2 Corintios 8:17 - Sinia' Jlamtis 1994

¹⁷ Jak je iyoyiji siuti ajloyeyi ka ijno'wase its'iuk'i'm, siu'neje ti a'we'en ti jla'am ti jitienkiujnieye ti iyo ka inek lapakawo ti ijiate ti iyo ka inoye'ase'm.

2 Corintios 8:17 ပူးပေါင်းရင်းမြစ်များ

2 Corintios 12:18

Tito jak 'ejie'nepe ka ijno'wase ti jla'yi ja jikiecha sikiecha. ¿Ent'a Tito jak jla'm ijiate ti inlakiye t'eyi? ¿Ent'a kaskakiuk ti sa'am siu'nie sitienkiujnieye siu'neje na sikijmaye ti ijwienjlik'i?

2 Corintios 8:10

Siukia najkap ajwayeje, asampe ti jlotie wita'm siojokia wikiniet'aj k'iye japo Judea jlele. Siuti kiak jiwoyeyi, 'yina je ka jla'm inteliajayi wek, lapakawo ti inkaja'yi ka woyeyi. 'Yenajyi'n pet siunie itienkiujnieye iyo ya'am awo'ate,

2 Corintios 8:6

It'imina'ne ti kiak awonaja ja Tito ti 'ejejiena'a, “Siunie jiwone ti 'nelanjie'e, ti a'm ti jlot wita'm siojokia yine napo si'lijwas, 'yina kiak wone 'nakayi. Joyi, 'yasane japo si'lijwas, 'esiji ka wakajla'.”

2 Corintios 8:8

Siuti i'lij kiak awone, je awo'ate, “Ya'am aska anechiyask'i'm.” 'Yina nakata jla'am ti awotaja ka 'najanayi siunie iniwone napo 'wenayi ti je niliak, sek jane'yi ka kia' awoyeyeyinie'e pet ti ja'wenkinayi siunie asemijnaye ti ijiatk'i.

Hebreos 13:22

I'lijwas, anip'elisi'niase, 'esiji ka nilayitieyi ka kima'yi ilia'm siu'niwa yamtis ti je itioyi'i ti ajlo'wase, ti awotaja ka noye'ase'm ka woye asjweyeja'.