2 Corintios 7:10 - Sinia' Jlamtis 1994

¹⁰ Siuti tinilayitieje ti i'nio' je inkaj'ni, nak Sinia' inka'a pet, it'iminayi pet ni i'nio' ti yikiajlayi'iji ti iyo siunie Sinia' iyotaja ka woyi, sekyi'i ti nakaye pet ti tijwa'a ni i'nio'. 'Yina ja ke iyoki sijliak'aliye, kajeyepa ti ijiate jla'am ti 'es. Jlampet siunie injlak'ali ti tajle pet 'ni ajnat, ijioyiji pet jana 'najlati.

2 Corintios 7:10 ပူးပေါင်းရင်းမြစ်များ

Mateo 26:75

Sekyi'i ti Pedro jiwekie'eja ti jitiej wujk'i siojo iyo ja Jesús, ti iyo'ate, “Ka majleyetajna'a ka inap ni ajwenta, ja najapajayiji ka nikakiu'ni ti jajwel ka je intant'iek'i.” Pedro sekyi'i ti yama ti tal seka'a, yap kajeyepa a'tieje pi iyo.

Lucas 15:10

Jesús kiak t'ipa iyoyeyi'ijyi: —Jajwi'lase'm ti kia'iyoyeyi pet napo Sinia' jijliujwajnas poli jlele ti potie pa i'nio' k'iejli iyo jlosik ink'ieye.

Lucas 18:13

Kiak iyo pa Fariseo ti iyo t'ajlayeja'. Sek k'iejliyiji pet pa yiji siupa isi'm ilia'm niwa inkat'ijnieyejes, 'wenajliyi pet ti t'ot ipiaja'n ti iyo'ate, “¡Sinia' sip'elisi'n ti ya'am ti 'yake' po'!”

Hechos 11:18

Siupapo Sinia' jilis ti ipi'yaye ja Pedro ti kia'iyo, its'iuyet'iyisk'ipe 'ate, iyunitisie pa Sinia' ti iyo'ate: —¡Ijiatp'aneje ti Sinia' iyo pet ka iwo jlosikis ink'iejyisa', ka poye jana ji'wasankiye ti laj jlaja, napo je Judíojos!

Hechos 3:19

“Ji'yu, 'napo i'lijwas, woye asosikis ink'iejyisa'. Ataj ekiajlayi pi Sinia', 'nakayeyijna'a ka inetiajnat niwa askeyis, janjloyena'ase ni askamankiye ti 'es.

2 Corintios 12:21

Siu'neje ni sikiwita kayiktana'a ka ijio'wase siupi Inia' ka iwo'ate, “'Yejne'n siunie iyoyisi, ijiat ti je 'es wata'a.” 'Yina siuti kiak jawo sek jane'yi ti ja wujwa ti ja ts'ajwel'ni ti ja ts'ajwe'lase, siu'neje ti itiet t'e' jatiojnate'n k'iye napoka siunapo je t'ekiyi naka ni jloski'la ti iyoyi. Kajeyepa ti je iyoyiyi ka inleyisi naka'ni ti ti'niachiki, jla'yi ti je iliyi ti iyoyi naka ti 'yuyijk'i'ni napo ijia jwa'yis, siu'neje niwa jikeyis ti iyoyi.

2 Corintios 7:9

'nakayi wuj ti ts'ajkaj'ni. 'Yina je tajle siunie ti kiak awone ki ip'isinik, ti je inkasajyi'n, jla'm ijiate wek ti jlekiajlayi'i ti ji'yena siunie iyo ka woyi ni Sinia'. Naka ti it'imina ti po' ni awo, ti anikanit'ni. Ijiatat'itiejepe wek ti je inkasajyi'n, lapakawo ti wuj ti jinilayitieyi, 'yina naka ti Sinia' yimi'n, jak je iyoyiji'ni lajk'ipa ka aswet'ia ka ine selia'm.

Hebreos 12:17

'Yina je int'ayeyiji'n ni iyot'iyipi jlampa itimat'iyijpe, sekyi'i ti yiyet'iyipi japa jloma ti iyotaja ka inenta'a jlajap siupa jinia' jantajle, 'yina je ti'yena'ne ilia'm, lapakawo ti 'wena siupa its'iuye'e. 'Wanjliyi yapata'ni ti laj lajaye, lapakawo ti ijlie'en, 'yina je 'yijene paka wone ka iwats'ilati kajeyepa ti wakal, je 'es ka titiajlina.