2 Corintios 9:14 - Sinia' Jlamtis 1994

¹⁴ Jak je iyoyiji siuti jitiej wujwataja siunie Sinia' iyo'nase ti wuj ti 'nama'ase, janakaye'eje ti jitiej ja wujwa'ase pit ti ja 'najlanayi pi Sinia', siu'neje ti wuj ti ja 'nama'ase.

2 Corintios 9:14 ပူးပေါင်းရင်းမြစ်များ

Lucas 16:9

Jayo'nase 'ate, 'esiji ti jikienayi niwak jikijmatis pet ni ajnat ni je 'es, ja'nakayeyijna'a ti japoye napo asjajnajwasa', 'wanjliyijna'ape ka no'we niwa askijmatis 'ne ajnat'e, 'yina ja 'ajla ask'ioye ts'iji yi'i niwa 'wukiu'ul siuniwa je paj ka netia'n.

Romanos 1:11

Tempi it'imina pet ti awotajank'iye ka ijio'wase, kajeyepa ti awojonk'iye ka iniuye'ase'm ka wi'nase'm siunie ti je niliak tajle pit janak Sinia' jikimet, ti ja 'nakayeyipe asjweye ja poye.

2 Corintios 8:1

'Nakayi, i'lijwas, awotajank'iye pet ka 'najanayi paka awonayi siunie Sinia' iyone napo jilis yi' Macedóniaja, ti wuj ti ip'ilisijne'n.

2 Corintios 9:13

Jak je iyoyiji siuti jan'wenis siunie jiwonayi ti ijiate ti jip'elisina' ti jijliuyeyi siojona jlotie'ni wita'm k'iye, siu'neje napo ijia Sinia' jilis 'neje janwunitis pa Sinia' jla'yi ti jan'wenis ti ijiate ti jiwoyeyi siunie inka'niye ti ijwi'il pi Sijwajieti.

2 Corintios 9:15

¡Awo inikanitieyija' pi Sinia' ti jla'am ti iwints'e'm na si'wajiet ti ijiat ti wuj! ¡Ijiate ti samtis je ijniujliji!

Filipenses 1:8

Sinia' 'yijene pi iyone'ala ti awotaja ka yama'aseyi ka i'wina. 'Yina ti wuj ti emina', je lajk'i ki iyo ni jlemijnaye ni Sijwajieti Jesús ti wuj ti 'es nak tajleje.

Filipenses 2:26

Kia'iyo iyotaja ka in'wena pet, kat'ajayi ti 'yijenayi pet pi iyone ti jijieyeyi ti yi'i jakia jloma ti wuj ti je 'es'ni, kiaka'ne ti wuj ti iyoyi jitienkiujnieyeja'.

Filipenses 4:1

Jak je iyoyiji, japo i'lijwas ti yimijna'ase'm, je pi sik'iejie'e ti awotaja'ni ka i'wina, jla'yi ti asa'am ti inikanitiejeye'ase'm, asa'am siunie i'wiejiet ti ja'yakajli, yimijna'. Ká ajlasata'yi isia'm siunie jiniwonayi; ká aleyeyi ni Saka'niona.

1 Timoteo 1:14

Sip'elisi'n ti je wata'a, 'nakayi yikialk'i ka ijiatayiji ka itiej iyoma, jla'yi ni yimijnaye, iyoye 'ate pet 'nakayi 'ni yits'e ti anitajaki pi Sijwajieti Jesús.