2 Corintios 8:5 - Sinia' Jlamtis 1994

⁵ 'Yina siunie iniwonisi ti wuj ti 'es, kassesi'lietk'i naka, ti jlamis ti 'yiniye ka ininekiajlisi pi Saka'niona ti isimk'iji'n, iniajnatis pi Sinia' sekyi'i ti sama pet, ti iyoyeyisi siunie iyo kanwoyi pi Sinia'.

2 Corintios 8:5 ပူးပေါင်းရင်းမြစ်များ

Romanos 12:1

Ijiatjliyi 'napo i'lijwas, siuti Sinia' jikap'ijliuskiye yints'e'm, wuj ti anip'elisi'niase ti jayo'ate, ká anitejna'm ni Sinia', niwone 'ate siunie ti tiwonaja ji'wajieta' ti jla'am ti tiwunie, ti i'wasanajyi'n, ti i'notata k'iye, jla'yi ti 'yakanit'ni pa Sinia' siunie jini iyo. Naka ni siunie ti jlonitieta pa Sinia' ti je niliak. 'Esiji ka je aleyi ti ja e'ne ni Sinia'.

Romanos 6:13

Ke ekiajlayi niwa 'asjwes ni siunie inke' ka 'nakayeyi ka inkiene ni siunie je 'es ka woyeyi. 'Yina jla'm ijiate jla'am siunie jawoyeyi ti janinekiajlayi ni Sinia' ti asa'am siunapo ti pajk'i ti iyo masesie' jitieyi'i ni siunie inke', 'nakayi siuti jlekiajlayi'ijyi ti in'wasanajyi'n. Ekiajlayi ni Sinia' niwa 'assienis, 'nakayi ti jantajieta pet siupa 'es ti jankijmajne'n.

1 Corintios 1:1

Asampey, i'lijwas ti as'wet jana Corinto. Ya'am Pablok'i'm jla'yi 'ni sikiecha Sóstenes, sa'am wuj ti atejwila'ase. 'Yina ya'am ti Sinia' ijniejietk'i'm pet ka kia'iyo, ti iyo jikawoyek'i'm, ti awoyi siunie iyo kawoyi, ti siwojwa'n Sijwajieti Jesús jijliujwanikiek'i'm ti atajla'm siunapo ti ijiate ti jikawose. Siupet ti paka Sinia' ti ta'nasepi pet, jla'am ti inlesana' ti jleyejiap ni Sijwajieti Jesús. 'Yina je asamkata, siu'neje napo i'nio' yi' ape'e 'ni ajnat ti kia'iyo jilis ti yite'n pa Saka'niona siu'neje ti jika'nionajas pet.

2 Corintios 4:5

Siuti awok samtikie', je sam'ne ka inijwela, 'wenajliyi jla'am ti ajwela pa Sijwajieti Jesús ti jla'am ti Saka'niona. Siuti sa'am ani'wenkina'ase'm ti akawosts'e'm, lapakawo ti yimijnaye e'ne ni Jesús.

2 Corintios 8:1

'Nakayi, i'lijwas, awotajank'iye pet ka 'najanayi paka awonayi siunie Sinia' iyone napo jilis yi' Macedóniaja, ti wuj ti ip'ilisijne'n.