2 Corintios 7:14 - Sinia' Jlamtis 1994

¹⁴ Pajk'ipe ti ajwejla'm ja Tito ti ya'am wuj ti ate'mase, 'yina i'wi'in ti jlam je awoyi. Ijiatk'i siu'nie awoyi, mejla'a ka je 'najanayi paka awonayi siunie awoyi ti ijiatk'i jla'am ni ajwe'lase'm. 'Yina kiak iyoyiyi pet siukia awonepi ja Tito, ti awone 'ate, “'Wanjliyi jlosik po' siojopo si'lijwas Corinto jlele”, 'yina 'yakaja'a ti ijiatk'i naka.

2 Corintios 7:14 ပူးပေါင်းရင်းမြစ်များ

Juan 17:19

Ya'am ja si'wesi siunie janiwone, ti janilesa'n ape'e ti jlamis, ja'nakayeyijna'a ka jlamisie pet ka ini'notatisiji ti jantajlatisi siunie ijiatk'i.

2 Corintios 10:8

Ijiatataja wek ti jwamjla'a ti anikajmat ape'e siunie awo ti anijwe'el siunie ji'lij ni Saka'niona ti yikialk'i, 'yina je ka iyoyi 'yajwejliye paka k'iejliyeyi. Lapakawo siunie jijweye ni Saka'niona iwink'i'm ja ke inetiajnatajyi'n, 'wenajliyi ti janoye'ase'm ka kinieyi siunie asosik ti 'es.

2 Corintios 12:6

Siuti kiak jayoyi ti janiwunit, 'yina je ijiuski'la kajeyepa ti jlam je awoyi siunie awoyi. 'Yina je awo ka kia'iyoyi lapakawo ti ja 'nakayeyi ti siunapo i'nio' ja ke inwunit siuniwa ti yamkata ti si'wenkinaja, janiwakatajana'a jla'am siunie awoyi, siu'neje niwa amtiyi ti i'yenis.

2 Corintios 2:13

Je 'esiji jla'am ti atankiunieyi'ni ja isiecha Tito, lapakawo ti awo ka 'wi'in. Sekyi'i ti isiowe jlampa iyoyets'i'ni, 'yina anijwejlam'ne japo Sinia' jilis sek ji'wet'e, sekyi'i ti akiep'an ti ata 'niji Macedóniaja.

2 Corintios 7:13

'Yina nak wuj ti kasts'esi kajeyepa ti iyo sijweyeja'. Jak je iyoyiji ti Tito ijioyets'e nak ijiatayiji ti kaskask'i wita'm, ti a'wena ti kia'iyo ti po' siunie jinikanitiejeye ti yiyi, tepa jawo ka kiak je iwo ti asa'am ti taj'lase naka ti yiyi ti jinijiena pijia'm ni jlosik.

2 Corintios 7:4

'Wanjliyi je sikip'ase'm siunie awoyi ti ajwe'lase'm, jla'yi ti wuj ti ate'mase pet. Ejlowek siunie sijliak'ali ti yits'e, 'yina siuti ya'am jla'm ani'netjli pet siunie inikanitiejeyi lajayi'ni ji'wetayi 'ni isiowe.

2 Corintios 7:6

Ma jejli pet ni Sinia', ti t'otale it'iunit siunapo ti kia'iyoyi ti je ijwijyi'n, 'yina kasnejienk'i pijia'm ti iyo pet jijweyeja' ni Tito ti ijioyetats'e ti iyo sijweyeja'.

2 Corintios 8:24

Nikajanitie k'iye wikie'eyi napo Sinia' jilis ti ijiate ti i'namajayi, siu'neje ka 'najane paka wonisi ti ijiatk'i siunie ti awo'ni 'ate ti ajwela', “Ijiate jlosik po' japo si'lijwas yiji jana Corinto.”

Filipenses 1:26

Jak je iyoyiji ti jayikiajle'eje ti ja ijio'wase, ka ijiatayijijna'a ni asnikanitieye ti ja enak'i'm, lapakawo ti kasjwanjliyik'i pa Sijwajieti Jesús 'ni awoki.

2 Tesalonicenses 1:4

Ti sa'am wuj ti atema'ase ni jiwoyeyi, ti awakietaja napo si'lijwas Sinia' jilis. Ajwelaja ape'e ki jiwoyeyi ti je t'ikijieta naka astankiujnieye ti 'es, jla'yi ti ka kia'iwo ka woye jlaja, ejlowek siunie tiwona'ase napo i'nio' ti teje aselia'm, jla'yi ki iyo ni aswet'ia ti poyeta.