2 Corintios 6:6 - Sinia' Jlamtis 1994

⁶ Siu'neje ti je anijwekieje ti awoki ni siunie 'es, siu'neje ni ti kastant'ieje niwa Sinia' jlamtis ti ijiate jla'am ti ijiatk'iji'n. Siunie ti anilayitie ilia'm napo i'nio', jla'yi ti ap'elisina, siu'neje ti yi' siwa'm janaka Sinia' jikimet ti 'es, siu'neje ni semijnaye ti ijiatk'i,

2 Corintios 6:6 ပူးပေါင်းရင်းမြစ်များ

Romanos 12:9

'Esiji ka je alakiyeyi'i wek siunie assemijnaye ti jiwoyeyi. 'Esiji ka ine'wajayi siunie je 'es. 'Oye'yi ni siunie 'es.

Romanos 15:19

siu'neje niwa ti 'yakelitk'i'ni napo i'nio' ti i'winatajas, siu'neje niwa 'yaka ti i'wi'n ilia'm puwa k'iejliyi, ti janaka jla'am siojona Sinia' jikimet ti 'es ti jijweye po'. Ti atajlap 'niji yi'i jlaja Jerusalén, ti atejwits'i niwa ji'wetis napo i'nio', paj ti ayeyi siujlieja ajnat Iliria. 'Yina atejwits'i siuniwa ajnatis ti ajoyits'i ti awo yamtikie' ti amtiyi ni Sinia' jika'niye ti ijwi'il pa Sijwajieti.

1 Corintios 12:8

Sinia' jikimet janaka ti iwijna'm ni i'nio' ka 'naja'n ji'liji; jla'yi ti janaka 'neje ti tajle siunie ti po' ni itiant'ieje siunie yiyi pi jikiecha.

1 Corintios 13:4

Siunie ti jlemijnaye po', 'wanjliyi ka poye paka k'iejliyeyi, 'yina 'yakajli ti inilayiti, jla'yi ti takap'ijliuski ni i'nio'. Je jolsijnieta, je iniwunit ni i'nio', jla'yi ti je initonit.

1 Corintios 2:16

Iyo niwa inamtis t'ipi ti iyo'ate: “¿Tempa itiant'ieje pa Sinia' jlosik? ¿Tempa janjwe'el ka 'neyasa'n?” Jlam'ne yits'e ni Sijwajieti jlosik.

1 Corintios 2:4

Siuti amtiye'asempe ti ajwe'lase'm kiwa Sinia' jlamtis, 'yina je akie'nase puwa ka yamtisa' ya'am ka sek ine'yi ka jiwekie'eja ka ikajlajyi, jeyi kat'aja. Janaka jla'am jana Sinia' jikimet 'etsaka 'neje ni jijweye ti yi' ijiap ti awo yamtikie'.

2 Corintios 1:23

Sinia' itiant'ieje ki iyo ni yiji ni ijiusik, siunie it'imina ti ja ke iniu'wase ka yikta. Awo kajeyepa ti je awo ka yikiajle'eje ka ilianki'nase ni astankiujnieye.

2 Corintios 11:11

¿Yot'iyi'ni ti i'lij kiak awone? ¿Ent'a jitijnisieje ka je yimina'? ¡Sinia' 'yijene ala ti ijiate ti emina'!

2 Corintios 11:4

'Yina je jiwoyi ka wet'ianayi ti potie siunie ijio'wase ti iyo jlamtikie' siunie Jesús ti je naka siunie Jesús ti pajk'i ti awoki samtikie'. Jla'yi ti siojona jlena'yasap je janak siojona Sinia' jikimet ti pajk'i ti yi'ase. Siu'neje ti jikima'yi ilia'm siunie inka'niye ti je naka ni siunie inka'niye ti pajk'i ti yi'ase.

2 Corintios 11:6

Ent'a ijiat'iyiji ti je ts'ajane ti amti, 'yina je kia'iyo wek ni iyo ti ts'aja'n ijiusiki. 'Yaka ijiate naka kajeyepa ti je ijwienjliyiji ka je i'winki'nasem'ni, siukia iyo ti ajwe'el.

2 Corintios 12:15

'Yina lapakawo ti ya'am ti talk'i siunie jayoyi ti jatij'we ti jawin'ni niwa isijmatis 'niwa a'we'en, lapakawo ti emina'. Paj ka kia'iwoyeyinie'e pet ti ya'am siwakal ti janitejwe'e astepe'e, 'yina naka ti ja'nesieyi. Ejlo'owek ti je seminayeta, siupet ti ya'am wuj ti awojon ask'ioye kajeyepa ti ts'ama'ase.

