2 Pedro 1:1 - Sinia' Jlamtis 1994

¹ Asampey japo i'lijwas, ya'am Simón Pedrok'i'm, Sijwajieti Jesús jikawo, jla'yi ti jijliujwanik'i'm. Atajiet'ase siu'nie ip'isinik, asa'am ti po' siunie astankiujnieye ti ijiate ti 'es jla'yi ti ijiate ti laja po', iyoye'ate pet siu'nie sitienkiujnieye ti po', ka lajak'i ki iyo pi Sinia' ti Sijwajieti Jesús, ti ijiate jla'am ti tijnajyi ni iyoyi.

2 Pedro 1:1 ပူးပေါင်းရင်းမြစ်များ

Mateo 10:2

'Niwak jleyis japok itijwa'm niwa sikioye times tom'niji injlojwajnas. Siojo inia'an jle' iyo'ate Simón, siojo tiwonaja'ni 'neje 'ate Pedro, siu'neje ja jikilia Andrés. Santiago jla'yi ja ji'yini Juan, Zebedeo jilis.

Mateo 4:18

Ti Jesús t'iskiunieje'n jikiusk'i ja i'niat jlajlik'i yiji jlaja Galilea, sek i'wi'ne siojopo ji'niayi ijwienjli. Japoka japo Simón, tiwonajat'ijyi'nijpe'eje 'ate Pedro, siu'neje ja jikilia Andrés. Jlam'ne itietisiajam'ni pa i'niat japa jika 'nijiak jit'io, ti iyo'ni.

Lucas 1:47

siunie ijiusik inka'a pet na Ijwiejieti ti Sinia'.

Lucas 11:49

“'Yina Sinia' 'yijene naka, it'imina ti iyo'ate niwa jlamtis, “Jajliuyinie'e napo ijwijlanawos, siu'neje napo ijliujwajnas, ijia papo janlajne'n, ijia 'neje papo jantayis ilia'm ti ja tak'ajaki'n.”

Juan 1:42

Andrés yameje'ni ja ji'yini ja Jesús, sekyi'i ti iyonayi 'ate: —A'am ti e' iyo'ate Simón, ti Juan jlajts'a'm. 'Yejne'n, e' jawo'ne 'ate 'nakayi Cefas.

Juan 12:26

Siuti japoye pa jankijme'n ijiap, kanamana'a ijyik'i. Siunie jayi'i, sekjane'yi pet. Siunie Inia' janteme pet siunie janoyijk'i'm.

Juan 20:21

Jesús yikiajlayi'iji ti iyo'ate: —Kamaja'. Iyo'ate siunie ti Inia' sijliu', 'yina kiak ja iyo'nase pet ti jajliuye.

Hechos 15:14

Ape'yak 'na Simón ti ijwilts'e'm ti 'nelanjie'e Sinia' ip'ilisijne'n napo i'nio' je Judíojos, ti iyoyeyi ka iwo jika kia'lisa'.

Romanos 1:1

Asampey i'lijwas, ya'am ti Pablok'i'm ti atate'ase siu'nie ip'isinik. Sinia' jla'am ti tank'i, sekyi'i ijniejietk'i'm siu'nie isijmaye ka iyo Sijwajieti Jesús jijliujwanikie' ti sitiejieta naka ka yikiji'n ka ijwi'il siunie jika'niye ti 'es.

Romanos 1:12

Jayo'ate 'nakayijna'a ka inikelaja siunie astankiujnieye ti 'es, siuti pet ti ya'am kiak iyojliyi.

Romanos 1:17

'Yina naka inka'niye, naka ti 'yakajanitk'i siunie Sinia' iyone napo i'nio' ti initiajnat ni jitis iyo, 'yina lajk'i pa jikiechaye ka intajleje ijwienjli jla'am siunie iyo ni i'nio' ti je 'yakakiu. Iyo niwa jlamtis ni Sinia' ti yi'i ni ji'wet ti iyo'ate, “Siunie ti Sinia' yiniji, ti jitienkiujnieye ti 'es ni i'nio' ti ji'niayi po', nak ji'wasankiye japoye.”

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

1 Corintios 15:9

Ya'am ti je ts'esijiyi, je awoye 'ate siunapo injlojwajnas, ijiate ti je ani'nojonit'iyi ka yi'i naka kayo injlojwanikiek'i'm, kajeyepa ti ijiate wuj ti atape ilia'm napo Sinia' jilis.

