2 Pedro 1:5 - Sinia' Jlamtis 1994

⁵ Ijiatjliyi, siuti kia'iyo astankiujnieye po', 'esiji ka ani'netie'yi ape'e siunie ti janilesanayiji. Siuti kiak jawoyeyi ti ja akajlajyi ka anilesanayiji, sekjane'yi ka ajalasanie'eje ape'e naka ka intant'iejayi ni iyo ni Sinia' iyo ka woyi.

2 Pedro 1:5 ပူးပေါင်းရင်းမြစ်များ

Lucas 16:26

'Wanjliyi po' siunie tom selia'm ti je jlase' isajk'i, je i'yaka'n nakaja paka poye paka 'nak intaj'le ka ijno'wase, kia'iyojliyi pet paka poye paka nak intajli ka jnots'e.

Lucas 24:21

Atejnisiejap'antajape ka jlama ka i'manit napo Israel jika kia'lis ka injwajiete'n. 'Nakayi najapaja kiwa jlomas yamk'i.

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

1 Corintios 14:20

I'lijwas, jlampet siunie jawoyeyi ape'e niwaka, ká awoye 'ate iyo napo kia'lis ni iyo ni jlosik. Jlampet siunie je 'es, jla'm ijiate jla'am ka kiak aniwonayiji ni jlosik iyo napo kia'lis. 'Yina siunie asosik wonayi'ate napo isijlijyi'n.

Efesios 5:17

Ká awoyeyi siunie ti laj lajaye, jalasa ka ijiatayi ka intant'iejayiji siunie Sinia' iyo ka woyi.

Filipenses 1:9

Lapakawo ti awotajank'iye pet ka ijiatayiji ka asemijnaye poye, ka 'najanajyi'n, jla'yi ka 'najana asosiki. Nak it'imina ki iyo ni 'yejlaye awone.

Filipenses 2:12

I'lijwas, ti asa'am ti yimijna'ase'm, siuti je atal aska kiowe'e ka pajape ka je ak'iuyek'i'm, 'nakayi ti je a'yasap kajeyepa ti toj'wase, 'esiji ka ijiatayi ka ak'iuyek'i'm siu'nie ajlo'wase'm ka awoyeyi. 'Esiji ka ijiatayiji siunie astankiujnieye ti ijioyi ni askamankiye, jla'yi ti ja ajoskiyeyi ni Sinia', 'esiji ka je injweyeyi ti jla'am.

Filipenses 4:8

'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

Colosenses 1:9

Ta'a ti awoki naka ti ajieye'ase'ni, je aleki ti 'ajlanaja'ni ti ajwelaja ni Sinia', 'nakayi ti jan'we'nase'm wikie'eyi siuniwa asosik iyo ka 'najane, siu'neje niwa iyo ka intant'ieje, sekjane'yi ka intant'iejayijijna'a siunie Sinia' iyo.

Colosenses 2:3

Kajeyepa siunie iyo ni i'nio' ti 'yije'en, siu'neje ti 'yijen jlosiki, yiyi pi Sijwajieti.

Hebreos 11:6

'Yina awo'ate ti siunie i'nio' jikakiujnieye po' nak je 'yakajli pet ka ijnonit pa Sinia'. Kajeyepa ti siuti jawo ka ijnoyi pa Sinia', je 'esiji ka inkakiuni ti ijiate pi Sinia' ti po', siu'neje ti je 'wena paka intajle siunie 'es ti iwijna'm siunapo ti iyojonk'iye ka'we'en.

Hebreos 12:15

Ni'notatayiji 'nakayi ti ja lajak'ipa ka inleyi siunie jikap'ijliuskiye ti Sinia' pajk'i ti iwijna'm. 'Yina jawoyena'a 'ate siojona a'la' ti jijwetisi'l pa'a, sekyi'i ikajyi'n niwa ijia siu'neje ti iliajne'n.

Hebreos 6:11

'Yina awotajan pet k'iye ka injwanjliyek'i'ni, ká aleyeyi ka niwa'asitiejyi'n siunie jiwoyeyi ti janikajanitieyi paj ka awayeyinie'e ni jlaj yi'i, 'nakayi ti ja wakajla siunie iyo ni asnejejwiye.

1 Pedro 3:7

Jlampet ti asa'am ti ayijniests'ase'm, 'najanitie ilia'm siunapo asjwa'yis, jla'yi kawoye lajaye, 'yina ti jla'am ti je t'o'n. Siu'neje jana ji'wajietayis ti Sinia' ijwijla'm je t'an pijia'm, kasjnojlits'i siunie iyo pit jana tijwela'ase'm janaka as'wasankiye. Sek jane'yi ka lajak'ina'a pet paka inalk'a k'iye siuniwa asts'ajlayejes.

2 Pedro 1:10

Ijiatjliyi 'napo i'lijwas, ti asa'am ti Sinia' ta'nase jla'yi ti isi'mase, 'esiji ka katatayi niwaka, lesanayiji. Siuti kiak jawoyeyi, je pajna'a ka leyeyi ti janoyik'i ni Sinia' ji'niayi.

2 Pedro 1:11

Sekjane'yi ka ijiatayijna'a ka 'ajla ask'ioye yi'i ni Saka'niona Jesús ti Sijwajieti, ti iyo anechiyasa', ti laj jlaja ti iyo anechiyasa'.

2 Pedro 3:14

Ijiatjliyi, napo i'lijwas, siuti niwaka ti jinijijwiyejyin k'iye, jwajla'a paka woyeyi ni'netie, 'nakayeyijna'a ti jan'wena ti ijiate ti jikamaja ti jlam ti it'imina ti kia'iyoyi, ka lajak'ina'a paka intajlat'a'm ka je 'esie, 'yina ti insisie.

2 Pedro 3:18

Ja 'wenajliyi ti asa'am ja ijiatayi ti ja intant'iejayi ni Saka'niona Jesús ti Sijwajieti, siunie jikap'ijliuskiye janoye'ase'm 'nakayi ti jakinieyi siunie 'es ti jawoyeyi. ¡'Esiji ka jlam kiajatajak'i siunie ti tena'a ti ijnonitieyi jajnok'i'ni! Amén.