2 Corintios 8:9 - Sinia' Jlamtis 1994

⁹ Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

2 Corintios 8:9 ပူးပေါင်းရင်းမြစ်များ

Mateo 17:27

'Yina je 'esiji ka ijwisina napok isi'm ilia'm niwa inkat'ijnieyejes, maj, jloni jase i'niat ka atataja'm ni akajnat. Siupi ja anajnat ti ja atate pijia'm, ka akiesana'a jikiwitk'i. Ja'we'en jana wikiniet'aj ti jatajle jikiwitk'i, janakayena'a ti jakat'i'n sitipe'e jajnojli. Mayijinie'e ka kat'i'n.

Mateo 20:28

'Yina kiak iyoyi ni I'nio' Jlas ti 'nes, je iyo jikawosa', 'wenajliyi jla'am ti iniwojwa'n inkawoye, jla'yi ti iwi'in jakia ji'wasankiye ti iyoyi lajaye ti ijwiejiete'n napo i'nio' ti je pini'.

Mateo 8:20

Jesús isiujlie ti iyo'ate: —Siuniwa yosis po' niwa jijwa'al, siuniwa ajwejnas jlopis po' jla'am, jlampet ni I'nio' Jlas laj ji'weta' ka ine'yi ka ininop'it ka ima'a.

Marcos 6:3

¿Awo ka 'nakajliye siu'nie in'wetis jiwo, María jlas, ji'niayi ijwienjliyi japo Santiago, Judas, siu'neje ja Simón? ¿Awo ka 'nakjli ine'yi japo jika asejnia 'ne awak'i? Nak it'imina papo i'nio' ti a'tiejajam'ni ni iyo ja Jesús ti i'nioyi.

Lucas 16:11

Siuti kia'iyo ti je lisaniji siuniwa wask'i'nelaja yi' ajnat'e ti je 'es, ¿tempa jitiej jawo'ma'm ka poye siuniwa akijmatis ti ijiate jla'am ti laj jlaja?

Lucas 2:7

'Yina ti laj ji'weta' ts'e yi'i siojopa askiujnietas jlajapa 'wet. Sekyi'i tokiet'iyijipi japa a'lentas ji'wuk, sek yi'ijin'ne pak jlas ti iniajnat. 'Yakapajlatat'iyijk'ipe pa lotakiniewa, sekyi'i ti ijiajnijyi'n japa a'lentas jlak jiwe.

Lucas 8:3

Siu'neje jlaja asejnia jle' iyo'ate Juana, i'nio' siojo jle' iyo'ate Cuza jik'iemjla, siupa Herodes jika wikiniet'awojimpe. Siu'neje jlaja i'nioki jle' iyo'ate Susana. Je japokata, po 'neje siupapo ijia asejnia ti i'yenisie pa Jesús, siu'neje japo t'eyasajnas, k'iejlit'iyijpe pa iwinisia'm.

Lucas 9:58

Jesús isiujlie ti iyo'ate: —Siuniwa yosis jijwa'l po' wek jla'am, ajwejnas kia'iyojliyi jlopis po' wek. Siunie I'nio' Jlas je kia'iyo, laj ji'wukie ka ine'yi ka ima'a, ka ininop'it.

Juan 1:10

Siunie i'nio' ti inamtik pajk'i ti yikiajlin'ni ape'e 'ni ajnat, jla'am ti it'imina ti Sinia' ilisane 'ni ajnat, 'yina kiakayetak'i lapakawo siunapo yi'i 'ni ajnat je itiant'iejesi.

Juan 1:14

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 1:17

Siunie inka'neyasajnaye ti tajle pi Moisés t'ipi ti tekiajlaja, siunie inemijnaye jla'yi ni ijiatk'i yisajap lapakawo ti naka jla'am Sijwajieti Jesús ti it'imina.

Juan 12:30

Jesús iyo'ate: —Je ti ya'am kant'emina ni siunie ina'lap ti pesieje, asa'am ti it'imina, 'yaka nak ijwi'il ni ja'nesieyi.

Juan 16:15

Wikie'eyi siuniwa yiyi ni Inia', isijmatis 'neje pet. It'imina ti kiak awo'najase ti awo'ate: siojona Sinia' jikimet ti 'es siuniwa janjwe'el ya'am ti jantalk'i, sekjane'yi ka injlasata'anie'ase pet, ka 'najanayi pet paka wonayi.

Juan 17:19

Ya'am ja si'wesi siunie janiwone, ti janilesa'n ape'e ti jlamis, ja'nakayeyijna'a ka jlamisie pet ka ini'notatisiji ti jantajlatisi siunie ijiatk'i.

Romanos 11:12

'Yina siuti kia'iyo i'nio' 'esi, naka ti po' ni t'as kiajwe napo Judíojos, siu'neje ti ikamk'iji'n jak je iyoyi siuti kiak jawoyi ti ja wikie'eyi ti janjwa', ¿tepa jawo ma ja 'esie? ¡Ajwel'ni jlajma ja ijiatayiji ti ja 'esie!

Romanos 15:3

Janiwone 'ate siunie iniwont'iyijipi pa Sijwajieti ti je iyojyi'n siupa ka 'esieyi ti jla'am, 'wenajlit'iyijpe ti jla'am ti it'imina ti 'yakajak'iyi siuniwa Sinia' jlamtis ti iyo'ate, “'Yaka'niona, siuniwa jikalakijnieye napoka i'nio' atajiejwas ti inlaki, yi' itipe'e.”

Romanos 5:8

Sinia' 'yakajanit pet ni jlemijnaye ti yints'e'm, jak je iyoyiji ti sa'am ti je atajlaje ni sake', Sijwajieti jla'am ti ininekial sitipe'e ti tiliana.

