2 Corintios 6:10 - Sinia' Jlamtis 1994

¹⁰ Sijliak'ali kaslajne'n, 'yina akiniejliyi wek ti kaskask'i wita'm. Kasp'ijliusis, jlam'ne ki iyo ti je pini' napo i'nio' ti akanitieje', ajwel ki iyo niwa jlosikis. 'Yiniye ka ijiatayiji ka lajak'iyi pa ka inets'e, jlam'ne ki iyo ti po' ni yits'e.

2 Corintios 6:10 ပူးပေါင်းရင်းမြစ်များ

Mateo 5:12

Nikanitiejyi'n inkaja'yi siunie as'wajieta siunie ti ja tekiajla'ase ts'iji poliyi. Kiakjin iyopi papo Sinia' jijwejlanawos t'ipi ti i'nio' tejeyits'i ilia'm.

Mateo 5:4

“Sinia' wuj ti ip'ilisijne'n siunapo jijliak'ali po'. 'Yina Sinia' je ijiat ka je iwejna'm ni siunie jinikanitieyi.

Lucas 6:21

“Sinia' wuj ti imp'elisina ti asa'am ti inel'lianajyi'n 'nakayi. Lapakawo ti je ijiat ka je inep'isiejyinna'a. “Sinia' wuj ti ip'ilisijne'n 'nakayi siunapo ti asa'am ti je paj ka je apajyi'n. Lapakawo ti je ijiat ka je askiyets'ijinna'a.

Juan 16:22

Kiak jiwoyeyi'ni pet ti asa'am, asjlak'ali poye 'nakayi. 'Yina siuka yapitiemet, ti ja'ye'nase, ja pakayeyi ti ja ke jlasiye ni asnikanitieyi siunie ja'wena', ti ja ke poye paka ijna'lase.

Hechos 16:25

Ti ajnaj kioweja ja Pablo jla'yi ja Silas, iyoyisie t'ajlayeja', jla'yi ti yinits'i kiwa Saka'niona ka'leja, 'yina japo yiji jlaja insat jiweje its'iuyisi'ni jiwekie'e.

Hechos 3:6

Pedro iyone'ne 'ate: —Wikiniet'aj je a'wen pet. Siu'nie a'we'en jawi'na'm. Naka ni tajle ni jijweye pi Jesús jle', Nazaret jlele: ¡Kasit, askiujni'n!

Hechos 5:41

yamat'i'nijpe ti tajlisie papo anechiyasas, wuj ti inkase'n kajeyepa ti Sinia' yina'ate ka kiak tiwonaja ti tiliakik, 'yaka Jesús jle' ti it'imina.

Romanos 11:12

'Yina siuti kia'iyo i'nio' 'esi, naka ti po' ni t'as kiajwe napo Judíojos, siu'neje ti ikamk'iji'n jak je iyoyi siuti kiak jawoyi ti ja wikie'eyi ti janjwa', ¿tepa jawo ma ja 'esie? ¡Ajwel'ni jlajma ja ijiatayiji ti ja 'esie!

Romanos 12:15

Siuti po' ni inkaj'ni, 'esiji ka kiak awoyeyi pit inkasajyi'n. Jlampet siuti po' napo yape'n, kiak woyeyi pit, noyeyeje ti yape'n.

Romanos 15:13

'Esiji ka Sinia' siunie ti iyo sinijijwiyeja' ka imponit'i aswa'am siunie asnikanitieyi, siu'neje ni askamankiye, lapakawo ti naka jla'am siunie astankiujnieye ti 'es, ja 'nakayeyi ti siojona Sinia' jikimet ti 'es ti jijweye po', ja'nets'akanit ni asnejejwijiyeja'.

Romanos 8:32

Jlam'ne Sinia' je yints'e'm ki jlas, sekyi'i yikiajle ni jiliaye iyo ti tiliana 'nakayi ti ja kasts'isisi. 'Yina siuti kia'iyo, ¿tepa jawo ka je iwents'e'm wikie'eyi niwa wask'i'nelaja?

