2 Corintios 8:21 - Sinia' Jlamtis 1994

²¹ Tempi it'imina ti kasjwesieje'n pet k'iye ka iyoki siunie 'es jitieyi'i pa Saka'niona; je najata, jitieyi'i 'neje napo i'nio'.

2 Corintios 8:21 ပူးပေါင်းရင်းမြစ်များ

Mateo 23:5

“K'iejliyi'iji pi iyo kawoyisi je iyojonk'iye ka i'nio' je in'we'en. Ka kia'iwo ka jilisa' siuniwa its'ijwanaja'm jana jletik ti isesk'iji'n, yiji niwa Sinia' jlamtis, jla'yi puwa its'ijwanis jikio'yi. Siuniwa ji'wuye isesamk'i niwa jijwukis.

Mateo 5:16

'Yina ti asa'am 'esiji ka kiak aniwonayiji, siojona aska kates 'atanajia'm jitieyi'i napo i'nio', 'nakayeyijna'a ti jan'wena ti jiwoyeyi ni 'es. Sekjane'yi ka inwunitieyisna'a ni Asna' ti yi' poliyi.

Mateo 6:1

“Siuti jiwoyeyi siunie 'es jitieyi'i napo i'nio', ke nakaye ti janitonitieyi siunie ti jawoyejyink'iye ka in'wenaja'ni. Siuka kiak janiwonatiejenie'e, siunie Asna' ti yi' poliyi ja ke inwe'nase'm paka k'iejliyeyi ka as'wajieta'.

Romanos 12:17

Ká atayitieyi siunapo ti je 'es ni yi'nase'm. Jalasa ka woyeyi siunie 'es ti jleyeyetaja napo i'nio'.

Romanos 14:18

Jak je iyoyiji siunie i'nio' ti iyoyi niwaka, ti iniuyeje ni Sijwajieti, 'yina 'yakanit'ni ni Sinia', jak je iyoyiji pet siunapo i'nio' iyoyis pet 'ate, “Jla'm ijiate ti 'es.”

2 Corintios 2:17

'Yina je pini' napo iyo ka wikiniet'aj in'yakane, siuti yameje'n niwa Sinia' jlamtis, kajeyepa ti ijwi'il niwaka ti iyo jikijmayeja'. Jlampet ti sa'am je kiak awoki iyo jlamis, sa'am ti Sinia' ijliuyits'e'm siu'nie awoki, jla'yi ti Sijwajieti jikawosts'e'm, jak je iyoyiji ti awokieta samtikie' ti ajwela niwa Sinia' jlamtis, 'yina je k'iejliyi paka inejyi 'niwa sosikis ka je ijiatak'i jitieyi'i pi Sinia'.

2 Corintios 8:20

Kia'iyo siunie aniwonaja, 'nakayi ja ke inets'e paka inwo'ate, “Siunie iyone na Pablo jana wikiniet'aj awet'ianaja.”

2 Corintios 8:22

'Yina po'neje ni sikiecha ajloki napo si'lijwas, naka ni siunie ti ti'wena ti je paj jiwek kanleyi ti iniuyeje ni Sinia', siu'neje ti nakata 'neje wek ti 'yu'we ti iyoyi kejli kat'ajayi siuti in'wena ti ijiate wek siunie jiwoyeyi.

Filipenses 4:8

'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

1 Tesalonicenses 5:22

Ká akiejnata'ya'm ni siunie je 'es.

1 Timoteo 3:7

Janakaye siunie i'nio', ti siunapo je iyoyi ni inamtik jank'iuye kajeyepa ti jawoyis lajaye. Ja'nakayi ti ja ke tiwet'ianaja ts'iji, ni'ne ka nojwa'm jana jikatsala ni imosik.

1 Timoteo 5:14

Tempi it'imina ti awo'ate: siojona ask'ilieki ti jlosie 'wanjliji, 'esiji ka injwa'yi. Jilis japoye, ja wujwa ka ilesa'n ni ji'wet, ja'nakayeyijna'a ti ja ke tiliakik ka lajayipe 'weta ni inkajejlasaye tajle ni sitiejiejwa.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.