2 Corintios 7:11 - Sinia' Jlamtis 1994

¹¹ Ijiate ti jinilayitieyi siunie asjlak'ali iyo, 'yina Sinia' nak yimink'i. ¡Ataj ene 'ate siuniwa wask'i'nelaja isis tajle naka! Inia'an siunie ti ijiate ti jikima'yi siukia awo'nase ti ip'isinik atate'ase, siu'neje ti ji'yena. Je wekie'e siunie jiwoyeyi ti jinilayitieyi, ti nak ikajanit ti je asa'am ka astesa', pak it'imina siuti kiak jiwoyeyi, siu'neje ti ine'wajayi niwaka ti inkajyina, kajeyepa ti jloskiyeyi pa Sinia', ka kia'iwo ka jwesieja pet. 'Yina yam'niji kiaka ti jiwoyeyetajank'iye ka si'wena, naka 'neje ti jini'netie ti jlotkinayi siunie jitis iyo ni i'nio' ti iyo ni je 'es, kajeyepa ti jlam je woyeyi ti jlam jla'am ti jitis. Jak je iyoyiji 'yakaja pet ti wikie'eyi niwaka, je asa'am ka intaj'lase, laj astesa', 'yina jlam ti jikimet ti siupa ti iyo ni je 'es.

2 Corintios 7:11 ပူးပေါင်းရင်းမြစ်များ

Marcos 3:5

Jesús jwesie ti i'yenaja'n papo i'nio' tijwajiape'n, 'yina je ikanit'ni siupa ti je its'iuyisie ti ijwiltaja'm. Sekyi'i iyone'ne 'ate pa i'nio': —'Akajni ni akio'. Kiak iyonayi. 'Yina yaka jla'm iwo ti 'esieyiji ti ijniejieti ti 'yitk'i pa jikio'.

Juan 2:17

Siojopo t'eyasajnas jitiej wujwayi siukia iyo kiwa inamtis t'ipi ti tip'esina ti iyo'ate, “Je jlase' ni awo ti isiowe yapili'ni jana a'wuk ti sikiwita.”

Hechos 17:16

Pablo je t'eki ts'e Aténasse, ti its'iujwink'iye ja Silas jla'yi ja Timoteo. Sekyi'i ti i'wi'in ti 'loj puwa topayis, yi'i japa isi'. Pablo wuj ti jijliak'aliye po' ti i'wi'in.

Romanos 11:20

Ijiatataja wek, 'yina 'esiji ka 'najanayi paka wonayi ni siunie it'imina ti tijwajak ilia'm siukiwa ji'wole siojona ti ijiateje ti jitisiuk naka jla'am siunie jikakiujnieye, 'yina sekyi'i ti jik'iuyeja' ji'wet'e, lapakawo ti naka jla'am ti je kakiuye, it'imina ti as'wet po'. 'Yina ká anijnonitie 'wenayi jla'am ti ja ajoskiyeyi ni Sinia'.

Romanos 14:18

Jak je iyoyiji siunie i'nio' ti iyoyi niwaka, ti iniuyeje ni Sijwajieti, 'yina 'yakanit'ni ni Sinia', jak je iyoyiji pet siunapo i'nio' iyoyis pet 'ate, “Jla'm ijiate ti 'es.”

Romanos 3:5

Ni'ne ka poye paka i'nioyi kawo'ate, “Siuti 'esiji ti awoki ni siunie je 'es ti awoki, 'yina naka ti 'yakajanit ni Sinia', ti ijiate jla'am ti tijnajyi, ¿tepa si'lij jayonaja ilia'm siukia ka kiak iwotajanie'e ti jansats'e'm? ¿Jot'e ka yok'iate, Wuj ti je 'es ni Sinia'”?

1 Corintios 12:25

Kajeyepa siuniwa sijwa'al Sinia' je iyo ka inikawo'on, 'wenajlitieje ka injwanjlik'i siunie jawoyi ka inip'elisijne'n.

1 Corintios 5:2

¡Jikiniejliyi siunie jiniwonayi ti jinitonitiejyi'n, jlam'ne ka woyeyi asjwejliye siunie jiwoyeyi ti wuj ti je 'es! ¡Siunie i'nio' ni kiak iyo ni jike', 'esiji ka jotie kisie'e!

