2 Corintios 6:16 - Sinia' Jlamtis 1994

¹⁶ ¿Ma 'est'iyiji ka injwel ka ijnol wita'm pa ka woyisi niwaka Sinia' ji'wuk siu'neje niwa jitiej iyoma napo i'nio? Iyo niwa Sinia' jlamtis ti iyo'ate ti kasjwel ti sa'am ti ji'wukts'e'm siunie Sinia' ti je paj ka 'na'al: “Jayoyi i'witaje jlamis, sek jayi'i jayikiajli'ni. Ja yama ti ja Jiniayeyisk'i'm, sek jayi'i jayo ika kia'lisa'.”

2 Corintios 6:16 ပူးပေါင်းရင်းမြစ်များ

Mateo 16:16

Simón Pedro isiujlie'ne ti iyo'ate: —A'am siunie Sinia' jijliujwanik ti Injwajieti, Sinia' ti je netia'n ka paja Jlajts'a'm.

Mateo 6:24

“Je ti'wena pa ka intemisiet papo jika anechiyasas, kajeyepa janemi'n pa janjwanjli, ti siupa kiecha jane'waja, ni'ne ka je intajla pi jikiecha siupa jikiecha pak jantajla. Je 'najanayi paka wonayi ka ijiatayiji ka awoye Aska'niona pa Sinia', siuti inteliajayi niwa askijmatis ti ji'wena'.

Lucas 5:36

Jesús iyoyet'ijyi 'ate, ti i'yejnap jiwekie'e, siunie ti iyo'ate: —Je ti'wena wek paka ji'wuye ka ink'ieye, ka imp'one pi jikiecha siupi ji'yusie. Kajeyepa ka kiak inwone, janlaki wekie'e siupa ji'wu' siupi ink'ie', kiak janwo'ojyi siupa ji'yusie, jano'we ti jank'ise'n, 'yaka je to'm ilia'm.

Juan 14:23

Jesús isiujlie ti iyo'ate: —Siunie i'nio' semi'n its'iuye niwa yamtis. Siunie Inia' janemi'n. Sekjane'yi ka iniamajana'a, siu'neje ni Inia', ti jawieki.

Juan 6:56

I'nio' siunie itiujw ni 'yajwes, jla'yi ti i'yaje ni i'yoyis, nak je paj kantalk'i'm, kiak awo já atajla.

Romanos 8:11

Siuti siojona Sinia' jikimet siojona ti iniujwa'n kisie'e pa Jesús jane aswa'm, janaka'ne jana ti janekial pijia'm niwak 'assienis ti je t'o'n, kajeyepa ti janakaye jla'am siojona Sinia' jikimet ti yi' aswa'm.

Romanos 8:9

Jlampet ti asa'am ti jiliyeyi siunie ti jiwoyeyi siunie ti inteliajayi kajeyepa ti janakata siojona Sinia' jikimet ti it'imina ti jik'iuyeyi siunie iyo ka woyi, siuti ja ijiatayi ka siojona Sinia' jikimet ine'yasap. Siunie ti lajk'ipa siojona Sinia' jikimet ka inejyi je naka Sijwajieti Jesús ka intajle.

Romanos 9:26

'Yina ja ke 'wenaye siojo ajnat yiyits'ipe ti kiak awone ti ajwejla'm ti awo'ate, “Je ika kia'lits'ase'm”, ja yine'eje siunie ti kiak jayone “Siunie Sinia' ti laj jlaja jilists'ase'm”.”

1 Corintios 10:21

'Yejne'n, je 'es ka kiak aniwonayi, ti ji'yayejyi janaka Saka'niona jlat jiwe, 'yina jatemayi ka ajlasayeyi janak jlat jiwe pet niwa imose'l. Siu'neje ti jataye'yi ape'e janaka Saka'niona jlak tenaja'ni ape'e, sekjane'yi ka ajlasayeyi jana imose'l jlak tenaja'ni ape'e pet.

1 Corintios 6:19

¿Jet'i 'najanayi paka awonayi ti siojona Sinia' jikimet ti 'es ti iwi'nase'm ni Sinia', janak ji'wet niwa 'assienis, jla'yi ti yi' aswa'am janaka Sinia' jikimet? 'Yina je askimet siojona as'wasankiye ti yi'ase.

Efesios 2:20

Jiwoye 'ate siojona 'wuk ti po' ni to'm isiamk'iye napoka napo injlojwajnas siu'neje papo Sinia' jijwejlanawos t'ipi. Siojona jlame sisaj to'm isiamk'iye nakaye pet ni Sijwajieti.

Efesios 2:22

'Yina kiak jiwoyeyi ti jini'nopijietayi ni Sijwajieti, jani'nopijietak'i wita'm, ja 'nakayeyijna'a ti jawoye 'ate janak Sinia' ji'wuk, ti siojona Sinia' jikimet ti 'es ji'weta.

