2 Corintios 6:5 - Sinia' Jlamtis 1994

⁵ siu'neje na ti kask'ajakietaja'n, siu'neje ti kasts'otiejatak'i a'laja'm, siu'neje ti ti'yikisanajatats'e, siu'neje ni sikijmaye ti kiojieti, siunie ti ijnieti anilankinaja, naka 'neje ni nel'lia.

2 Corintios 6:5 ပူးပေါင်းရင်းမြစ်များ

Mateo 14:10

Sekyi'i ijliuye'ne papo jika ijiawos ka jletik tiliena'a pa Juan.

Mateo 14:3

Kajeyepa kiwak siukiwa jlomas ti Herodes ti takajlunie pa Juan ka tikima'a ka t'otie a'laja'm, japaka jla'am siojopa jijwelis Herodías ti it'imina. Herodes ji'yini jla'am siupa jle' iyo'ate Felipe, jik'iemjla japaka i'nioki, ti Herodes ijiale pa ji'yini ti yiyi.

Mateo 9:15

Jesús isiujlie ti iyo'ate: —¿Tepi iyo siunapo i'nio' nojweje siunie k'iejli tijwa'yi? ¿Ti'wenat'e ka ink'ijliaja'n siuti je taljliyi'iji pak k'iejli tijwa'yi? ¡Jeyi kat'aja! Ijiatjliyijna'a ti jatalajasi, jiwekie'ejana'a ka ininel'lianiti'n.

Hechos 13:3

Jlampa iliyet'iyisijpe japo i'nio' ti ininel'liajaniti'n, jla'yi ti iyoyis t'ajlayeja', inkioye tenajat'ipi ape'e, sekyi'i ti inijwelaja'm japo ti iyoyeyi ka nek'ni.

Hechos 14:19

Paj ti 'nesat'i'nijpe papo Judíojos 'nak nojwaja'm, ti tal 'niji yi'i japa Iconio siu'neje japa Antioquía, siojopa yiji pet japa Pisidia. Sekyi'i ti 'wena t'ipa iyoyeyipi pa jitienkiujnieye papo i'nio', ti yiyeyisi papoka sekyi'i ti sisajas titietajat'iyijimpe ja Pablo. 'Yina ti ijwilis ka 'na'al, yamat'iyisijpe kisie'e ti itiajlajna'm japa isi'.

Hechos 14:23

Sekyi'i ti tiwok jleyisa' siupapo janoyeje papo ijia tajlits'i puwa ji'wetis ti tijniejieta'ak'i siupa jikijmaye janwo, t'ajlat'iyispe ape'e, jla'yi ti ininel'lianiti'n. Iyonisi'ne 'ate ti itimat'iyisijpe: —'Esiji ka Saka'niona, siunie je jikakiuye, ja 'ye'nase'm, jla'yi ti janoye'ase'm.

Hechos 17:5

Siupapo Judíojos kakiujnietas tanat'iyipi siupapo i'nio' jlam sek yik'i'ni yi'i japa isi', ti kajlojoties, ijliuye'ne ka ijwesinis papo i'nio'. Ijioyis'ne ji'wete pa i'nio' jle' iyo'ate Jasón, ti iyoyistajyin'ni ja Pablo ti iyotajas ka intonis kisie'e kan'wenis, kanekiajle papo i'nio'.

Hechos 20:31

Ká anikiwalinitie. Astaj wunitiek'ipe siukiwa jlomas yam'niji ti najkapis najape ti a'yasap, jloma ajnajpe ti 'eyasanajyi'n, je ts'ome yi'i pa jloma ti ap'ase'm ti awota'ni asosikie'.

Hechos 23:10

'Yina ti ijiatayiji ti je inilesaniji ti iniewitis papo i'nio', siu'neje ti jlampa iyoyisits'i'ni, tokis jika anechiyas isiwitayi ja Pablo ka ijiatayiji paka tiwonaja ka t'ekiyeje ka tiwok jijwala'. Sekyi'i ijliuye'ne japo jikawos tokis ka intonis kisie'e ka inekiajlisia'm jlaja tokis 'loj ji'wet.

Hechos 24:27

Paj ti yiyeyi kiwa najkapis times ti kiak iyo'ni, jlampa yiyet'iyipe pet ja Porcio Festo ti iyo anechiyasa', ti its'iuye 'wet'e ja Félix. Félix 'yina ti iyojonk'iye ka 'esieyi wita'm papo Judíojos, it'imina'ne ti jlam sek iliyeyi'i wek insat jiweje ja Pablo ti iliyeyi ti iyo anechiyasa'.

