti ijiate ti jikajanitie ni jinijijwiyejyink'iye pi Saka'niona Jesús ti Sijwajieti, ijiate nak it'imina ti jini'netieyi, ejlowek ti wuj ti jinilayitieyi pi k'iejli ti aswet'iayeta. Ti a jitieyi'i pa Sinia', je paj ka sikiwaliyi'i niwak siuniwa isis ti jiwoyeyi.

2 Tesalonicenses 1:4

Ti sa'am wuj ti atema'ase ni jiwoyeyi, ti awakietaja napo si'lijwas Sinia' jilis. Ajwelaja ape'e ki jiwoyeyi ti je t'ikijieta naka astankiujnieye ti 'es, jla'yi ti ka kia'iwo ka woye jlaja, ejlowek siunie tiwona'ase napo i'nio' ti teje aselia'm, jla'yi ki iyo ni aswet'ia ti poyeta.

2 Tesalonicenses 3:5

'Esiji ka Saka'niona 'wenki'nase'm pet siunie iniwoneje ti jlam ti tajle ki iyo ni jlemijnaye ti po', jla'yi ka iwoye asjweyeja' ti jiwayeyetaja ni asjlak'ali ti wuj ti jinilayitieyi iyot'iyipi jla'am ti iniane ti inilayiti.

1 Timoteo 2:10

Jla'm ijiate ni 'es ka woyi, kan'yejnap ni ji'wu' ti 'es, iyo ti inilesanijisi jitieyi'i pi Sinia'.

1 Timoteo 2:2

Nak ijiateje ti 'yu'weyi siuti ja'najlan'ni napoka anechiyasas wus, siu'neje napo yi' jitieyi'i pet. 'Nakayipe ti ja lajak'i paka k'iejliyeyi ka nets'e, ka ikajmakiepe, 'esiji ka ijiatayi pet ka je kasjweye ni Sinia', jayoki pet ni siunie 'es ti tijnajyi.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

1 Timoteo 6:11

A'm ti Sinia' jlasts'a'm ti inwakal, joskiye niwaka. Katate ka woye ni siunie 'es ti je tak'emiyeje wek; katate ti ani'neti pi Sinia'; woyi ni atankiujnieye ti 'es; siunie emijnaye kia'iyojliyi; je paj ka leyi naka; ke injwesie. Ni'net siuti jitie'yi ilia'm ni je 'es, 'yina ti po' 'ni atankiujnieye ti 'es. Akio' et'i janak a'wasankiye ti laj jlaja, 'yina siuti Sinia' tana'api jiwoyepe 'ate, “Sijwajieti Jesús naka ti 'Yaka'niona pet”, ti jlene jitieyi'i japo i'nio' ti 'loj.

1 Timoteo 6:3

I'nio' ti taka'neyasane siunie 'wenayiji ti je jnanjlajape'n ki iyo niwa jlamtis ti isis pa Saka'niona Jesús ti Sijwajieti, jla'yi ni iyo pit ni jika'neyasajnaye, ni tajle ni sitienkiujnieye ti 'es,

1 Timoteo 6:6

Ijiatk'i kiaka, ti je jlase' ni ikajliji ni i'nio' ti po' naka ti jitienkiujnieye ti 'es, siuti jampeni'yi pi jwamjla'a pi nitia i'wi'in.

2 Timoteo 3:5

jawoyeyinie'e siunie jawoyi, ti janjwelis ka iwoyisi niwa Sinia' jlamtis, 'yina siunie jikijmaye iyonisi nak ja'nakanit'i ape'e ti jlajma iwo ka ijiatayi ka nakaye jijweye iyo niwa Sinia' jlamtis. Joskiye napoka i'nio', 'esiji ka anitonitiape'n.

Tito 1:1

Ampey isiecha Tito, ya'am Pablok'i'm ti ip'isinik atate'a. Ya'am ti ijiate ti Sinia' jikawok'i'm, jla'yi ti Sijwajieti Jesús jijliujwanik'i'm. Sijwajieti Jesús sijliuyi napoka ti Sinia' pajk'i ti it'iajats'i, ka iyo yamtikie' k'iye napoka, 'nakayi ka intankiunisi pi Sinia', jla'yi ka intant'ieje siu'nie akinieje ti ijiatk'i.

Tito 1:8

Ja nakaye siunie ti t'oniye je ijwisi'ne ilia'm siunapo ijioyi'ni. Ja nakaye siunie ti janemi'n ni 'es. Ja ke nakaye siunie ti je i'yene siunie jawoyi; ja 'esieje'n ni i'nio'; janilesaniji jitieyi'i pi Sinia'; nakaye siunie itiant'ieje ti je 'esta ni iyoyi.