Romanos 9:2

Ti yamjliyi siu'nie awoyi ti a'tiek'i siunie itienkiujnieye ti wuj ti awoyi ijliak'aliye ape'e siunapo i'lijwas, ti i'lijijwase Israel jika kia'lis pet, 'yina ti a'we'en ti je tijwajyi'n. Sekyi'i awo'ate, ¡jlam'ne pa Sinia' ka yama ya'am kanwenk'i'm pa iwit'iaye, 'yina sek jane'yi ka Sinia' iwenataja'm pet siunie 'es ka imp'elisijne'n! ¡'Estieje ka Sijwajieti sot kiu 'niji ka sek ne'yi ka ink'iuyetajats'i ni i'wit!

1 Corintios 1:5

Siuti jini'nopijietayiji ni Sijwajieti, 'yina sektaj'le ti Sinia' wuj ti imp'elisina' ti iwi'nase'm ni 'es ti yijits'i niwa askiojwa'l. It'imina ki jiwoyeyi ti 'najanajyi'n, jak je iyoyiji'ni ti jiwoyeyeta asamtikieyi niwa Sinia' jlamtis, 'yina je int'ayeyiji'n.

2 Corintios 2:4

Siukia ip'isinik ti anajnat ti atate'ase, wuj ti ijliak'ali po' jakayi, paj ti itiet t'e' atojnata'ni. 'Yina siuti kiak iyo, ti ajlo'wase ki ip'isinik ka neyi ts'iji ka kiak awoyeyi, awoye asjlak'aliye, najata jla'am ti awojonk'iye ka'wena' pet ti jlam je awoyi ti wuj ti ts'ama'ase.

2 Corintios 4:15

'Yina ti jlam kiak iyoyi, 'nakayeyi ti ja insisieyi ni iyo ni iwit'ia. Jak je iyoyi siuti kia'iyo ti je jlase' siunie iyo ni Sinia' jikap'ijliuskiye, ja ke piniye napo i'nio' ti jinikanitieyi janwene pi Sinia', siu'neje ti janwunitis.

2 Corintios 4:7

Siunie ijiate ti laja po', naka ni ajwel'ni ti Sinia' jla'am kiak iyonts'e, ti je kast'o'n, awok'iate niwa i'niat jijwa'al ti isatis. 'Yina nak 'yakajanit ti jla'am pa Sinia' ti tajle nak injweye ti je jlase', je ka sama ka intalts'e.

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

Efesios 3:16

A'yasane siunie asjweyeja' ka intajleje siuniwa i'wi'in ti je jlase', ka ne'n aswa'm, lapakawo siojona Sinia' jikimet ti 'es janoye'ase'm.

Efesios 3:8

Ya'am ti je ts'esijiyi, 'yaka'm itipe'e siunapo ti kia'iyo je isisijiyi pet Sinia' jilis ti ajyi. 'Yina je iyojliyi pi Sinia' ti ijniejietk'i'm siu'nie awoyi, ka lajak'i ni iyo ni jikap'ijliuskiye, yam ti sats'ilkaja ti akiji napo i'nio' je Judíojos niwa Sinia' jlamtis ti ijwil ni Sijwajieti ti jikap'ijliuskiye ti ijiate ti laja po' ti laj jlaja.

Filipenses 2:17

'Wanjliyijna'ape ka siliana, 'yina siunie i'yoyis 'yiniyijna'a ka ji'wet injwanjliyi ti ja tisiajietaj'ni ape'e ni siunie astankiujnieye ti 'es ti jiwoyeyi Sinia' ji'wajieta'. Wuj ti ts'ajkaj'ni ti kia'iyo, 'yina kiak jawoyeyi pit 'esiji ka anikanitie'ni.

Filipenses 4:4

'Esiji ka je aleyeyi siunie asnikanitieye ti tajle pi Saka'niona. Jayikiajle'eje: ¡Nikanitiejyi'n!