2 Corintios 13:10

'Yina lapakawo 'ni iyo 'ni ip'isinik ni awo'nase ti anajnat its'ioye, kajeyepa ti siuti nak jajiojwi ja ke k'iejliyeyi paka int'emina ka kiak iyo'nase ka je a'tiejak'i siupa i'lij jayone ka winta'asemna'a. 'Yina siunie Saka'niona ji'lij yikialk'i ti awoyi pet ijwiyeja', je ka intaye ka ikajyi'n paka ne'yi pa ti asa'am, 'wenajlitieje ti ka noye'ase'm ka inek siunie jiniwonayi, jiwonayi ni asosik.

2 Corintios 2:10

Siuti po' pa ti inkiwaliyeyi'i siupi jitis iyo, sekyi'i jip'elisina', 'yina siupet ti ya'am kia'awo ja sikiwali'yi'i pi jitis iyo, jla'yi ti jap'ilisi'n 'neje peyit. Ka ijiatayi ka jitis poye, awo'ate ene jitieyi'i pi Sijwajieti, ti ap'elisi'n paka, sekyi'i sikiwali'yi'i siupa jitis iyo, lapakawo ti asajme 'esie.

2 Corintios 2:4

Siukia ip'isinik ti anajnat ti atate'ase, wuj ti ijliak'ali po' jakayi, paj ti itiet t'e' atojnata'ni. 'Yina siuti kiak iyo, ti ajlo'wase ki ip'isinik ka neyi ts'iji ka kiak awoyeyi, awoye asjlak'aliye, najata jla'am ti awojonk'iye ka'wena' pet ti jlam je awoyi ti wuj ti ts'ama'ase.

2 Corintios 3:3

'Yina je istie', ti paka Sijwajieti ti 'yiti' pak imp'esinik ti ijliuyets'e'm ka itiunieje napo i'nio'. Je imp'esinik jikie' t'e' paka inkiene ti 'yiti', siojona Sinia' jikimet ti laj jlaja janak isiene. Je janaka 'neje jana sisaj ka tena'a puwa ka inamtisie', 'yina tenaja ni i'nio' jlosik.

2 Corintios 4:6

'Yina je 'wena siunie Sinia' ti iyot'ipi 'ate, “'Esiji ka nak intajla'm ni jloma ni siunie ajnatiok”, naka 'neje ti jloma yijnits'i niwa sosikis, 'nakayi ti ja jatiant'iekiejeniti ni siunie k'iejliyi ni jijweye ti ijiate ti 'es, ti jla'al itie'e ni Sijwajieti jitiokio'.

2 Corintios 7:2

¡Woye si'wetaje ni askiowe! 'Yina ti lajk'ipa ka sitis ineyi ilia'm, jla'yi ti lajk'ipa ka ikajyina, jla'yi ti lajk'ipa ka ik'emijieta.

Gálatas 3:2

Kiujliek'imna'a siuti ja'yasa aswa'am: ¿yot'iyi'nijpe ti yi'ase janak Sinia' jikimet? ¿Nakat'iyi ti jiwoyeyi niwak iyot'iyipi ni Moisés jika'neyasajnaye, ni'ne ka nakaye jla'am ti jitienkiujnieye ni Sinia' ti je kakiuye niwa jlamtis ti jipe'yaye?

Gálatas 3:5

Siuti Sinia' iwi'nase'm jana jikimet, 'yina iyoyeyi jla'am ni iyo ti i'winki'n siuniwa je ti'wena ka paja, siunapo i'nio' ti i'winata jlam jnots'inayijits'i jiwek. 'Yina je nak ka intajle siunie ti jiwoyeyi ni Moisés jika'neyasajnaye, 'wenajliyi jla'am ti jiwoyeyi siunie ti je kakiunieyi siunie jipe'yaye.

Gálatas 5:22

Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

Efesios 3:4

Jak je iyoyiji siuti ja'yena 'ni ip'isinik, ijiate ja 'nakayeyijna'a pet ja 'najanayi paka wonayi ti yam ti ts'ajane pa awone siunie ink'ie' Sinia' iyo kawoyi, pakayi ti Sijwajieti iyoyeyi pet siukia iyo.

Efesios 4:2

Ká anitonitie, ke injwesisa', nilayitie. Emina' napo as'lejwas, 'wanjliyi ka kia'iwo ka poye paka je 'esiek'i paka ine'yase, nip'elisinapi.

Efesios 4:32

Woye'ate siunapo jlosikis po', nip'elisina'. Ká atayetieyi ti k'iejliyi pi iyo'nase, iyo'ate pet pa Sinia' ti wuj ti imp'elisina, ti kia'iyo ti je iyoyi astesa' siunie jiwoyeyi, 'yina ti paka jla'am pa Sijwajieti ti insisieyi.