2 Corintios 13:7

Sa'am 'ajlana'ase'ni pa Sinia', ka je awoyeyi ni siunie je 'es. Je ajwel ka sam ijiatayi ka 'esiet'iyi siukia awonajapi ti akimak'iji'n ti awak askiowe'e, 'wenajlitieje jla'am ti awoktajank'iye ka awoyeyi ni siunie 'es, ejlo'owek ti ijiate ti lajata ijwiyeja'.

2 Corintios 2:6

'Yina in'lojwa ti jiwoyeyi jitisa' siupa iyoyi, awo'ate 'etsaka ni siunie jiwonayi.

2 Corintios 6:4

Jak je iyoyiji wikie'eyi siuniwa awoki 'yina je anijwekieje ti sa'am ti Sinia' jikawosts'e'm, ti awaki' naka siwet'ia. 'Yina je kasjlak'alk'i wita'm, ni'ne ti lajk'ipa ka'wina, siu'neje ti je 'yakajata paka iyoki,

2 Corintios 7:1

I'lijwas ti yimijna'ase'm, kia'iyo siuniwa ti je niliaja ti Saka'niona ijwilts'e'm ts'ijiye. It'imina ti janisiamaki ti janilejek. Jalijik 'niwa ts'ajwes, jla'yi ki iyo niwa sikiojwa'l. 'Yina janinayeje wita'm ti janilesanaja'n jitieyi'i pi Sinia', jla'yi ti wuj ti ja ijiuskiyeje.

2 Corintios 7:7

Je nakata siunie ti 'nesa ka iwo sijweyeja', 'yina siuti a'wenaja ti kia'iyo ti t'otale t'o'n ti taj'lase, kiak awokieyi pet kajeyepa ti ijliasatts'e ti ts'otale t'o'n pet. Injwela ti jiwoyeyi ka kas'wena', jla'yi ti astankiujnieye jilianak'i, siu'neje ti asjlak'ali jilianak'i. Ajieyi'ne kiaka ti ijiatayi ti ts'ajkaj'ni.

2 Corintios 7:9

'nakayi wuj ti ts'ajkaj'ni. 'Yina je tajle siunie ti kiak awone ki ip'isinik, ti je inkasajyi'n, jla'm ijiate wek ti jlekiajlayi'i ti ji'yena siunie iyo ka woyi ni Sinia'. Naka ti it'imina ti po' ni awo, ti anikanit'ni. Ijiatat'itiejepe wek ti je inkasajyi'n, lapakawo ti wuj ti jinilayitieyi, 'yina naka ti Sinia' yimi'n, jak je iyoyiji'ni lajk'ipa ka aswet'ia ka ine selia'm.

2 Corintios 9:2

kajeyepa ti pajk'i ti sitiant'ieje siunie jiniwonayi pet, ti wuj ti jlemina' ti je jinik'iuye. Naka'ne ni siunie ti ajwejla'm japo Macedonia jlele ti awo'ate, “Ateme wat japo si'lijwas Corinto jlele yiji jlaja ajnat Acaya, ti pajk'i ta'a ti initemis, ti iyo ka inoyeje siunapo p'ijliusis ti kia'iyo Sinia' jilis pet yiji jana Judea.” Jak je iyoyi ti sipe'yayisie ti ajwela, sekyi'i kia'iyoyeyi 'lojwa pet japo kiak iniwone kajeyepa ti itiliajask'i siunie jiniwonayi ti jikimats'iji'n.

Efesios 4:26

Siuti injwesie, ká aninene 'ate, 'lojwinie'e ka intonie ni aske'; ká amita no'oti ni asjwesi,

Efesios 5:11

Ká ani'notieyi niwaka jikeyis jiniliaja napo i'nio', ti tajle ni ajnatiok, 'yina 'wenajliyi ti jakajanitie ape'e niwaka.

Filipenses 2:12

I'lijwas, ti asa'am ti yimijna'ase'm, siuti je atal aska kiowe'e ka pajape ka je ak'iuyek'i'm, 'nakayi ti je a'yasap kajeyepa ti toj'wase, 'esiji ka ijiatayi ka ak'iuyek'i'm siu'nie ajlo'wase'm ka awoyeyi. 'Esiji ka ijiatayiji siunie astankiujnieye ti ijioyi ni askamankiye, jla'yi ti ja ajoskiyeyi ni Sinia', 'esiji ka je injweyeyi ti jla'am.