Romanos 8:32

Jlam'ne Sinia' je yints'e'm ki jlas, sekyi'i yikiajle ni jiliaye iyo ti tiliana 'nakayi ti ja kasts'isisi. 'Yina siuti kia'iyo, ¿tepa jawo ka je iwents'e'm wikie'eyi niwa wask'i'nelaja?

1 Corintios 1:4

Je paj ka iliyi ti inikanitieyi awene pi Sinia' astepe'e, siu'neje ni iyo ti wuj ti imp'elisina', ka lajak'i jla'am pi Sijwajieti Jesús.

1 Corintios 15:47

Siupi i'nio' ti 'nelanjie'ajat'ipi 'yina tajle ni ajnat, 'yina je 'wena taj'le 'neje ti tiwokieyi i'nioye. Jlampet siupa i'nio' ti tomayi pijia'm, tal poliyi pet.

2 Corintios 13:14

'Esiji ka Saka'niona Jesús ti Sijwajieti jikap'ijliuskiye, siu'neje ni Sinia' jlemijnaye, siu'neje ni iyo jana Sinia' jikimet ti 'es ti kassotk'i wita'm, ja wikie'eyeyi kane'yasap.

2 Corintios 6:10

Sijliak'ali kaslajne'n, 'yina akiniejliyi wek ti kaskask'i wita'm. Kasp'ijliusis, jlam'ne ki iyo ti je pini' napo i'nio' ti akanitieje', ajwel ki iyo niwa jlosikis. 'Yiniye ka ijiatayiji ka lajak'iyi pa ka inets'e, jlam'ne ki iyo ti po' ni yits'e.

Efesios 2:7

Naka'ne ti iyo pa Sinia' ti iyo ka'wenkina ts'iji siuniwa jlomas atayeje napo i'nio' ni jikap'ijliuskiye iyo ti wuj ti kasts'isisi pa Sijwajieti.

Efesios 3:19

siu'neje ka intant'iejayi ti ijiate ti 'yaka'm ape'e siunie ti ajwela ka kasts'ajajne'n. 'Yina ti kiak jawo, ja inkajana'a ti jampo'ase pi Sinia'.

Efesios 3:8

Ya'am ti je ts'esijiyi, 'yaka'm itipe'e siunapo ti kia'iyo je isisijiyi pet Sinia' jilis ti ajyi. 'Yina je iyojliyi pi Sinia' ti ijniejietk'i'm siu'nie awoyi, ka lajak'i ni iyo ni jikap'ijliuskiye, yam ti sats'ilkaja ti akiji napo i'nio' je Judíojos niwa Sinia' jlamtis ti ijwil ni Sijwajieti ti jikap'ijliuskiye ti ijiate ti laja po' ti laj jlaja.

Colosenses 1:24

'Nakayi ts'ajkaj'ni ti iwit'ia poye astepe'e, kajeyepa siuti kiak iyo ti iwit'ia po' ape'e napo Sinia' jilis, ti 'nak Sijwajieti t'ajwes, 'yina yamjliyi ti jajnol wita'm siunie iyot'iyipi pa Sijwajieti ti kia'iyo ti inilayiti pi jiwet'ia.

1 Timoteo 6:18

Siuti jajloye, wone'ate, “Woyeyi ninta 'es. Siunie jiwoyeyi ti jwajla'a je sitiana, nak 'yenajiap siuniwa askijmayejes ti isis ti jawoyeyi. Ke enieja'm siuniwa askijmatis, pi jane'yi pet pa jawenajia'm.”

Hebreos 1:2

'Nakayi siu'niwa jlomas yi' jlaja, jlas pak iyoyi ji'niayija' ti i'yasts'e. 'Yina je 'wena 'neje paka intajlate siuti ilisanayi 'ni ajnat siu'neje ni poli, wikie'eyi niwa wask'i'nelaja ti ti'wena, 'yina naka'ne ni siunie yikiajle ti jakimita niwak wask'i'nelaja.

Santiago 2:5

I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.

Apocalipsis 2:9

ti iyo'ate, A'we'en siunie ti ijiat ti jinilayiti siu'neje ni ap'elisieye iyo, 'yina awo'ate ti ya'am 'nakayi je imp'elisie. Ts'ajane pi awone ni siunie tiwona'a ti injwela ka je i'nes siunapo ijwil ka Judíojosa, 'yina jla'm iyoyisi; sitiejiejwa imosik jilis nak jla'm ijiate jla'am.

Apocalipsis 21:7

Siunie ti jantate isia'm niwaka ti teje'yi ilia'm naka janeyena'a jikiojyi wikie'eyi siuniwa ti jla'am ti jikijmatis. 'Yina ya'am ti ja Jiniayek'i'm, jlampet ti jla'am ja yasa'.

Apocalipsis 3:18

Tempi it'imina ti kiak awo'naja ti ajwe'la'm, ti awo'ate, Mayi siu'nie yik'i wikinie maja ti 'najli ti tajla'm ni jwat ti tilisanaja, ja 'nakayeyi ti ja ijiatak'i ti jwajla'a ja'we'en. 'Yina mayi 'neje siu'niwa lotakijnies lemi ti yik'i, 'nakayi ti japoye pa jap'one atepe'e, kajeyepa wuj ti ts'ajwej'la ti i'najleje'n. Sek jane'yi ka akieyijna'a siu'nie inkakie' yik'i, ti jatojnata'm niwa atate, sekjane'yi ka 'esieyijinie'e ka 'yen kisie'e.