2 Corintios 6:11 - Sinia' Jlamtis 1994

¹¹ I'lijwas ti Corinto jlele'ase'm, ijiate ti lajk'ipa ka sitienkiujnieyeja' ka ijwikie'ase'm. 'Wanjli wita'm 'ni sosik ti 'ajlinitie ask'ioye, ti kiak awo'nase.

2 Corintios 6:11 ပူးပေါင်းရင်းမြစ်များ

Hechos 18:1

Jlampa yama'niji siupa iyoyisi, Pablo tajla'm japa Atenas, ijioye 'niji yi'i japa isi' jle' iyo'ate Corinto.

Hechos 18:8

Crispo siupa tijna'yi japa 'najla'wet, pak iyo jlosik ink'ieye siu'neje papo ji'wet jlele, siu'neje papo Corinto jlele, lapakawo ti ipi'yayis puwa Sinia' jlamtis ti Pablo ijwi'il, sekyi'i tiniejienaja'ne.

2 Corintios 12:15

'Yina lapakawo ti ya'am ti talk'i siunie jayoyi ti jatij'we ti jawin'ni niwa isijmatis 'niwa a'we'en, lapakawo ti emina'. Paj ka kia'iwoyeyinie'e pet ti ya'am siwakal ti janitejwe'e astepe'e, 'yina naka ti ja'nesieyi. Ejlo'owek ti je seminayeta, siupet ti ya'am wuj ti awojon ask'ioye kajeyepa ti ts'ama'ase.

2 Corintios 2:4

Siukia ip'isinik ti anajnat ti atate'ase, wuj ti ijliak'ali po' jakayi, paj ti itiet t'e' atojnata'ni. 'Yina siuti kiak iyo, ti ajlo'wase ki ip'isinik ka neyi ts'iji ka kiak awoyeyi, awoye asjlak'aliye, najata jla'am ti awojonk'iye ka'wena' pet ti jlam je awoyi ti wuj ti ts'ama'ase.

Gálatas 3:1

¡Ijiate wat ti 'ne'liats'ase'm, asa'am ti Galacia jlele'ase'm! Jlam'ne siuti 'eyasanajyi'n, 'yiniye ka ijiatayiji ka astate i'we'en pi Sijwajieti Jesús, sekyi'i ti intant'iejayiji, jla'yi ti 'yiniye ka 'wenayi ti yi'i japa cruz ti tik'iejwata'a. 'Es ti jik'iuyek'i'm, ¡'ye'en, 'nakayi 'yiniye ka poye paka aye'wuye ka 'neyasana', ti it'imina ti ikajyi'n siunie astankiujnieye ti 'es!

Gálatas 4:12

I'lijwas, wuj ti anip'elisi'niase ka woye 'ate siu'nie aniwone. Ka woye pet 'ate siunie aniwone ti anitewitani asek'i. 'Yina 'najanayi pi jiwonayi ti ijiate ti je lajk'ipe ki awo ti je ts'es ti 'nelanjie'e, it'iminape ti awo yamtikie'ase ti ajwel niwa Sinia' jlamtis.

Efesios 6:19

'Yina jwanayik'impe pet ka ts'ajlana'ni ka Sinia' iwenk'i'm pet puwa yamtisa siunie awo kayoyi. Jla'yi ti ja ijwiye poye ti jajwi'il niwa Sinia' jlamtis, jla'yi ka ts'ajane pet paka iyone ka i'winkina napo i'nio' naka siunie ti je 'yaka ape'e, naka siunie Sinia' jika'niye ti 'es.

Efesios 6:8

Jlam'ne 'najanayi pi jiwonayi, 'wanjliyi ka nakaye inkawo ni'ne ka nakaye siunie ti je inkawo, siuti 'es ni jikijmaye iyo kiak jawoyi Sinia' jawo jikajaye.

Filipenses 1:8

Sinia' 'yijene pi iyone'ala ti awotaja ka yama'aseyi ka i'wina. 'Yina ti wuj ti emina', je lajk'i ki iyo ni jlemijnaye ni Sijwajieti Jesús ti wuj ti 'es nak tajleje.

Filipenses 4:15

Asa'am ti as'wet jana Filipos, 'najanayi pi jiwonayi, jakayi ti atal Macedóniaja, ti 'nelanjie'e awoyeyi ni isijmaye ti akiji'n niwa Sinia' jlamtis. Asamkatape ti ts'eschiase, kajeyepa ti jiniuyeyijk'impe ti k'iejliyi pi asetia'n. Kajeyepa ti jitiejenitie pet ijyilia'm, siunie ti insisiek'i pet siunie awoyi ti anoye'ase'm pet ki iyo niwa asosikis.

Apocalipsis 22:12

“'Ye'en, ja ke paja its'ioye ti jayapimet. Sek jane'yi ka iwinajamna'a siojona ja lajaye siunie iniwone ti ja tijniujlietak'i.