2 Corintios 6:4 - Sinia' Jlamtis 1994

⁴ Jak je iyoyiji wikie'eyi siuniwa awoki 'yina je anijwekieje ti sa'am ti Sinia' jikawosts'e'm, ti awaki' naka siwet'ia. 'Yina je kasjlak'alk'i wita'm, ni'ne ti lajk'ipa ka'wina, siu'neje ti je 'yakajata paka iyoki,

2 Corintios 6:4 ပူးပေါင်းရင်းမြစ်များ

Lucas 21:19

¡Jwajla'a paka woyeyi 'nakayeyijna'a ka 'yakana siojona jla'm ijiate jla'am ti as'wasankiyeja'!

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Hechos 20:34

'Wenajliyi pet ti akijme'n, 'nakayi'iji ti a'we'en siunie asetia'n, jla'yi siunie isitia'n siojopo yi'ni ijiap.

Hechos 9:16

Ja'winkijna'm ti jayama ti jat'imina ti ja wujwa ti janilayiti siunie ja tiwonaja.

Romanos 14:18

Jak je iyoyiji siunie i'nio' ti iyoyi niwaka, ti iniuyeje ni Sijwajieti, 'yina 'yakanit'ni ni Sinia', jak je iyoyiji pet siunapo i'nio' iyoyis pet 'ate, “Jla'm ijiate ti 'es.”

Romanos 16:10

Atejwile 'neje siojo Apeles, jla'am ti ijiate ti je inijweki ti yamk'i pa Sijwajieti. Siu'neje japo ji'wet jlele pet ja Aristóbulo, atejwile.

Romanos 3:5

Ni'ne ka poye paka i'nioyi kawo'ate, “Siuti 'esiji ti awoki ni siunie je 'es ti awoki, 'yina naka ti 'yakajanit ni Sinia', ti ijiate jla'am ti tijnajyi, ¿tepa si'lij jayonaja ilia'm siukia ka kiak iwotajanie'e ti jansats'e'm? ¿Jot'e ka yok'iate, Wuj ti je 'es ni Sinia'”?

Romanos 5:8

Sinia' 'yakajanit pet ni jlemijnaye ti yints'e'm, jak je iyoyiji ti sa'am ti je atajlaje ni sake', Sijwajieti jla'am ti ininekial sitipe'e ti tiliana.

1 Corintios 3:5

Siuti jletinats'i'ni napoka, ¿ten na Apolos?, ¿siunie Pablo, ten na? Jlam'ne ni awoki ti inka'neyasajnaye jiwosts'e'm jiwek, 'yina sa'am ti insisieyi it'imina ti jitienkiunieyi pa Saka'niona. Ijiatjliyi ti sa'am je 'wena pet paka inkima, 'yina isima pet siupa k'iejliyi siupa ti Saka'niona yikialts'e.

1 Corintios 4:1

'Esiji ka kaswone Sijwajieti jikawosa'. Sinia' ijniejiet'e pet ka jikawosa', ka 'neyasane napo i'nio' siuniwa wask'i'nelaja iyo kawoyi, ti je 'yaka'm ape'e siunie iyo.

1 Corintios 9:11

'Yina kia'iyoyi siuti po' jana inseliaki ti akawijnanajats'i niwa asosikis ti insisieyi, ¿ma aka'ajwejlasanat'e ka 'yejlaja'ase'm pet siojopa ka ts'esi?

2 Corintios 11:23

Sijwajieti jikawos napoka, 'yina kia'awo pit. Ya'm ijiatayi ya'am ti aka'm ape'e, ejlowek siukia awoyi ti ajwe'el 'yiniye pa ti itiej je 'es. 'Yina siunie isijmaye 'yaka'm ape'e ni jikijmaye iyo. Je ijwienjliyi ka je iyi'ni insat jiweje, 'yina kia'iyojliyi naka aka'm ape'e. Siunie tiwonak'i siuti sak'ajak'ni je ijniujliji; siukia tiwonak'i je ijwienjli ka je ijlien'n ajnata'm.

