2 Corintios 7:7 - Sinia' Jlamtis 1994

⁷ Je nakata siunie ti 'nesa ka iwo sijweyeja', 'yina siuti a'wenaja ti kia'iyo ti t'otale t'o'n ti taj'lase, kiak awokieyi pet kajeyepa ti ijliasatts'e ti ts'otale t'o'n pet. Injwela ti jiwoyeyi ka kas'wena', jla'yi ti astankiujnieye jilianak'i, siu'neje ti asjlak'ali jilianak'i. Ajieyi'ne kiaka ti ijiatayi ti ts'ajkaj'ni.

2 Corintios 7:7 ပူးပေါင်းရင်းမြစ်များ

Mateo 26:75

Sekyi'i ti Pedro jiwekie'eja ti jitiej wujk'i siojo iyo ja Jesús, ti iyo'ate, “Ka majleyetajna'a ka inap ni ajwenta, ja najapajayiji ka nikakiu'ni ti jajwel ka je intant'iek'i.” Pedro sekyi'i ti yama ti tal seka'a, yap kajeyepa a'tieje pi iyo.

Mateo 5:4

“Sinia' wuj ti ip'ilisijne'n siunapo jijliak'ali po'. 'Yina Sinia' je ijiat ka je iwejna'm ni siunie jinikanitieyi.

Lucas 22:44

'Yina ti je jlase' pi iyo pi jijliak'ali, Jesús kat'ajat'iyijpe pet ti ini'net ti iyo t'ajlayeja'. Jlam'ne pa jikiuni ti yi' ajnat'e iyo'ate ni 'woyis, ti ton'ni ti isieje.]

Hechos 11:23

Wuj ti inkaj'ni ja Bernabé ti 'nesa sekaja, lapakawo ti i'wi'in ti ijiatk'i siupa iyo ti Sinia' jikap'ijliuskiye yiji jlajak isi'. Bernabé 'yakela papo ti iyo'ate: —Ká akalakijiena ti jikinieyi ki iyo ni inamtik, ke ink'asayi pijia'm.

Romanos 1:12

Jayo'ate 'nakayijna'a ka inikelaja siunie astankiujnieye ti 'es, siuti pet ti ya'am kiak iyojliyi.

1 Corintios 5:2

¡Jikiniejliyi siunie jiniwonayi ti jinitonitiejyi'n, jlam'ne ka woyeyi asjwejliye siunie jiwoyeyi ti wuj ti je 'es! ¡Siunie i'nio' ni kiak iyo ni jike', 'esiji ka jotie kisie'e!

2 Corintios 1:4

Jla'am ti inijienk'i pijia'm niwa sosikis ti potie pi siwet'ia iyo. 'Yina ka kiak iyokieyipi pet, ja 'yakajlaja ti janiukieje napo si'lijwas ti janijienak'i pijia'm niwa jlosikis, ti kia'iyo jijliak'ali po'. Jayikiajlaja siunie iyonts'e ti iniuyits'e'm.

2 Corintios 2:9

Pajk'ipe ta'a ti kiak awo'nase, ti ajlo'wasepi ki ip'isinik, ti ajejlita ka woyeyi siunie 'eyasanayi ka woyeyi.

2 Corintios 5:2

'Yina ka jla'm iwo wata'a, siuti je 'ekijliyi ape'e 'ni ajnat wuj ti sijliak'ali po', ka iyojliyi'ijyi ka ta'aja ka ijliasaja niwaka si'wuki'l ti yi' poliyi.

2 Corintios 7:6

Ma jejli pet ni Sinia', ti t'otale it'iunit siunapo ti kia'iyoyi ti je ijwijyi'n, 'yina kasnejienk'i pijia'm ti iyo pet jijweyeja' ni Tito ti ijioyetats'e ti iyo sijweyeja'.