1 Corintios 9:1

Ajwel'ni lajk'ipa ka sakakiuyi siu'nie a'yi ti ya'am injlojwanikk'i'm, siu'neje ti ya'am ti a'wenpe ja Saka'niona Jesús ti ini'wenkink'i'm. Siunie a'yakane ti anoyeje ni Sinia' iyo ni jikijmaye, lajk'ipa jikiechaye ti asa'am ti jiwoye Sinia' jilisa'. 'Yina lajk'i'ne paka intomi'ni ijyik'i siu'nie awoyi ti jijliujwanikk'i'm.

2 Corintios 4:13

Po' siuniwa inamtis ti yi'i ni ji'wet ti iyo'ate, “Lapakawo ti itienkiujnieye ti it'imina ti awo yamtikie'.” 'Yina siuti sa'am kiak awoki, sitienkiujnieye po' it'imina ti awok samtikie' pet.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Gálatas 2:8

'Yina je 'wena paka injlo' ja Pedro, Sinia' jla'am ti isi'me ti iyoyi jijliujwanikie', ti ijliuyi napo Judíojos, iyoyi pet 'ate awoyi ti ajna'yi pet siunapo je Judíojos, Sinia' jla'am 'neje ti siwojwa'n jijliujwanikie'.

Efesios 3:5

Ti pajk'i Sinia' je iyo ka ti'niejenaja. Siu'nie iyo 'nakayi 'yakajanitieja'm napo jijliujwajnas, siu'neje napo jijwejlanawos napo isis, 'yina ti po' jana jikimet ti iniuyeje.

Efesios 4:11

Jla'am ti iwijnamk'i napo i'nio' ni jijweye ti iyoyi ji'wajieta'. Po' napo iwijna'm ka wo jijliujwajnasa', ijia napo iyone jijwejlanawosa', ijia napo iyone inka'niye jiwosa', ijia napo ijniejiet'e kan'yenkina napo jilis, ti 'yiyasajne'n napo i'nio'.

Efesios 4:5

Saka'niona ijwienjli, ijwienjli 'neje siunie sitienkiujnieye ti 'es, ijwienjlik'i siunie ti kasnajienaja'n.

Filipenses 1:1

Asampey, i'lijwas ti jleyejyi jlaja Filipos, asampet ti Sinia' jilists'ase'm ti jini'nopijietayi wita'm pa Sijwajieti Jesús. Ya'am Pablok'i'm, siu'neje 'ni sikiecha Timoteo, sa'am ti Sijwajieti Jesús jikawosts'e'm, sa'am sip'esinik siu'nie ti ajlok'iase, siu'neje japo i'ye'nase'm pet sekaja, siu'neje japo iniuyeje'ni pet.

Filipenses 1:29

'Yina je nakata ti Sinia' iwi'nase'm, ka je akakiuye pa Sijwajieti, siu'neje ti jinilayitieyi pi k'iejliyi ti po' pa yi'ase ape'e pi Sijwajieti.

Filipenses 3:9

siu'neje ka ijiatayiji ka ini'nopijiete wita'm ti jla'am. Je awojonk'iye'ne 'nakayi ka ijwil ka ts'esi naka Judíojos jika'neyasajnaye, jla'yi ka ijwil ka lajak'iyi paka je 'esie ka iyoyi. Najata jla'am ti awota ka ts'esi pa Sijwajieti 'nakayi ka itienkiuni, kajeyepa ti je akakiu. Kajeyepa nakata jla'am Sinia' i'yase napo i'nio' siunie ijiate ti itienkiuni pa Sijwajieti.

2 Timoteo 1:5

Je paj ka iliyi ti atankiunk'i siunie ti jiwoyi ni atankiujnieye ti 'es, siujlieja ant'e Loida jlajak tajle ti 'nelanjie'e, sekyi'i ti ijliasayi pet jla'a et Eunice, naka'ne siunie ti je sit'iayiji'n ti yi'a.

Tito 1:1

Ampey isiecha Tito, ya'am Pablok'i'm ti ip'isinik atate'a. Ya'am ti ijiate ti Sinia' jikawok'i'm, jla'yi ti Sijwajieti Jesús jijliujwanik'i'm. Sijwajieti Jesús sijliuyi napoka ti Sinia' pajk'i ti it'iajats'i, ka iyo yamtikie' k'iye napoka, 'nakayi ka intankiunisi pi Sinia', jla'yi ka intant'ieje siu'nie akinieje ti ijiatk'i.

Tito 1:4

Tito, a'm ti awo yasa'a'm, siu'nie awoki ti ijiate ti 'es. 'Esiji ka Sinia', jla'yi pa Saka'niona Jesús ti Sijwajieti imp'elisimpe, jla'yi ti ja akama.