2 Corintios 11:27

Yi'i ti ijiate ti ikanowe silia'an ti akijme'n, siu'neje ti ijnieti anilankine. Nel'lia siu'neje ni na'la. Po' kiwa jlomas ti je a'yekiu'n, je ijwienjliyiji ka wi'yit je sijlien'ni, ni'ne ti ijiate ti lajk'ipa ka 'yuts'i.

2 Corintios 11:9

Siuti a'yi aska kiowe'e ti lajatak'ipa ka'wi'in, 'yina je asam'ne ka i'winakitie'ni ka k'iejliyeyi japaka 'yasane, jla'm ijiatayi wek jla'am siunapo yi' Macedóniaja ti po' siojokia atajlajaje jakiaka'ne ti ts'esi. 'Yina awotajank'iye ka je iliki siunie aniwonaja ti je a'wenakitie'ni.

2 Corintios 12:10

'Yina awo'neje 'ate, inikanitiejeye yiji ti kiak awoyi laj it'iuniye, siu'neje ti ajyi naka ti siliakik, siu'neje ti po' jana jloma ti lajk'iyi pa ka k'iejliyeyi paka i'wi'in, siu'neje ti po' napo ti teje ijyilia'm, siu'neje ti akk'i pi Sijwajieti ti ijiate ti istie' ni i'niayi. 'Yina siupet ti kia'iyo ti laj ijwiyeja', sek tajla'aja pet ni ijwiye ti Saka'niona iwink'i'm.

2 Corintios 12:12

Kajeyepa siukia isijmaye ti ijiate ti anilayiti ti awoyi, siukiwa ti tenajapi pi k'iejliyi, siu'neje niwa ti inesi'lietak'i ti ji'wenayeta, niwak sakajanit ti ya'am ti ijiate wek ti injlojwanikk'i'm.

2 Corintios 2:17

'Yina je pini' napo iyo ka wikiniet'aj in'yakane, siuti yameje'n niwa Sinia' jlamtis, kajeyepa ti ijwi'il niwaka ti iyo jikijmayeja'. Jlampet ti sa'am je kiak awoki iyo jlamis, sa'am ti Sinia' ijliuyits'e'm siu'nie awoki, jla'yi ti Sijwajieti jikawosts'e'm, jak je iyoyiji ti awokieta samtikie' ti ajwela niwa Sinia' jlamtis, 'yina je k'iejliyi paka inejyi 'niwa sosikis ka je ijiatak'i jitieyi'i pi Sinia'.

2 Corintios 3:6

'Yina ti jla'am pa Sinia' ti kasts'eyasa'n, kajeyepa ti iyo ka iwo jiwosats'e'm siuniwa jlamtis, ti iyo ink'ieye siunie iyot'iyipi. Siuniwa jlamtis siupa iyot'iyipi ti iwiets'ilati, je ka inkio' jilisanikie' ka ne'yi paka imp'esinikie', 'yina 'wenajliyi siunie iyo ni jikijmaye jana jikimet. Siuniwa Sinia' jlamtis 'neje ti yi'i ni inka'neyasajnaye, ti tena'a ni imp'esinik, ijioyiji pet jana 'najlati napo i'nio', jlampet siojona jikimet ti tajle ni Sinia' iyo ji'wasankiyeja' napo i'nio'.

2 Corintios 4:17

'Naka siunie sijliak'ali iyo, je 'esieta jayi, jak je iyoyiji ta'a ti yam'niji. 'Yina lapakawo ti iwints'e'm siunie siwunitieye pet ti laj jlaja, jla'yi ti 'yaka'm ape'e naka.

