2 Corintios 7:2 - Sinia' Jlamtis 1994

² ¡Woye si'wetaje ni askiowe! 'Yina ti lajk'ipa ka sitis ineyi ilia'm, jla'yi ti lajk'ipa ka ikajyina, jla'yi ti lajk'ipa ka ik'emijieta.

2 Corintios 7:2 ပူးပေါင်းရင်းမြစ်များ

Mateo 10:14

Siuti ja ke inki'm aselia'm, jla'yi ti ja ke ink'iu'wase'm siunie jijwela', ja atajlayeyijpe japak 'wuk, ni'ne ka isiye, sekjane'yi ka patajieyits'ipe niwa asatis.

Mateo 10:40

“Siunie isi'm aselia'm, ijiate lapakawo ti ya'am ti isi'm ijyilia'm. Jlampet siunie i'nio' ti isi'm ijyilia'm, kia'iyo lapakawo ti isi'm ilia'm siunie i'nio' sijliu'.

Lucas 10:8

Jawayeyipi siupa isi' jloyeyi, siupapo janki'm aselia'm, ja k'iejliyeyipe pa janwe'nase'm kima'yi ilia'm, ka towayepe.

Hechos 20:33

'Najanayi ti je sijwesiejejyi'n paka k'iejliyeyi siupa ti asetia'n, isiowe je yi'i jana wikiniet'aj, siu'neje niwa lotakijnies, ji'wuye paka ne'yi paka isiechaye.

Romanos 16:18

'Yina je iniuyeje ni Saka'niona Sijwajieti, nakata jla'am siuniwa ti jla'am ti itiliajasi ka woyisi. Siuniwa jlamtis je a'tisk'iji'n, jla'yi ti inkasi, ik'emijietk'i siunapo ti je itijnisis ilia'm, ti je 'yijen jwajla'aja.

2 Corintios 1:12

Po' ni siunie iyo sinikanitieyeja'. Jlajmiliet siuti awak aska kiowe'e, lajk'ipa ka sikioweja ka je 'esie ka ininekiajlaja, siu'neje ti lajk'ipa ka ijiatayiji ka into'm isiame. 'Yina siuti kia'iyo, je tajle siunie iyo ti kasts'ajajne'n, 'wenajliyi jla'am pa Sinia' ti jikap'ijliuskiye po' ti iniuyits'e'm, paka ti tajle, it'imina ti kasts'isis ti awak'i ape'e 'ni ajnat.

2 Corintios 11:16

Ekiajlayi'i ti ajwe'lase'm ti awo'ate: Ká ajwela ka jlam yamti'ni jiwekie'e ka iyo'ate siunie jitiej je 'es. 'Yina siuti sena'yi ka kia'iyo, jakajliete sena'yate ka yamti'yase'm 'nakayi ti jwamjla'a pet ti janiwunit.

2 Corintios 11:9

Siuti a'yi aska kiowe'e ti lajatak'ipa ka'wi'in, 'yina je asam'ne ka i'winakitie'ni ka k'iejliyeyi japaka 'yasane, jla'm ijiatayi wek jla'am siunapo yi' Macedóniaja ti po' siojokia atajlajaje jakiaka'ne ti ts'esi. 'Yina awotajank'iye ka je iliki siunie aniwonaja ti je a'wenakitie'ni.

2 Corintios 4:2

'Yina je awoki siuniwa wask'i'nelaja ti taka'ajwejlasajne'n, siuniwa tijwekie ti je isis, ti je niwaka Sinia' jlamtis kanjwe'el. 'Wenajliyi jla'am siunie awoki samtikie', naka ni siunie ti ijiatk'i, je ajwekie. Jak je iyoyiji napo i'nio' jla'yi pa Sinia' jan'we'en ti ijiate ti je awok'iate siunapo i'nio' jiniliaja ti lajk'iyi paka iwoyisi, 'yina sa'm ijiatayi wek sa'am.

Filipenses 2:29

Siuka 'nesta'ase, kimanie'e ilia'm nikanitieyi ilia'm. Ataj enayijpe 'ate ti jlam ti sikiecha, kasjwanjliyik'i siunie ti ak'iukie pa Sijwajieti. Siupa ti po' pa ti kia'iyo, 'esiji ka 'esie ka 'yena'yi ilia'm.

Colosenses 4:10

Aristarco, siu'nie iliaye iniuyi wita'm ti awaki jla'a insat jiwe, itijwi'lase pit. Marcos kia'iyojliyi, siojo Bernabé jikilia jlas. 'Yina je int'ayeyiji'n siunie awotaja ka wonayi ni sikiecha, siuti kiak jawo ti jajno'wase 'esiji ka 'yena'yi ilia'm.

1 Tesalonicenses 2:10

Asa'am ti Sinia' jilists'ase'm ji'wena siunie aniwonaja ti awak aska kiowe'e, ti lajk'ipa ka k'iejliyeyi ka je 'esie ka iyoki ka i'winki'nase'm. Sinia' kia'iyo 'yijene pi iyone naka. Lapakawo ti anilesanaja jla'yi ti je aleki ti awoki naka ti ijiate ti 'es jla'am ka iyoki, jak je iyoyiji ti je yits'e paka injwel ka sitis poye.

Filemón 1:12

'Nakayi ajlo'wa. 'Esiji ka wujwa ka 'ye'n ilia'm, ataj ena 'ate ka yama, ti jla'am.

Filemón 1:17

Siuti ja ijiatayiji siunie jiwo ti jiwo akiechayek'i'm ti kasjwanjliyik'i ti akinieje ki iyo ni Saka'niona, ki'm ilia'm. Ataj ena 'ate ka yama ka ijio'wa, ti 'es ti ji'ye'n ijyilia'm, kiak wone.

2 Juan 1:10

Siuti po'o ni i'nio' ijio'wase ti je yiyiji ka inamtiyi nak inamtik ti 'es, ká a'yena'yi ilia'm, ká atejwilayi.