2 Corintios 5:9 - Sinia' Jlamtis 1994

⁹ Jak je iyoyiji, 'wanjliyi ka je itiajlaja, ni'ne ka je iwieki siu'nie ts'isie'n, 'yina ajalasa ape'e ka ikanitieje'ni pa Saka'niona.

2 Corintios 5:9 ပူးပေါင်းရင်းမြစ်များ

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

Hechos 10:35

'wanjliyi ka je Judío japa, siunapo toskiye pa Sinia', iyo siunie 'es jla'yi ti iyo siunie Sinia' iyo.

Romanos 14:18

Jak je iyoyiji siunie i'nio' ti iyoyi niwaka, ti iniuyeje ni Sijwajieti, 'yina 'yakanit'ni ni Sinia', jak je iyoyiji pet siunapo i'nio' iyoyis pet 'ate, “Jla'm ijiate ti 'es.”

Romanos 14:8

Kajeyepa ti siuti kas'wasajne'n nak atajietajape ni Saka'niona ka iyunitie. Siuti kasts'ajle'n kia'iyojliyi, atayeje pet ni Saka'niona ka iyunitie. Jak je iyoyiji siuti si'wasankiye jla'yi ti saj po', 'yaka ti nak atajlaja ni Sinia'.

Romanos 15:20

'Yina je awojonk'iye ka ipi'ya papo ka wo'ate, “Pablo ijwil ka jlama ka inteme siukia jikimet, jlam'ne japoka jla'am siojopo iniane ti isima.” Tempi it'imina ti ajalas ka iyo yamtikie' ka ijwi'il ni Sijwajieti, ti a'yi siunie ajnat ti lajk'ipa ka ijnoyi ka iwo jlamtikie' ka injwe'el siunie Sinia' jika'niye.

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

2 Corintios 5:6

Jak je iyoyiji wek pet siu'nie aniwonaja ka k'asayi'i. Kajeyepa ti ijiate, 'yina kasts'ajane pa awonaja siunie ti je atajlaje siu'nie ts'isie'n, ti je kasjnanjlijape'n pi Saka'niona.

2 Corintios 5:8

Je anikiwita, siu'nie sosik awonaja pit, je ajwela ka je itiajlaja ni siunie ts'isie'n. Jatiajlaja, sek jane'yi ka ijiokieyinie'e pi Saka'niona.

Efesios 1:6

Naka'ne ti it'imina ti awunitie ni Sinia' ti iwints'e'm siunie 'es, naka ti wuj ti kasp'elisijne'n pakayi ti siupi iyone pi jlas siupa ti wuj ti yimi'n.

Colosenses 1:10

Jak je iyoyiji siuti kiak jawoyeyi, sekjane'yi jawoyeyi siunie ji'niayi iyo napoka Saka'niona jilis, jla'yi ti janikanitie'ni ti kiak jawoyeyi ti jawoyeyi siunie 'es, ti jantajla'm siunie askijmaye. Sekjane'yi ka ijiatayijna'a ka intant'iejayi ti jla'am pi Sinia'.

Colosenses 1:29

Tempi it'imina siuti ya'am wuj ti akijme'n, 'yina je lajk'i ni siunie Sijwajieti jijweye ti iwink'i'm, it'iminayi pet ti ijwiye po'.

1 Tesalonicenses 4:1

'Nakayi japo i'lijwas, etijnape pa Saka'niona Jesús jle', ti sa'am wuj ti anip'elisina'ase ka je aleyeyi ni siunie iyo ni pajk'i ti 'eyasanayi, siunie ti Sinia' yimink'i. 'Ejie'nase'm ka je aleyeyi naka kawoyeyi.

1 Tesalonicenses 4:11

Katatayi ka awoyejyi'ni siunie ti ja atajlayiji ti ja akamaja. Kimayi siunie jiwo ka akimayi. 'Oye'yi siunie awotaja ka awoyeyi ti ajlo'wase'm;

1 Timoteo 4:10

Nak it'imina ti awok sikijmayeja' jla'yi ti anilanajan'ni ape'e, 'yina ti jlam pajk'i ti ena'a ni sinijijwiye pi Sinia' ti jlam ti je paj ka netia'n. Siunie Sijwajieti, jla'yi wikie'eyi napo i'nio' ti Jijwajietiyis 'esi siunapo ti je 'yakakiuyis.

Hebreos 12:28

Awo'ate, siunie Sinia' iwints'e'm ni jika anechijiayas nak je paj pet ka'wesi. Ijiatayijia'm pa Sinia', 'yina 'yu'we ka kiak iyonaja siunie iyo ka tiwonaja, ti ja ijiunitie siu'neje ti ja ke kasjweye.

Hebreos 4:11

Jak je iyoyiji pet ti sa'am 'esiji ka ijialasaja janak ajnat, 'yina je 'esiji'ni pet ka poye pa ka inekk'i siunie ji'niayi iyot'iyipi papok i'niot'ipi ti 'yakakiuyis, it'imint'iyijpe ti jiwet'ia poyis.

2 Pedro 3:14

Ijiatjliyi, napo i'lijwas, siuti niwaka ti jinijijwiyejyin k'iye, jwajla'a paka woyeyi ni'netie, 'nakayeyijna'a ti jan'wena ti ijiate ti jikamaja ti jlam ti it'imina ti kia'iyoyi, ka lajak'ina'a paka intajlat'a'm ka je 'esie, 'yina ti insisie.