2 Corintios 4:2

'Yina je awoki siuniwa wask'i'nelaja ti taka'ajwejlasajne'n, siuniwa tijwekie ti je isis, ti je niwaka Sinia' jlamtis kanjwe'el. 'Wenajliyi jla'am siunie awoki samtikie', naka ni siunie ti ijiatk'i, je ajwekie. Jak je iyoyiji napo i'nio' jla'yi pa Sinia' jan'we'en ti ijiate ti je awok'iate siunapo i'nio' jiniliaja ti lajk'iyi paka iwoyisi, 'yina sa'm ijiatayi wek sa'am.

2 Corintios 4:8

Jak je iyoyiji 'wanjliyi ka insta' pa si'niayija', 'yina ajwayeje. 'Wanjliyi ka sijliak'ali poye, 'yina je kaskiwaliyi'i ni sinijijwiye ti po'.

2 Corintios 7:11

Ijiate ti jinilayitieyi siunie asjlak'ali iyo, 'yina Sinia' nak yimink'i. ¡Ataj ene 'ate siuniwa wask'i'nelaja isis tajle naka! Inia'an siunie ti ijiate ti jikima'yi siukia awo'nase ti ip'isinik atate'ase, siu'neje ti ji'yena. Je wekie'e siunie jiwoyeyi ti jinilayitieyi, ti nak ikajanit ti je asa'am ka astesa', pak it'imina siuti kiak jiwoyeyi, siu'neje ti ine'wajayi niwaka ti inkajyina, kajeyepa ti jloskiyeyi pa Sinia', ka kia'iwo ka jwesieja pet. 'Yina yam'niji kiaka ti jiwoyeyetajank'iye ka si'wena, naka 'neje ti jini'netie ti jlotkinayi siunie jitis iyo ni i'nio' ti iyo ni je 'es, kajeyepa ti jlam je woyeyi ti jlam jla'am ti jitis. Jak je iyoyiji 'yakaja pet ti wikie'eyi niwaka, je asa'am ka intaj'lase, laj astesa', 'yina jlam ti jikimet ti siupa ti iyo ni je 'es.

Colosenses 1:11

'Ajlajanayi'ni pi Sinia' ka impejlanit'i aswa'm pet ni jijweye ti je jlase', ja 'nakayeyi ti ja asjweye japoye pet. 'Yina ja ke injlak'alajyi'n, 'wenajliyi ti ja akamaja.

Colosenses 1:24

'Nakayi ts'ajkaj'ni ti iwit'ia poye astepe'e, kajeyepa siuti kiak iyo ti iwit'ia po' ape'e napo Sinia' jilis, ti 'nak Sijwajieti t'ajwes, 'yina yamjliyi ti jajnol wita'm siunie iyot'iyipi pa Sijwajieti ti kia'iyo ti inilayiti pi jiwet'ia.

1 Tesalonicenses 3:7

It'imina, i'lijwas, ti 'wanjliyi ijiate istieyeta ni siunie janiwonaja jla'yi ki iyo ni siunie ti anilayitieje ti je jwajla'a, je 'esiji ti ajieye'ase ti je jiliyeyi ti jiwoyeyi ni astankiujnieye ti 'es, ti jitienkiunieyi pa Sinia', nak kasts'et'ne pijia'm ti 'yiniyi ka iwo sijweyeja'.

1 Tesalonicenses 5:14

Kia'iyo, i'lijwas, siunapo 'netaj ka inkimk'iji'n, jloye ka woyi ni jikijmaye. Siunapo t'ask'i isia'm ti isimtak'iji'n, noyeje. Siunapo laj jit'iuniye siupi ja k'iejliyeyi ti janeyi, 'esiji ka inilayiti.

1 Timoteo 2:15

Siojona asejnia ti jlam ti inet, siuti ja ke inleyi ni siunie jitienkiujnieye ti 'es ti iyoyi, jla'yi ni jlemijnaye, jla'yi ti janilesaniji jitieyi'i pi Sinia', janak janjwa'.