1 Tesalonicenses 4:6

Wuj ti je 'esk'i naka ka kiak iwone pi jikiecha, naka siunie ajwe'el, siu'neje ni ka ink'emijiete pi jikiecha paka k'iejliyeyi. Saka'niona jla'am ti jawo lajaye niwaka wask'i'nelaja kia'iyo, iyo siunie ti pajk'i ti ajwe'lase'm ka je inkiwaliyeyi'i.

1 Timoteo 5:20

Siunapo ti jla'm ijiateje ti je iliyi ti iyoyi ni jike', napok ja ene jitieyi'i napo Sinia' jilis napo paj ti jajloye ka ileyi ti iyo siupi jike' iyone, 'nakayi ti jan'we'en napo ijia, sekjane'yi ka je injweyek'ina'a naka.

2 Timoteo 2:15

Ká ajlasat isia'm siunie jiniwone, 'nakayijna'a ti ja lajak'ipa ti jawoyi 'ajwejliye jitieyi'i ni Sinia'. 'Wenajliyi ti ja inkaja'a'm, kajeyepa ti jan'we'en ti jawoyi naka atankiujnieye ti tijnajyi ti jiwoyi niwa jlamtis ti ijiatk'i.

Tito 3:8

Awo'ate ijiatk'i kiaka. Tempi it'imina ti kia awo'naja ka ajalaskine napo i'nio', siunapo iyoyi ki inamtik, ka inkatate ka woyi siunie 'es ka inkimk'iji'n. 'Niwaka ti iniuyeje napo i'nio' 'yina ti isis.

Hebreos 4:1

It'imina ti 'esiji ka ajoskiyeyi. Ijiatataja wek ti siuniwa Sinia' jlamtis ti ijwi'il ti iyotaja pet ka 'yakanaja pak ajnat siupa yi'i ti ininop'it. Joskiyeyi 'lojwinie'e ka poye pa ka 'wanjliye kisie'e ka 'yuktajanie'e janak ajnat.

Santiago 3:17

Jlampet siunapo ti ijiate ti tal Siniayi siunie iyo ti 'yije'en, napokaye pet ti kia'iyo ti siunie inia'an ti yiyi ti 'najleje'n ni jlosik; je ti'wena ka iwoyi jijliak'aliye puwa wask'i'nelaja, 'wenajliyi ti 'yakama; siupi ijia iyo kawoyi its'iuye. Takap'ijliuskijyi'n; je ti'wena paka jikeye ka je 'esie iyom wita'm papo 'namaja, jla'yi ti je yinjlajap naka nik'emijieye; isis napo i'nio'.

1 Pedro 1:17

Siuti as'lej je jilienayi'i wat ni Sinia' ti jiwoye 'ate “Sinia'”, jlam'ne ni iyo ti i'yenta napo i'nio' ni jitis iyo, je ka in'yejnits'i siuka inteliaja paka pakaye ka imp'elisi'n, kiak ja ke iwo 'yina jajnol wita'm siunie jawoyi. Nikajanitieyi ti jajoskiyeyi wikie'eyi niwa jlomas ti jleye'yi ape'e 'ni ajnat, ti je ijiat ka as'weta.

1 Pedro 2:2

Niwonayi 'ate siunapo kia'lis ti k'iejli yik'iji'n, woyejyi'n ni t'ajka ni inkat'ios siunie ti 'esi, ajwel niwa Sinia' jlamtis, 'yina ti naka ti jantoyetiejyi'n ti ja inkijliyeyi siunie jiwoyeyi ts'ijiye ti ja'nesieyi ka ataja jana asjwajieti,

Judas 1:23

Siunapo ijioyi jana 'najlati 'wet, 'yina 'manitiejyi'n ka je ijnoyi na jwat, tonats'i kisie'e. Po'neje siunapo ijia, 'yina awo'ate p'elisina', asosikis enitiejyi'ni k'iye. 'Yina joskiyeyi siuniwa ji'wuye, kajeyepa ti yame'e ti yijits'i siunie iniwonisi.

Apocalipsis 3:19

“Awo jlosikisie' siu'neje ti isio' e'ne wikie'eyi siunapo ti ts'amaja. 'Yina siuti kia'iyo jwajla'aja pakawo, wo ajosik ink'ieye.