2 Corintios 8:12 - Sinia' Jlamtis 1994

¹² Jak je iyoyiji siuti ijiatk'i siunie jiwoyeyi siojopa jak'ieye japa jlenayi ti jlekiajle pa Sinia', 'yina janaka pet siojona i'wine'ni ilia'm. Ja ke in'yaseje'n siojona je 'we'en.

2 Corintios 8:12 ပူးပေါင်းရင်းမြစ်များ

Mateo 25:17

Kia'iyojliyi pet pak siupa tekiajlaja puwa times taléntojos, timesiek'iji pet puwa 'yakajmata ape'e.

Mateo 25:22

“'Yina 'nes'ne pet siupa times japa tekiajlaja, pak iyo'ne pet 'ate, “'Yaka'niona, timesk'i wek jakia jiwenk'impe pet. Siujlie'e ekiaj'la, timesiek'iji wek jla'a ak'iosinitiaja'm.”

Lucas 16:10

I'nio' ni ilisaniji ni siunie jwamjla'a ti je tikiwitaja ni i'nio', kiak janwone ni siunie wuj ja'notatiji. Jlampet siunie ti je 'yotatiji ni jwamjla'a ti je tikiwitataja, kiak jawone ni wuj ja ke 'notatiji.

2 Corintios 8:11

'wena ja ke awonayiji siunie jiwonayiji ti 'nelanjie'e, jlotieyi wita'm. Kiak wonayi pet ja jotiek'i'ni, paj ka enayena'a wita'm, jak'ieye siojopa ja akajlajyi ka ekiajlayi pi Sinia'.

2 Corintios 8:13

'Yina je ajwel'ne ka as'lejwas jwajla'a je insetia'n ts'ijiye siuti kiak jawoyeyi janoyeyeje napo as'lejwas, jla'yi ka awayeyi ts'ijiye ka lajak'iyi pet paka insisieyi.

2 Corintios 8:19

'Naka 'neje 'na ti Sinia' jilis isi'me ka nam sek'i ti akinieje siujlie'e ijiut wita'm napo i'nio' ti yikiajlisi pi Sinia'. Sa'am ti aniwojwana jiwosa' naka 'nakayeyi napo Sinia' jilis ja inkasaje'n, siu'neje ti janwunit pa Saka'niona, siu'neje kan'we'en napo i'nio' siunie awonaja ti ijiate ti awoki ka iniukieje pa Sinia' iyo ni jikijmaye.

2 Corintios 9:7

'Yina siuti po' ni i'nio' yine siojopa iyo 'wajieta' pa Sinia' ti yikiajle, janak janene siojona ti pajk'i ti itime ti i'winakiti pa Saka'niona; ja ke janakaye siojona jijwesiyijni ti ijwil ka nene, siu'neje ti ini'nejie'ne kawoyi. Kajeyepa siunie inka'a siojona yikiajle pa Sinia', nak kia'iyoyi Sinia' wuj ti yimi'n.

1 Pedro 4:10

Siuti asa'am ti Sinia' iyo jiwosa' niwaka ti iyo ji'wajietisa' napo, kijmanayiji'n pet niwaka, ja 'nakaye ti ja 'esieyi pet ni akiecha siupi Sinia' iwi'na'm pet. 'Yina ti ijwienjli je k'iejliyik'i siuniwa Sinia' yikiaj'lase injweyejes.