2 Corintios 8:6 - Sinia' Jlamtis 1994

⁶ It'imina'ne ti kiak awonaja ja Tito ti 'ejejiena'a, “Siunie jiwone ti 'nelanjie'e, ti a'm ti jlot wita'm siojokia yine napo si'lijwas, 'yina kiak wone 'nakayi. Joyi, 'yasane japo si'lijwas, 'esiji ka wakajla'.”

2 Corintios 8:6 ပူးပေါင်းရင်းမြစ်များ

Hechos 24:17

“Siukiwa najkapis yamts'iji, wuj ti askiujni'n ti atejwits'i niwa ajnatis, 'yina pa k'iet'iyik'ipe ti apilie'eje ika ajnate ti ekiajle japo i'lijwas siojokia ijiutis wita'm japo ijia ti iyo 'wajietiye. Sekyi'i ajo 'najla'wet wujwe ti ani'notatiji k'iye pa Sinia', iyo ki Moisés jika'neyasajnaye iyo ka tiwoki, jla'yi ti ekiajle siukia a'we'en pa Sinia'. Lajatak'iyipe papo i'nioye, jla'yi ti lajk'ipa k'iejliyeyi, ti iyo ti kijlami, ti jlam pak iyots'i'ni. 'Yina jlampa iyoyep'ampe 'ate siojopo Judíojos tal Ásiaja si'wenis'ne ti a 'najla'wete. Japoka'ne siojopo ti 'esiji'ne ti nam'ni ka injwelis siupa itiajlatisk'i'm ti tejeyis ijyilia'm.

Romanos 15:25

Siu'nie ti jayik jatiuni japo si'lijwas yi'i Jerusalenne siujlie'e ji'wajietiyis.

2 Corintios 12:18

Tito jak 'ejie'nepe ka ijno'wase ti jla'yi ja jikiecha sikiecha. ¿Ent'a Tito jak jla'm ijiate ti inlakiye t'eyi? ¿Ent'a kaskakiuk ti sa'am siu'nie sitienkiujnieye siu'neje na sikijmaye ti ijwienjlik'i?

2 Corintios 2:13

Je 'esiji jla'am ti atankiunieyi'ni ja isiecha Tito, lapakawo ti awo ka 'wi'in. Sekyi'i ti isiowe jlampa iyoyets'i'ni, 'yina anijwejlam'ne japo Sinia' jilis sek ji'wet'e, sekyi'i ti akiep'an ti ata 'niji Macedóniaja.

2 Corintios 8:10

Siukia najkap ajwayeje, asampe ti jlotie wita'm siojokia wikiniet'aj k'iye japo Judea jlele. Siuti kiak jiwoyeyi, 'yina je ka jla'm inteliajayi wek, lapakawo ti inkaja'yi ka woyeyi. 'Yenajyi'n pet siunie itienkiujnieye iyo ya'am awo'ate,

2 Corintios 8:19

'Naka 'neje 'na ti Sinia' jilis isi'me ka nam sek'i ti akinieje siujlie'e ijiut wita'm napo i'nio' ti yikiajlisi pi Sinia'. Sa'am ti aniwojwana jiwosa' naka 'nakayeyi napo Sinia' jilis ja inkasaje'n, siu'neje ti janwunit pa Saka'niona, siu'neje kan'we'en napo i'nio' siunie awonaja ti ijiate ti awoki ka iniukieje pa Sinia' iyo ni jikijmaye.

2 Corintios 8:23

Siuti japoye pa jan'yasajyi'n, ti iyojonk'iye ka 'najane paka iwone pi jikijmaye iyo ni Tito, ká ajwekie ti nak ya'yij'ni ti iniuyijk'im'ni ni isijmaye iyo ask'ioye. Siu'neje ti jan'yasayiji'n siunapo si'lijwas times ti 'yunink'i ni Tito, kia'iyojliyi jwelajia'm ti Sinia' jilis ijliu'wase, iyunitis ni Sijwajieti siunie jikijmaye ti iyoyi.

2 Corintios 8:4

Sekyi'i inip'elisints'e'ni ka yinaja 'ate ka noyesieje pet japok Sinia' jilis yi' Judéaja.

2 Corintios 9:5

'Yina nak it'imina ti awo'ate siunapo najape si'lijwas, 'esiji ka inan'ni ti jajno'wase, ti je akjli'ijyi pet ti jajio'wase, 'nakayi jantemisi ta'a siojopa jijwela' ti jajloyeyi papo Sinia' jilis 'neje, ti jlotie'ni wita'm. Jak je iyoyi siuka i'nista nakaje ja ke itieyiji'ni pa jayoyi kajeyepa ti ja wakajla. Sek jane'yi ti ja ti'wena, asama'yi asa'am ti inteliajayi ti jiwoyeyi naka, 'yina je sam'ne ka ijialaskinayi siunie jiwoyeyi.

Filipenses 4:18

Kajeyepa ti pajk'i ti yi' isiojyi siunie ti jijliuyek'i, 'yina 'etsaka 'yaka'm itipe'e janaka. Siojokia jiwenajia'm ni sikiecha Epafrodito ti jijliuyek'i, ya'am awo'ate 'etsaka ti a'yena. Nak a'yejnap siunie jini inkajk'i, ti tiwoki ji'wajieta' pa Sinia', ti wuj ti 'yakanit'ni pi Sinia'.

1 Pedro 4:10

Siuti asa'am ti Sinia' iyo jiwosa' niwaka ti iyo ji'wajietisa' napo, kijmanayiji'n pet niwaka, ja 'nakaye ti ja 'esieyi pet ni akiecha siupi Sinia' iwi'na'm pet. 'Yina ti ijwienjli je k'iejliyik'i siuniwa Sinia' yikiaj'lase injweyejes.