Tito 2:13

Naka'ne ni siunie iyotaja ka iyoki ka inijijwiyejenk'iye janak jloma ti 'es ka napitiemet pi Sijwajieti Jesús, Sinia' ti wuj.

Santiago 1:1

Asampey, i'lijwas ti jlekiejyi'n ape'e 'ni ajnat, ti jiwoye 'ate siunapo i'nio' t'ipi ti je pini' Israel jika kia'lis ti tajla siupapo itijwa'm niwa sikioye times tom'niji jitise'l t'ipi. Ya'am Santiagok'i'm, ti Sinia' siu'neje pi Saka'niona Jesús ti Sijwajieti jikawok'i'm; yam ti ip'isinik siu'nie atajiet'ase.

1 Pedro 1:1

Atejwi'lase i'lijwas, asa'am ti inetianajyi'n ape'e ni ajnat, ti jiwaye'yi niwa ajnatis ti je as'wet, ti jleyejyits'i niwa ajnatis ti jayitink'i'ni: Ponto, Galacia, Capadocia, Asia, janaka 'neje jana Bitinia. Ya'am Pedrok'i'm, Sijwajieti Jesús jijliujwanik'i'm, asa'am ti atajiet'ase ni ip'isinik. Asa'am ti Sinia' pajk'i ti isi'mase'm, lapakawo ti jlam jla'am ti tajle siunie iyo'nase, jla'yi ti ilesana ti inlejayi jana jikimet ti 'es ka k'iuyeyi ti jla'am pa Sinia', jla'yi ti ka lajak'i pa Saka'niona 'woyis ti insisieyi ti ilij ki iyo niwa askeyis. 'Esiji ka Sinia' wujwa ka imp'elisina', 'nakayipe ti ja akamaja.

1 Pedro 1:7

Kajeyepa siunie astankiujnieye ti 'es iyo'ate janak wikinie maja ti 'najli ti tejlitaja, ka ti'wena ka 'esie, ni'ne ka jeye. It'imina ti ijlionayis napo jiwos. 'Yina kiak iyo'nase pet siuniwa inkajejlasaye ti ijio'wase, 'yina jla'm ijiatayi ti laja 'yaka'm ape'e janak wikinie maja ti 'najli. Siuti jatoma ilia'm, nak jant'emina ti asnikanitieyi japoye, siu'neje ti ijnonitieye ja tena'ase'm, ka inikajanittiejna'aja pi Saka'niona Jesús ti Sijwajieti.

1 Pedro 2:7

Siuti ti asa'am ti je kakiuye, janak sisaj je jwajla'anitie, kajeyepa ti ijiate ti laja po'. Jlampet siunapo ti 'yakakiuyis, sekyi'i ijiatk'i'ne pet siuniwa Inamtis t'ipi ti iyo'ate: “Siojona sisaj ti 'wukiu'ul jiwos iwit'iane, 'yaka jla'm iwo ti janakaye'eje siojona sisaj ti ijiate ti laja po', kajeyepa ti 'yit pijia'm jana 'wuk.”

1 Pedro 5:1

'Nakayi jayo jlosikie' siunapo ti i'yena napo ijia Sinia' jilis ti yi' aska kiowe'e. Siuti kia'awo iyo'ate ti jlamis, kia'iyo itiej 'wanjle'e pet, jla'yi ti a'wenaja ja Saka'niona ti Sijwajieti ki iyo ti wuj ti inilayiti. Kiak jayo iyo'ate ti jan'wenis ni jijweye pi Sijwajieti, kia'iyo ja'wi'in pi k'iejliyi ti 'es, ka 'nakajta ka netiejenie'e ni jlaj niwa jlomas.

2 Pedro 1:4

'Yina niwaka'ne ti it'imina ti po' siuniwa ijwilts'e'm ti janwents'e'm niwaka niwa ti wuj ti isis, ti ijiate ti laja po'. Siuti iwi'nase'm niwaka, sekyi'i jikajlajyi ka kiak aniwonayi 'ate iyo ni Sinia', jla'yi ti jijwayejyi siuniwa inkeyis ti wuj ti je isis yi'ne ajnat'e ti tajle ni jitienkiujnieye ni i'nio', ti itiliaja ka woyi.

Judas 1:1

Asampey i'lijwas, ya'am Judask'i'm Sijwajieti Jesús jikawok'i'm 'neje, siu'neje ti ya'am ti Santiago ji'yinik'i'm. Asa'am ti ajlo'wase 'ni ip'isinik, ti asa'am ti jlemijna'ase'm pi Sinia', siu'neje ti jla'am ti ta'nase. 'Yina asa'am 'neje ti Sijwajieti Jesús ijiat ti i'ye'nase'm.