Tito 2:2

Siuti a'lej jawejna'm napo kijilas, ka kiak awoyepi 'ate, “Niwonayi'ate iyo siunapo jikijmaye 'es, asts'oniye jansets'ik'i, ke inesi'lie'yi siunie jawoyeyi; astankiujnieye ja'wanjliyi wita'm, kia'iyojliyi ni asemijnaye jla'yi ti jatoma ilia'm siunie aswet'ia ti poyeta.”

Hebreos 10:36

Siuti jinilayitieyi siuniwa ijio'wase'ni, 'yina wuj ti jisitiana siunie ast'oni 'nakayi ti jawoyeyi siunie Sinia' iyo kawo, siu'neje ti jataja' siunie ijwi'lase'm.

Hebreos 12:1

Jak je iyoyiji siuti 'yiniye ka iwiek jikiowe'e napoka i'nio' t'ipi ti 'loj ti inikajaniti siunie jitienkiujnieye ti 'es ti je 'yakakiu pa Sinia', 'esiji ka ijiutie kiu wat ts'ijiye siuniwa wask'i'nelaja kast'ajaniti'n, siu'neje ni sake' ti akapajlaja'ni. 'Esiji ka je inilakik siunie awoki ti 'osiye'ni ni atayeje.

Hebreos 6:12

Ká anoyeyeje siunapo i'nio' jiniliaja ti 'netaja'n, 'yina 'yena jla'am siunapo ti je tajli siunie jitienkiujnieye ti 'es ti iyoyi, siunapo ti pajk'i ti yi' kiojyi janaka Sinia' ijwilt'ijiampe, napok jla'm ijiate jla'am ka ni'yenajiap.

Hebreos 6:15

Abraham yi'i jiwekie'e ti inijijwijyink'iye paj ti jiwekie'aja t'ipi ti yi' jikiojyi siupa Sinia' ijwilt'ijiampe.

2 Pedro 1:3

Pa Sinia', ka lajak'i ki iyo ni jijweye, 'yina iwints'e'm wikie'eyi siunie iyo ni asetiana, jana si'wasankiye ti t'o'n ti kasjwesiejenk'iye, siu'neje ni siunie aniwonaja ti awunitie ti jla'am. Jlampa kastant'iejayiji pet, siunie tants'e a'wena ki iyo ni jijweye, siu'neje ni iyo ti taka'manisie'n ti ijwiejiete'n japo i'nio' ti je isis, Sijwajieti Jesús Sinia' jijweye yiyi.

2 Pedro 3:11

'Yina siuti kiak jawo ti ja wikie'eyeyi ti janetiajne'n, ¿ten siupi 'es ti janiwonayi? Sinia' iyotajank'iye ka asa'm ijiatayi ka insisie jitieyi'i, ka 'wena je 'asajiap'e ni ji'niayi.

Apocalipsis 1:9

Ya'am Juank'i'm siunie askiecha, lapakawo pet siuti ani'nopijieteje ni Jesús 'yina si'wet ijwienjlajam'ne siunie Sinia' jika anechijiayas, siu'neje ti siliaye iniuk'i wita'm ti siwet'ia poyeta, 'yina majejli naka 'neje siunie sijweye pet ti ani'netiejeta pet ilia'm niwaka. Sena 'ne yi'i jlaja ajnat siujlie'e i'niat tijwajiape'n jle' iyo'ate Patmos, 'yina je 'wena paka int'emink'i naka jla'am ti awoyi yamtikie' niwak Sinia' jlamtis, siu'neje na ijiatk'i ti Jesús iyo jika'niyeja'.

Apocalipsis 13:10

“Jlampet siunapo ti tiwoki inkipijnasa', napoka ti ja t'otiek'i a'laja'm, jlampet siunapo ti sijnat tiok ja tikienaja ti ja tilianaja'n, ja ke 'wenaye paka tikienaja janakaye na sijnat jitiok.” Naka ti it'imina ti siunapo Sinia' jilis 'esiji ka ini'neti'n siu'neje ti jikiowe jant'oniti ni Sijwajieti.

Apocalipsis 14:12

Naka ti it'imina napo ti Sinia' jika kia'lis ti 'esiji ka ini'neti'n siunapo iyoyi niwa jlamtis jla'yi ti je itionit ni Jesús.

Apocalipsis 2:2

Iyo'ate wikie'eyi siunie jiwoyi, ts'ajane pi awone. A'we'en siunie akijmaye ti kiojieti, siu'neje ti akanowe jiniope siunie ti ajlak'ali ti yi'a, siu'neje ti ts'ajane pi awone ti je t'iujwam'ni pet k'iye siunapo i'nio' iyoyi ni jike', siunapo yi' aswa'm. Siu'neje na ti pajk'i ti jlejlit napoka i'nio' ijwil ka napokaye injlojwajnas jlam'ne 'wenayi, 'yina ji'we'en ti ijiate ti napokaye siunapo jlamtis je ijyiwitijits'i.