2 Corintios 7:15 - Sinia' Jlamtis 1994

¹⁵ 'Nakayi Tito je jlase' ni iyo ti 'nama'ase, kajeyepa ti itienkiunk'i ti jik'iuyeyi siupi iyo ka woyi, siu'neje ti jikima'yi ilia'm. Je jikama'yi ape'e, 'wenajliyi jla'm ti je injweyeyi.

2 Corintios 7:15 ပူးပေါင်းရင်းမြစ်များ

Juan 16:21

'Yejne'n, siojona i'nioki ti jlas janejyi'n, je ijwiyeyiji'ni, 'yaka inilat yiyi siojopa jloma ti janejyi'n pi jlas. Siuti yiyetaja'n paja'nine ti yi' kisie'e pi kia'le, je jlase' ni iyo isiwaliyeyi'i'ni siupi ji'wok iyo 'yaka inka'a pi jlas ti k'iejli yi'i 'ni ajnat.

Hechos 16:29

'Nayiwo jla'm iyoye'ni 'ate, ti takajliunijyin'ni jakia kates. T'osiyeyi ja yi'i japo Pablo, kititiyeyi'ni lapakawo ti jnots'ijni, yiyi ti t'opiyeyi kiajwe.

1 Corintios 2:3

Ka kia'iwopi ka je jlasiye paka ijwiyeja' ka poye jakayik'i, jlam sikititieyi'ni astayi'i ti je sijwejyi.

2 Corintios 2:9

Pajk'ipe ta'a ti kiak awo'nase, ti ajlo'wasepi ki ip'isinik, ti ajejlita ka woyeyi siunie 'eyasanayi ka woyeyi.

2 Corintios 6:12

'Yaka pet ti as'wet po' yi'i 'niwa sosikis, 'yina jlampet ti asa'am je woye si'weta yi'i niwa asosikis.

Efesios 6:5

Asampet ti inkawosts'ase'm, 'esiji ka k'iuyeyi napo aska anechiyasas siunapo yi'ne ajnat'e, siuti po' pa ijliuye'ase'm ka woyeyi 'yina k'iuyeyi. Ká awone 'ate ti i'nio' jiniliakta pa ti jikijmape'n, je 'es ti ja ke ijnots'ina, jwane'e pet ni asosik ti 'es ti janilesaniji k'iye. Ataj ja enayi 'ate ka jlama pi Sijwajieti ka noyeyeje.

Filipenses 1:8

Sinia' 'yijene pi iyone'ala ti awotaja ka yama'aseyi ka i'wina. 'Yina ti wuj ti emina', je lajk'i ki iyo ni jlemijnaye ni Sijwajieti Jesús ti wuj ti 'es nak tajleje.

Filipenses 2:12

I'lijwas, ti asa'am ti yimijna'ase'm, siuti je atal aska kiowe'e ka pajape ka je ak'iuyek'i'm, 'nakayi ti je a'yasap kajeyepa ti toj'wase, 'esiji ka ijiatayi ka ak'iuyek'i'm siu'nie ajlo'wase'm ka awoyeyi. 'Esiji ka ijiatayiji siunie astankiujnieye ti ijioyi ni askamankiye, jla'yi ti ja ajoskiyeyi ni Sinia', 'esiji ka je injweyeyi ti jla'am.

Colosenses 3:12

Sinia' 'nama'ase, je nakata siu'neje ti int'ayejits'i, 'nakayi ti ja asama siunapo jika kia'lis pet. Jak je iyoyiji ti jawoye as'wuye siunie askap'ijliuskiye ti ijiate ti tajla'm ni asosik ti 'es, ti ja ena'yi napo as'lejwas. Siupa isitia'n, ti japoye wenajia'm. Ká anitonitie, ke injwesisa', kamaja'.

2 Tesalonicenses 3:14

Siuti po' ni akiecha ti je its'iuyi ti je iyo lajaye siunie 'eyasanayi, siunie yi'i 'ni sip'esinik ti ajlok'iase, 'ye'en ni akiecha ni iniwoneje; siuti je inteliaja leyeyi ti jlekiets'ijin'ni ti jiwoye asa'yija. Siuti kiak jawone ja wujwana'a ti ja 'najwel jitipe'e jla'am.

1 Jn 3:17

Siuti po'o ni i'nio' jwajla i'wi'in, 'yina i'winata ni jikiecha ti p'ijliusie pet, ka pakayeyi ka inwejna'm pet siupi isitia'n. ¿Tepa janwo kanjwe'el ka Sinia' jlemijnaye nejyi ni jlosik?