Efesios 3:17

'Yina siuti astankiujnieye poye, 'esiji ka Sijwajieti 'wet poye pet, ka nejyits'i niwa asosikis. Ja 'nakayeyijna'a ti jant'onieyi pijia'm ni inemijnaye ti jiwoyeyi, jla'yi ti jawo ajwetisijlaje naka.

1 Timoteo 3:15

kajeyepa 'lojwinie'e ka je simajli. 'Yina je sikiwit'a'm siunie iyo ni sikijmaye, ti Sinia' ji'wet jlelets'e'm, ka iyot'e 'ate, Sinia' ti je paj ka netia'n jilis. Jlam ti yints'e'm ka 'yitie pijia'm naka ni siunie ijiatk'i jla'yi ti akiejek'i ape'e.

2 Timoteo 1:14

Po' siojona jikimet ti 'es ti tajle pi Sinia' ti janoye'a'm. Lesaniji naka ni 'es ti tekiajla'a.

Hebreos 3:6

'Yina Sijwajieti, ti jla'am ti Sinia' jlas, je tiwonajataja jla'am jiwek k'iye siunapo ji'wet jlele ni Sinia', ajwe'el ti sa'am, ka je initiajnata siunie ti je anikiwita, siu'neje na ka ini'netie, 'yaka po' siunie sinijijwiye ti yits'e.

Hebreos 8:10

“Jlampa je k'iejeyeyik'i'ni kiwak jlomas, 'yina siuniwa jlomas atayeje siunie jayone napoka Israel jika kia'lis ti i'lij jaliyijap, 'naka siu'nie: Jayijnits'i niwa jitienkiujnieyejes siuniwa 'yaka'neyasajnayejes, sekjane'yi ka ip'isinajats'ina'a niwa jikiojwa'l. 'Yina jayama ti ja Jiniayeyisk'i'm jlampet ti jlamis janapokaye ti ja ika kia'lisa' pet.

Santiago 4:5

Jak p'an je iyoyiji niwa Sinia' jlamtis ti kia'iyo: “Siunie sosik ti Sinia' yin siwa'm, nak wuj ti je iwi'in, 'yina ti 'namaja”.

1 Pedro 2:5

Kiak woyeyi pit ti asa'am, niwojwana sisajasa siuniwa ajwel'ni, 'nakayi ti Sinia' janwo'ase ji'wukie. Jla'yi ti asama siunapo isis pa'yijis, jak je iyoyiji siuniwa jawoyeyi ti jawunitie, jawoyena'a 'ate siuniwa ti k'iejliyi ti tilianaja'n ti tekiajlaja pa Sinia' ti tiwoki ji'wajieta'. 'Yina Sinia' ja inkaja'a pet siunie jawonayi ti jawunitie, ti jantajla'm ni askiowe, 'yina ti po' pa Sijwajieti Jesús ti pak insisieyi.

1 Jn 4:12

Sinia' je ti'wenajata ka paja. Lapajawo siuti janinemina, Sinia' yi siwa'm, 'yakaj siunie jlemijnaye ti yi siwa'm.

1 Jn 4:15

I'nio' ni iyo'ate, ti je 'yakakiu, “Jesús jla'am ti Sinia' jlas”, nak i'nio' yiji pi Sinia'. Sinia' kia'iyoyeyi pit yiyeje pi i'nio'.

Apocalipsis 2:1

'Yina iyone'ne 'ate: —'Ete'e siu'nie, sek jane'yi ka jloyeyinie'e siunie jijliujwanik pet siunapo Sinia' jilis yiji jana isi' Éfeso: “Jlamtis siojo ijwienjli sikio' itij'we times tom'niji jawa katese'l siuniwa yi' poliyi itiujmat 'niji jijweye ti isi'me, siu'neje ti yikiajlin'ni jikiowek'i siojowa ijwienjli sikio' itij'we times tom'niji katese'l ji'wetis ti wikinie maja ti 'najli.

Apocalipsis 21:3

Sekyi'i ti ape'yayeyi siupa jla'lap pa ti 'yakets'ijiap ti tom ts'e yi'i jlaja in'wet ti anechiyas ji'wet, ti iyo'ate: —'Yejne'n, Sinia' iyoye'ne pet ji'weta' jikiowe'e napo i'nio'. Sinia' janejiape'n, siupet ti jla'am jawoyi jika kia'lisa'. Siupet ti jlamis jawoyisi Jiniaye' ti jitiej jawomisie, kajeyepa ti ja ke intajla.

Apocalipsis 21:7

Siunie ti jantate isia'm niwaka ti teje'yi ilia'm naka janeyena'a jikiojyi wikie'eyi siuniwa ti jla'am ti jikijmatis. 'Yina ya'am ti ja Jiniayek'i'm, jlampet ti jla'am ja yasa'.