Hechos 26:10

Naka siunie awoyipi ti a' Jerusalenne. Siojopo pa'yijis jika anechiyasas siojopo jlamt'iyijpe, japok atajlijipi ki ip'isinik ti isio' jlele ti 'ajla its'ioye ti 'otiek'i a'laja'm japo Sinia' jilispe. Jak je iyoyiji'ni ti a'wenata ti tilianaja'n, awoyepe 'ate, “'Esiji naka.”

Hechos 26:29

'Yina Pablo iyo'ne 'ate: —Kawo ya'am pa Sinia' ka jla'm iwoni'ni 'ate, ni'ne ka 'wesie paka ajok'i'ni kawo Sinia' jlasa', jla'yi ka je amkataja, siu'neje napo sipe'ya ka wo'ate awoyi, 'yina ka je awo'ate siuniwa iyo 'niwa silie'nitieje.

Hechos 28:30

Sek jla'a niwak Pablo jlamtis ti iyo jakiaka jloma. Times niwa najkapis 'wanjli wita'm ti Pablo sek yi'i, siujlieja 'wuk yikiajwe ti takat'i'ni ape'e. 'Es ti i'ye'n ilia'm siojopo iyo ka ijnoyi.

Hechos 5:18

Jak je iyoyiji'ni ka je tikimajak'i ti t'otiek'i a'laja'm.

1 Corintios 15:10

'Yina lapakawo ti Sinia' ijiate ti sip'elisi'n it'imina ti awo injlojwanik'i'm; 'yina je ka sip'elisine wek, kajeyepa ti ya'm ijiate ti akijme'n. Aka'm ape'e siunapo ijia injlojwajnas, kia'awo akijme'n, 'wanjliyi je yamata ka yama siu'nie awoyi, Sinia' jikap'ijliuskiye naka jla'am ti iyoyi siu'nie awoyi ti akijme'n.

1 Corintios 4:11

Awakieyi 'nijiye ti nel'lia kaslajne'n, na'la kaslajne'n, jla'yi ti laj si'wuyeye, tajak'ni siwa'm, lajk'ipa ka ijiatayiji ka si'weta',

1 Corintios 7:5

'Yina ká akawoye siunie iyo ka woyi ni ak'iemjla, siu'neje ti a'am ti asejnia'a'm. Siuti po' jana jloma ti kiak jawoyeyi, ti jawoyeyi ni asts'ajlaye, 'esiji ka ijnojlie wita'm, ent'a jawoye 'ate, “'Esiji ka anilayiti kiu wata'a ka je akienk'i'm, kiak jayo'ojyi pet ti ya'am, kajeyepa ti jayoki ni ts'ajlaye, jla'm ijiate ka pajata wata'a.” Jlampet ti 'wenayi siunie jiwoyeyi, ijiate je sitiana' ka kiak awoyeyi, ti jinikiujlie'ni ape'e. Ijiatjliyi siuti yamata 'niji siunie ti it'imina ti kiak jiniwonayi, sekjane'yi ka ekiajla'ayijna'a siunie jiniwonayi ti 'nelanjie'e, iyo napo jijwa'yis po'. 'Lojwinie'e ka sitiejiejwa imosik inkajla', siuti kiak jawoyeyi, ti ja ke alesanayik'iyi siunie jiwoyeyi ti ajwa'yis po', sek jantaj'le ka awayeyinie'e siunie aske'.

2 Corintios 11:27

Yi'i ti ijiate ti ikanowe silia'an ti akijme'n, siu'neje ti ijnieti anilankine. Nel'lia siu'neje ni na'la. Po' kiwa jlomas ti je a'yekiu'n, je ijwienjliyiji ka wi'yit je sijlien'ni, ni'ne ti ijiate ti lajk'ipa ka 'yuts'i.

Efesios 3:1

Jak je iyoyiji ti sa'am ti Judíojosts'e'm, siu'neje ti asam pet ti je Judíojosts'ase'm, ti Sijwajieti Jesús kasts'opijietk'i wita'm. Siupet ti ya'am Pablok'i'm je paj ka iliyi ti 'ajlana'ni, ti a'ne yi'i jla'a insat jiwe, 'yiniye ka jlama pa Sijwajieti ka siwojwa'n jikipinikiek'i'm, ti ts'otie a'laja'm astepe'e.