Colosenses 1:27

Lapakawo ti Sinia' iyotajank'iye ka 'najanisi siunie ti jla'am ti jitienkiujnieye siunie ti ijwikia'm, naka ni siunie ti ijiate ti 'es, 'nakayi siunapo i'nio' ti je Judíojos ja 'esieyi. 'Yina siunie ti ijwik ti yin kisie'e 'nakayi, naka ni siunie jayo'ate, Sijwajieti yi' aska kiowe'e, 'yina siunie Sinia' jiwunitieye ti 'es ti anejejwiyejenk'iye jane'ne asap.

Colosenses 2:3

Kajeyepa siunie iyo ni i'nio' ti 'yije'en, siu'neje ti 'yijen jlosiki, yiyi pi Sijwajieti.

Colosenses 3:12

Sinia' 'nama'ase, je nakata siu'neje ti int'ayejits'i, 'nakayi ti ja asama siunapo jika kia'lis pet. Jak je iyoyiji ti jawoye as'wuye siunie askap'ijliuskiye ti ijiate ti tajla'm ni asosik ti 'es, ti ja ena'yi napo as'lejwas. Siupa isitia'n, ti japoye wenajia'm. Ká anitonitie, ke injwesisa', kamaja'.

1 Tesalonicenses 2:10

Asa'am ti Sinia' jilists'ase'm ji'wena siunie aniwonaja ti awak aska kiowe'e, ti lajk'ipa ka k'iejliyeyi ka je 'esie ka iyoki ka i'winki'nase'm. Sinia' kia'iyo 'yijene pi iyone naka. Lapakawo ti anilesanaja jla'yi ti je aleki ti awoki naka ti ijiate ti 'es jla'am ka iyoki, jak je iyoyiji ti je yits'e paka injwel ka sitis poye.

1 Timoteo 4:12

Nilesaniji, 'nakayeyijna'a ti ja lajak'i paka injwel ka laja lajaye siunie jiwoye, ti a'm ti jwemik'ia'm. Siunapo Sinia' jilis ti jan'we'en siunie jiniwoneje, ti jlamtiyeta ape'e napo i'nio', siunie akijmaye ti 'es, siunie emijnaye, siunie atankiujnieye ti 'es, je 'es ka woyi paka k'iejliyeyi siunie je 'es, ka kiak iniwonisieyijinie'e pet.

1 Timoteo 5:2

Jlampet siunapo asejnia ti isijlijyi'n, kiak jawo wone pet 'ate jiwone jana et. Siunapo jlosie wone pet 'ate jiwone jana a'yijnia, 'nalkit siunie 'es atankiujnieye ti ja e'ne.

2 Timoteo 3:10

'Esiji ti 'wena je t'iasap'e siunie 'yaka'neyasajnaye iyo, jla'yi siunie awone, siu'neje ni ajalas ka iyoyi, siunie iyo ni itienkiujnieye ti 'es, jla'yi ni awo ti akama, siu'neje ti yimijnaye po', jla'yi ni ijwiye iyo ti ato'm ilia'm ni iyo napo i'nio' ti teje'yi ijyilia'm, siu'neje ti anilayiti ni ijliak'ali iyo.

2 Timoteo 4:2

'Esiji ka woyi siunie ajloye'a'm, 'esiji ka woyi amtikie' niwa Sinia' jlamtis. Siuti po' jana jloma ti a'wet poyi wata'a, siuti ja laja a'wetayi ejlo'o wek. 'Yina ja inwakal jiwekie'e. Lesaniji siunie jlamtiyi k'iye napo i'nio', 'nakayi ti jan'wenis pet ti ijiate siunie jiwoyi. Wo jlosikie', jalaskine, ke ineyate'e siuti jit'iyasajne'n.

Tito 2:7

'Wenkina wikie'eyi siuniwa isis ti jiwoyi. Siuti jit'iyasanataja'n ká anijwekia'm ti i'nes jitieyi'i pi Sinia', jla'yi ti ijiate siunie jiwoyi.

Santiago 3:17

Jlampet siunapo ti ijiate ti tal Siniayi siunie iyo ti 'yije'en, napokaye pet ti kia'iyo ti siunie inia'an ti yiyi ti 'najleje'n ni jlosik; je ti'wena ka iwoyi jijliak'aliye puwa wask'i'nelaja, 'wenajliyi ti 'yakama; siupi ijia iyo kawoyi its'iuye. Takap'ijliuskijyi'n; je ti'wena paka jikeye ka je 'esie iyom wita'm papo 'namaja, jla'yi ti je yinjlajap naka nik'emijieye; isis napo i'nio'.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Jn 3:18

Ilis, 'esiji ka je si'lijak'i wekie'e siunie semijnaye. 'Esiji ka 'yakajanitie siupi jalisanaja.