2 Corintios 7:8

Ijiatat'itiejepe wek siukia ip'isinik ti ajlo'wase ti je inkasanitiejyi'n, 'nakayi je pa awoyeyi ijliak'aliye ka itiej yini'ni 'ate. 'Wanjliyi ka iyoyi ijliak'aliye ti 'nelanjie'e, lapakawo ti ts'ajane ta'a pa awone ti ja ke intoyi'i siu'nie iyo ti je inkasajyi'n,

2 Corintios 8:16

Inikanitieyi ekiajle pa Sinia', ti yijni ni Tito jlosik ti wuj ti in'yenajyi'n, iyo'ate awo siu'nie yik'i.

Filipenses 1:20

Iyoye'ate siunie yik'i ti po' siu'nie ak'iukink'iye, naka ti ja lajak'ipa ka ts'ajwel ape'e ka k'iejliyeyi paka je 'esie ka iyoyi ka ini'najwelanit'ni. 'Yina awotajank'iye ka ijiatayiji ka ini'net'i ka iyoyi niwa Sinia' jlamtis, 'nakayi ka 'yakajanit pa Sijwajieti ki iyo ti jijweye po', siu'niwa jlomas siu'neje niwa jlomas atayeje, 'wanjliyi ti kiak jayo ja sinitia'n, ni'ne ka si'wasa'n.

Colosenses 2:5

'Yina 'wanjliyi ti je ayeta'asap ti ya'am ti i'niok'i'm, lapakawo ti isiowe yi'asap. Ts'ajkaj'ni ti ajie'yase ti jiwoyeyi siunie jota tiwoki ti 'es, siu'neje ti 'yaka ti jitienkiujnieye pi Sijwajieti ti je kakiuye.

1 Tesalonicenses 3:6

'Nakayi Timoteo 'nes ti nak tajli, saka'niye po' ti lajk'ipa ka woyeyi ni jleye'yi pet, je liyeyi ni jiwoyeyi ti jitienkiunieyi pi Saka'niona, jla'yi ki iyo ni asemijnaye ti je t'ikijieta. Ijwilts'e ti asa'am wuj ti jitienkiuniets'i'ni, jla'yi ti jiwoyeyi ka kas'we'en pet, iyo'ate awoki ti awokink'iye ka i'wina pet.

1 Tesalonicenses 3:8

Kat'ajayi ti ijwilats'e'm ti wuj ti jini'netieyi pa Sinia', sekyi'i ti wuj ti kasts'akase'n.

Hebreos 2:1

Tempi it'imina ti je 'esiji ka jla'm iliakiki'i jiwek siunie ti ajwela ka 'yena, siunie ti pajk'i ti ape'yak, 'nakayi ti 'wena ja ke 'yasapa'a siunie si'niayi.

Santiago 5:17

Siupa injwejlanik jiwo Elías kia'iyo i'nio' iyo'ate awoki. 'Yina ti inipejlanit'i ape'e ti iyo t'ajlayeja' ka laja pejlaye. Ijiatjliyi najkapis najape ijwienjli 'neje japa yisitaja'm ti laj pejlaye.

2 Juan 1:4

Wuj ti ts'ajkaj'ni ti ajieye'ase ti po' siunapo ti je tajli siunie ijiatk'i, iyo ni Sinia' ti iyotaja ka iyoki.

Judas 1:3

I'lijwas ti yimijna'ase'm, je jlase' ni awo ti siwa'asitieyi'ni ti awo ka ip'isinik itiejiet'ase ka ijwil pet ask'ioye siujlie'e sijwajieti ti lajk'ipa ka lajayijap ti yits'e. Ijiatjliyi 'nakayi alesane kajeyepa 'es ka kia'inwoyi, ti wuj ti anip'elisi'niase ka ijiatayiji pet ka anilana'yi ape'e siunie intankiujnieye ti 'es, siunie ti etiet'ipi wek na Sinia' ti iwijna'm napo jilis sekatajak'i.