1 Timoteo 4:6

Siuti kiak jawo ja 'eyasane papo si'lijwas niwaka, ja ama' siunie Sijwajieti Jesús jikawo'wa'm ti 'es. Jawoyi ajosik jlaka niwak inamtis ti tajle ni je akakiunieje, siu'neje ni inka'neyasajnaye siunie 'es ti impaja ti jleki, 'yina jleyeyeyi 'nijiye.

1 Timoteo 6:11

A'm ti Sinia' jlasts'a'm ti inwakal, joskiye niwaka. Katate ka woye ni siunie 'es ti je tak'emiyeje wek; katate ti ani'neti pi Sinia'; woyi ni atankiujnieye ti 'es; siunie emijnaye kia'iyojliyi; je paj ka leyi naka; ke injwesie. Ni'net siuti jitie'yi ilia'm ni je 'es, 'yina ti po' 'ni atankiujnieye ti 'es. Akio' et'i janak a'wasankiye ti laj jlaja, 'yina siuti Sinia' tana'api jiwoyepe 'ate, “Sijwajieti Jesús naka ti 'Yaka'niona pet”, ti jlene jitieyi'i japo i'nio' ti 'loj.

2 Timoteo 1:8

Nak it'imina ti awo'ate, 'esiji ke 'najwel ti jijwe'el ni Saka'niona, jla'yi ti ja ke i'najwel itipe'e siuti ajyi jla'a insat jiwe, lapakawo ti naka ti it'imink'i ti anoyeje. 'Yina noyeje pet siunie ti anilayiti ape'e niwa Sinia' jlamtis, je lajk'i ki iyo ni ajweye ti jitiajleje ni Sinia'.

2 Timoteo 2:24

Siunie Saka'niona jikawo je 'yu'we ka inilanejen'ni napo ijia. 'Esiji ka wujwa ka inemi'n napo ijia. Ja'naja'n 'nakayi ti ja'neyasajne'n pet napo ijia, jla'yi ti 'esiji ka nakaye siunie ti janilayiti ti k'iejlitieje pa iyo napo i'nio'.

2 Timoteo 4:5

Ke wujwa ka awoyi ajlak'aliye, ti k'iejlitieje pa; siunie ajlak'ali nilayiti; woyi amitikie' siuniwa Sinia' jlamtis ti isis; nilesaniji ti jiwoyi ni akijmaye, ti a'm ti Sinia' jikawo'wa'm.

Hebreos 12:1

Jak je iyoyiji siuti 'yiniye ka iwiek jikiowe'e napoka i'nio' t'ipi ti 'loj ti inikajaniti siunie jitienkiujnieye ti 'es ti je 'yakakiu pa Sinia', 'esiji ka ijiutie kiu wat ts'ijiye siuniwa wask'i'nelaja kast'ajaniti'n, siu'neje ni sake' ti akapajlaja'ni. 'Esiji ka je inilakik siunie awoki ti 'osiye'ni ni atayeje.

Apocalipsis 1:9

Ya'am Juank'i'm siunie askiecha, lapakawo pet siuti ani'nopijieteje ni Jesús 'yina si'wet ijwienjlajam'ne siunie Sinia' jika anechijiayas, siu'neje ti siliaye iniuk'i wita'm ti siwet'ia poyeta, 'yina majejli naka 'neje siunie sijweye pet ti ani'netiejeta pet ilia'm niwaka. Sena 'ne yi'i jlaja ajnat siujlie'e i'niat tijwajiape'n jle' iyo'ate Patmos, 'yina je 'wena paka int'emink'i naka jla'am ti awoyi yamtikie' niwak Sinia' jlamtis, siu'neje na ijiatk'i ti Jesús iyo jika'niyeja'.

Apocalipsis 3:10

'Yina siuti jik'iuk'i'm siunie awo ka woyi, siu'neje ti je liyi, nak jant'emina pet ti ja'ye'na'm ka inetiejenie'e siojona jloma siunie ti ja wujwa ti ja a'tiejak'i ape'e 'ni ajnat ti jajnejlit napo i'nio'.