Filipenses 1:13

'Yina wikie'eyi napo tokis siunapo i'yena ni anechiyas ji'wet, siu'neje napo ijia i'nio', 'yijene pi iyone ti je 'wena paka int'emink'i ti ts'otie a'laja'm, naka ti akk'i ni Sijwajieti.

1 Tesalonicenses 2:9

I'lijwas, astaj wujk'i siukia awoki ti akimak'iji'n, ti jloma ajnaj kia'iyojliyi, paj ti je kasts'isisieyi ti akimak'iji'n ti awokijyi'n pi sak lajaye. Jak je iyoyi ka poye pa ka intajli'i ka jwesiejayiji'n paka k'iejliyeyi ka kasts'isisi ti awokietaja ni sikijmaye, ti awok samtikie' ti ajwela niwa Sinia' jlamtis ti isis.

1 Timoteo 4:10

Nak it'imina ti awok sikijmayeja' jla'yi ti anilanajan'ni ape'e, 'yina ti jlam pajk'i ti ena'a ni sinijijwiye pi Sinia' ti jlam ti je paj ka netia'n. Siunie Sijwajieti, jla'yi wikie'eyi napo i'nio' ti Jijwajietiyis 'esi siunapo ti je 'yakakiuyis.

2 Timoteo 1:8

Nak it'imina ti awo'ate, 'esiji ke 'najwel ti jijwe'el ni Saka'niona, jla'yi ti ja ke i'najwel itipe'e siuti ajyi jla'a insat jiwe, lapakawo ti naka ti it'imink'i ti anoyeje. 'Yina noyeje pet siunie ti anilayiti ape'e niwa Sinia' jlamtis, je lajk'i ki iyo ni ajweye ti jitiajleje ni Sinia'.

2 Timoteo 2:9

'yina nak it'imina ti anilayiti siu'nie iwit'ia iyoyi ti silie'nitieje 'niwa wikijnies 'yiniyi ni i'nio' kalankijieta. Jlampet niwa Sinia' jlamtis je iyo'ate awoyi ka t'aka poye.

2 Timoteo 4:5

Ke wujwa ka awoyi ajlak'aliye, ti k'iejlitieje pa; siunie ajlak'ali nilayiti; woyi amitikie' siuniwa Sinia' jlamtis ti isis; nilesaniji ti jiwoyi ni akijmaye, ti a'm ti Sinia' jikawo'wa'm.

Hebreos 11:36

Siupapo ijia inkalakijnieye tena'a, siu'neje ti tisiejek'i'yi ti tak'ajaki'n, siu'neje ti wikijnies tilie'nitieje, siu'neje ti t'otiek'i a'laja'm.

Hebreos 13:17

K'iuyeyipe siunapo tijna'yase'm pet ti i'ye'nase'm, 'yina ká ani'najnata'yi ape'e napoka ti je yajapape ti i'ye'n astepe'e. Lapakawo ti je iyo'ate ka je 'najanisi paka iwonisi ti Sinia' jan'ye'en napo i'nio' ts'iji jlaja niwa jlomas. 'Yina 'esiji ka k'iuyeyi 'nakayi ti ja inkasaje'n ti kiak jawo. Jlampet ti kiak jawo ti ja ke ak'iuyeyi, jijliak'ali ja poye pet, 'yina jijwelat'e ka poye paka i'nesieyi.

Hebreos 13:23

Ajwe'lase ni sikiecha Timoteo ti tiniujwana kisie'e, ti kia'iyo t'otiepe a'laja'm. 'Yina ka netiejk'i, ka ya'asiyena'a ti nak jajiojwi.

Apocalipsis 2:10

Ke ijnots'ina siunie jawo ni janilayiti ka netie'anie'e, 'ye'en siunie imosik jajnotie kiajwe jana insat jiwe pa ja inojwajia'm ti asa'm, sek jane'yi ti ja'nakaja siuti ja ijiatayi ti astankiujnieye japoye ti ja ke akakiuye ni Sinia'. Times niwa sikioye jantej'we niwa janojwaja'm ni jlomasa' ti kiak jawoyeyi ti ja ayejyi ni asjlak'ali. 'Yina ká aleyi, ataj ká ala'ne, 'wanjliyi ka ajyi siunie alayeja', 'yina ajwe'la'm ti jawi'na'm siojona a'wasankiye ti t'o'n jawoyena'a 'ate siunie i'nio' t'an pijia'm ti tiliaki'n siojona tena'a jana jletik ti 'yakajli.