2 Pedro 1:10 - Sinia' Jlamtis 1994

¹⁰ Ijiatjliyi 'napo i'lijwas, ti asa'am ti Sinia' ta'nase jla'yi ti isi'mase, 'esiji ka katatayi niwaka, lesanayiji. Siuti kiak jawoyeyi, je pajna'a ka leyeyi ti janoyik'i ni Sinia' ji'niayi.

2 Pedro 1:10 ပူးပေါင်းရင်းမြစ်များ

Mateo 22:14

Jesús yine ape'e ti iyo'ate: —Ijiate, 'lojwata napo i'nio' Sinia' tantajats'i ka ijnoyi ni jika anechijiayas, 'yina je 'loj siunapo ijiate ti 'yuyi.

Romanos 11:29

Je'ne ka je 'nakaja siunie Sinia' iyoyi. Siunapo iyo ka inki'mik'i napok isima'ak'i, siu'neje napo iyo ka inoyeje napok iniuyeyeje'eje.

2 Timoteo 2:19

'Yina jlam'ne siunie Sinia' 'yite'e ape'e siunie ilisane je k'ajts'e; siuniwa inamtis yi' ape'e iyo'ate, “Saka'niona itiant'ieje siunapo jika kia'lis”, siu'neje ti, “Wikie'eyi siunapo yite'n ni Saka'niona, 'esiji ka inleyi ni siunie je 'es”.

Hebreos 6:11

'Yina awotajan pet k'iye ka injwanjliyek'i'ni, ká aleyeyi ka niwa'asitiejyi'n siunie jiwoyeyi ti janikajanitieyi paj ka awayeyinie'e ni jlaj yi'i, 'nakayi ti ja wakajla siunie iyo ni asnejejwiye.

Hebreos 6:19

Siu'nie sinijijwiye, 'naka ti 'yit pijia'm niwa sosikis, 'yina je tikiwitajayi. Iyoye 'ate siojona kasejkana ti po' siojona tejeye pet ti yajapajne'n 'yina janaka ti 'yit pijia'm ti titietajatajaja'm ni i'niat. Siunie sinijijwiye enaja naka ni Jesús, jla'am ti tojmap ts'iji ji'wechaja siupa tip'onajaja'm siojopa 'najla 'wet yi' poliyi. Jla'am ti iyo si'niayija' 'nakayi, kajeyepa jla'am ti pa'yijis jika anechiyas wuj ti ja ke paja kant'eki, iyot'iyipi pak Melquisedec t'ipi.

Santiago 2:10

Siunie i'nio' itij'we niwaka Sinia' jlamtis ti iyoyi, 'yina ijwienjliye siunie inia'yi kawoyi, ja ke ijwe'el ka laja jitisa'. Jitis po', 'wanjliyi ka injwanjli. 'Yina jitis poyeyi ilia'm wikie'eyi niwa Sinia' jlamtis, ti 'yijientats'e'm ka iyoki.

1 Pedro 1:5

'Yina ti je jikakiuye ni Sinia', nak insisieyi, it'imina ti ji'yakana ni asjwajieti, kajeyepa ti iyoye asp'ota 'neje ni jijweye. Janak asjwajieti ti pajk'i ti iwiakajlanit ask'ioye siunie ti je ijiat ka je inkajanit ts'iji siuniwa jlomas tom jlaja.

2 Pedro 1:3

Pa Sinia', ka lajak'i ki iyo ni jijweye, 'yina iwints'e'm wikie'eyi siunie iyo ni asetiana, jana si'wasankiye ti t'o'n ti kasjwesiejenk'iye, siu'neje ni siunie aniwonaja ti awunitie ti jla'am. Jlampa kastant'iejayiji pet, siunie tants'e a'wena ki iyo ni jijweye, siu'neje ni iyo ti taka'manisie'n ti ijwiejiete'n japo i'nio' ti je isis, Sijwajieti Jesús Sinia' jijweye yiyi.

2 Pedro 1:5

Ijiatjliyi, siuti kia'iyo astankiujnieye po', 'esiji ka ani'netie'yi ape'e siunie ti janilesanayiji. Siuti kiak jawoyeyi ti ja akajlajyi ka anilesanayiji, sekjane'yi ka ajalasanie'eje ape'e naka ka intant'iejayi ni iyo ni Sinia' iyo ka woyi.

2 Pedro 3:14

Ijiatjliyi, napo i'lijwas, siuti niwaka ti jinijijwiyejyin k'iye, jwajla'a paka woyeyi ni'netie, 'nakayeyijna'a ti jan'wena ti ijiate ti jikamaja ti jlam ti it'imina ti kia'iyoyi, ka lajak'ina'a paka intajlat'a'm ka je 'esie, 'yina ti insisie.

2 Pedro 3:17

Jak je iyo, napo i'lijwas ti yimijna'yase'm, asa'am ti 'najanayi ta'a niwaka, nilesanayiji 'nakayijna'a siunapo i'nio' je isis ja ke ink'emijieta, jla'yi ti ja ke akiniek'isia'm ti iniuyets'i ni Saka'niona 'niayi.

Judas 1:24

¡Jayunitie pa Sinia' ti ijwienjli, Sijwajieti, jla'am ti 'yijene pi iyone kan'ye'nase'm, 'nakayi ti siunie ti je 'es ja ke inkajlajyi pet, siu'neje ti ja laja ast'ojliye, 'yina 'wenajliyijna'a pet ti jampo'ase siunie asnikanitieyi jitieyi'i ni jijweye iyo! ¡'Esiji ka siunie iyo ti 'es, siu'neje ni jiwunitieye, siu'neje ni jijweye, siu'neje ni jika anechijiayas, ja ke intajlap ti jla'am, ja titiajlataje pa Saka'niona Jesús ti Sijwajieti, siunie ti 'nelanjie'e t'ipi, siu'neje ti 'nakayi, 'yina jajnok'i'ni! Amén.

Apocalipsis 22:14

Sinia' jikap'ijliuskiye yiyi siunapo ti itime ti iliji'n niwa ji'wuye, 'nakayi ja ke tenaja'm ka intojw siuniwa jla' janak a'la' ti in'wasankiye, ja 'esiena'a k'iye ka 'noyi siuniwa jika 'wuk kiwitawa jana isi'.