2 Pedro 1:12 - Sinia' Jlamtis 1994

¹² Jak je iyoyiji ka liyi ti ekiajle'e ni ask'ioye ka je inkiwaliyeyi'i, ijiate 'najanayetaja siunie 'eyasanayijpe ni siunie i'netieyi pijia'm.

2 Pedro 1:12 ပူးပေါင်းရင်းမြစ်များ

Hechos 16:5

Jlam ini'netjliyists'i ape'e siupa jitienkiujnieyejes ti 'es ti iyoyisi, jak je iyoyiji ka je 'lojwa papo i'nio' ti iyoyi pa inamtik, jlomas ti iyomeje'ni.

Filipenses 3:1

'Nakayi japo i'lijwas, ké inkiwaliyeyi'ipe pi Saka'niona, 'esiji ka anikanitiets'i wita'm. Ya'am je sik'ijliayi ti ekiajle'e'ni ask'ioye siu'niwa yamtis ti ajlo'wase'ni, 'yina ti niwaka ti ja insisieyi, ti awo'ate:

Colosenses 1:5

Siunie astankiujnieye siu'neje ni asemijnaye tajle naka ni asnejejwiye ti jik'iuyeyeyijpe, niwaka Sinia' jlamtis ti je tak'emisie'n naka ni jika'niye ti 'es. Sek taj'leyi ti asnejejwiye po' ilia'm naka siunie pajk'i ti Sinia' itiejiete'n ask'ioye ts'iji poliyi.

Colosenses 2:7

Woyeyi asjwetisila' ti jla'am, as'wasankiye japoye siuti jleye'yi ape'e. 'Yina nit'onitieyi pijia'm siunie astankiujnieye ti 'es, iyo'ate ti 'nelanjie'e 'neyasanayi. Ke esitie'yi ilia'm siunie jiwoyeyi ti asnikanitieyi jiwenayi'ni.

1 Timoteo 4:6

Siuti kiak jawo ja 'eyasane papo si'lijwas niwaka, ja ama' siunie Sijwajieti Jesús jikawo'wa'm ti 'es. Jawoyi ajosik jlaka niwak inamtis ti tajle ni je akakiunieje, siu'neje ni inka'neyasajnaye siunie 'es ti impaja ti jleki, 'yina jleyeyeyi 'nijiye.

2 Timoteo 1:6

Siuti kia'iyo, 'esiji ka je ekiajle isia'm naka siunie Sinia' iyo a'wajieta' jakayi ti siojokia jloma ti isioye e'n atepe'e ti 'a'l atepe'e.

Hebreos 10:32

Astaj kiam kiu' wunitiets'i, siukiwa jlomas yam'niji ti k'iejli yiye'asepi siunie jloma ti tajle ni Sinia', 'yina 'wanjliyijpe ti yi'ase ni siunie inkajejlasaye 'yina jikima'yi ilia'm ti jinilanayiji'n.

Hebreos 13:9

Nit'onitiek'iye siuniwa inka'neyasajnayejes ka ne'yi pa siunie 'wenayiji ka pakaye ka intonajyi'n. Nak sitiliataja pet ka je akinieyi siuniwa jikeyis iyone napo i'nio' ape'e ni siuniwa inkas, 'yina siuniwa asosikis jawoyi jijweyeja' pet naka siunie Sinia' jikap'ijliuskiye iyo, kajeyepa ti siunapo i'nio' yame pet niwa ajwel'ni, je iniuyeje.

1 Pedro 5:10

'Yina ja ke ijiatayi ka je inek 'nijiye, je itioyi'i siu'nie yi'ase ti jinilayitieyi, Sinia' janwe'nase'm siunie as'nayi ti 'es, janwe'nase'm ni asjweye ti ink'ie', jla'yi ti ja ke tikiwita'asemna'a. 'Yina ti jla'am wuj ti 'nama'ase jla'am ti ta'nase ka ayejyi pit ni iyo ni jijweye, ti laj jlaja ti jleyejiap pi Sijwajieti Jesús.