Colosenses 1:24

'Nakayi ts'ajkaj'ni ti iwit'ia poye astepe'e, kajeyepa siuti kiak iyo ti iwit'ia po' ape'e napo Sinia' jilis, ti 'nak Sijwajieti t'ajwes, 'yina yamjliyi ti jajnol wita'm siunie iyot'iyipi pa Sijwajieti ti kia'iyo ti inilayiti pi jiwet'ia.

Colosenses 3:16

'Esiji ka siuniwa Sijwajieti jlamtis inejyits'i niwa asosikis, 'yina ja wujwa ka noye'ase'm. Siunie 'najanayi ninekiajlayi ti jani'neyasanayi, 'wenkinayi napo as'lejwas siunie tijnajyi. Siuti ja akelisienajyi'n, jonitie ni Sinia'; siuti ja inkasajyi'n 'esiji ka atajlatajia'm ni asosik; kiak jawojliyi siuti jawoye asts'ajlayeja'. Enayits'i siuniwa sálmojos, siu'neje niwa ijia inka'laja ti tajle siojona Sinia' jikimet.

1 Tesalonicenses 1:6

Asa'am je wet'ianayi kajeyepa jiwoyeyi siunie aniwonaja pit, siu'neje ni iyo ni Saka'niona. 'Yina ti jikima'yi ilia'm niwa Saka'niona jlamtis, it'imina ti wuj ti jinilayitieyi siuniwa iyo'nase napo a'lejwas ti yi'nase'm, 'yina asjweye poye wek k'iye, kajeyepa siunie asnikanitieyi jitiajlayiji jana Sinia' jikimet ti 'es.

1 Tesalonicenses 5:16

'Esiji ka je awoye jlaja siunie jiniwonayi ti inkasajyi'n.

1 Timoteo 4:8

Siuti anijnejlitie'ni, nak 'esi pet niwa ts'ajwes. 'Yina kia'iyo'ni pet ni sosik, siuti ani'netieje pa Sinia' jla'm ijiatayiji ti kasts'isisi, kajeyepa ti iniuyets'e'm 'nakayi jla'yi ts'ijiye.

1 Timoteo 6:18

Siuti jajloye, wone'ate, “Woyeyi ninta 'es. Siunie jiwoyeyi ti jwajla'a je sitiana, nak 'yenajiap siuniwa askijmayejes ti isis ti jawoyeyi. Ke enieja'm siuniwa askijmatis, pi jane'yi pet pa jawenajia'm.”

Hebreos 10:34

Wuj ti askap'ijliuskiye jlena'yi siunapo yi' insat jiweje, siu'neje ti ejlo'o jiwekie'e ti tala'ase siukiwa askijmatis, 'yina je woyejli wek ti jinikanitiejyi'n lapakawo ti 'najanayi pi jiwonayi ti po' siuniwa askijmatis ti t'o'n ti yi' poliyi, ti jla'm ijiate ti isis.

Santiago 2:5

I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.

1 Pedro 4:13

'Wenajli wek ti ja anikanitiejyi'n, lapakawo ti yiye'ase pit naka inkajejlasaye ti inilayitt'iyijpe pi Sijwajieti ti kia'iyo, ja 'nakayeyi ti jampo'ase ni asnikanitieyi, ka 'nakajta ni siunie iyo ni jijweye.

Apocalipsis 2:9

ti iyo'ate, A'we'en siunie ti ijiat ti jinilayiti siu'neje ni ap'elisieye iyo, 'yina awo'ate ti ya'am 'nakayi je imp'elisie. Ts'ajane pi awone ni siunie tiwona'a ti injwela ka je i'nes siunapo ijwil ka Judíojosa, 'yina jla'm iyoyisi; sitiejiejwa imosik jilis nak jla'm ijiate jla'am.

Apocalipsis 21:7

Siunie ti jantate isia'm niwaka ti teje'yi ilia'm naka janeyena'a jikiojyi wikie'eyi siuniwa ti jla'am ti jikijmatis. 'Yina ya'am ti ja Jiniayek'i'm, jlampet ti jla'am ja yasa'.