1 Pedro 5:12

Isiecha 'ni iniuyijk'i'm ti 'eti' siu'nie imp'esinik ti je itioyi'i siu'nie awoyi, 'naka Silvano. A'we'en ti ijiate wek jla'am ni iyo. Awotajank'iye ka 'yijijie'nase'm wikie'eyi siuniwa yiji 'ni ip'isinik ka ikajanitk'i ask'ioye siunie ti Sinia' wuj ti imp'elisina'. Kia'iyo, ká aleyeyi siunie jiniwonayi ti jleyejyi siunie jlemijnaye ni Sinia'.

2 Pedro 1:13

'Yina ts'ajane pi awone ti ja ke pajayi wata'a ja sinitia'n, iyonk'i ja Saka'niona Jesús ti Sijwajieti ti ijwilk'i'm. 'Yina ti si'wasanjli kiu', naka isimet ti jayoyi ka 'yiyasanajyi'n ka je inkiwaliyeyi'i siu'niwa ajwe'el.

2 Pedro 1:15

'Yina ja 'yakatate jak je iyoyi, 'wanjliyijna'ape ka sinitia'n, ja ke inkiwaliyeyi'i niwaka.

2 Pedro 3:1

I'lijwas ti yimijna', 'nak timesieyiji ti ip'isinik atajiet'ase'ni. Siu'nie ip'isinik, siu'neje ki anajnat ti ajlo'ase, je k'iejliyi pi jikiechaye ka iyo'nase naka ti awokta pet asosikie' ka ijiatayi ti jajnajyi ni astankiujnieye.

2 Pedro 3:17

Jak je iyo, napo i'lijwas ti yimijna'yase'm, asa'am ti 'najanayi ta'a niwaka, nilesanayiji 'nakayijna'a siunapo i'nio' je isis ja ke ink'emijieta, jla'yi ti ja ke akiniek'isia'm ti iniuyets'i ni Saka'niona 'niayi.

1 Jn 2:21

Ti i'lij atate'ase, je ajwe'el ka je 'najanayi. Intant'iejayi siunie ijiatk'i. Je int'ayeyiji'n siuniwa wask'i'nelaja je ijiatk'iji'n, je tajle siunie ijiatk'i.

2 Juan 1:2

Siunie it'imina ti emina ka lajak'i naka siunie ijiatk'i ti yisajap jla'yi ti jlam kiajatajak'i'ni ti janesajap.

Judas 1:17

Siupet ti asa'am, i'lijwas ti yimijna'yase'm, siunie iyot'iyipi papok Saka'niona Jesús ti Sijwajieti jijliujwajnas, nak ti ataj ja enayijpe 'ate, siunie ti iyo'ate,

Judas 1:3

I'lijwas ti yimijna'ase'm, je jlase' ni awo ti siwa'asitieyi'ni ti awo ka ip'isinik itiejiet'ase ka ijwil pet ask'ioye siujlie'e sijwajieti ti lajk'ipa ka lajayijap ti yits'e. Ijiatjliyi 'nakayi alesane kajeyepa 'es ka kia'inwoyi, ti wuj ti anip'elisi'niase ka ijiatayiji pet ka anilana'yi ape'e siunie intankiujnieye ti 'es, siunie ti etiet'ipi wek na Sinia' ti iwijna'm napo jilis sekatajak'i.

Judas 1:5

Pajatak'i ti 'najanayi siu'nie, 'yina ti awo'ate ka je inkiwaliyeyi'i pet. Ijiatataja ti paka Saka'niona ti yame ti tajlajaja'm japa Egipto ti ijwiejiete'n papo Israel jika kia'lis, 'yina ti jikakiujnieye po' papo i'niot'ipi, pak it'imint'iyijpe ti Sinia' itij'we ti iliajne'n papoka.