2 Corintios 5:6 - Sinia' Jlamtis 1994

⁶ Jak je iyoyiji wek pet siu'nie aniwonaja ka k'asayi'i. Kajeyepa ti ijiate, 'yina kasts'ajane pa awonaja siunie ti je atajlaje siu'nie ts'isie'n, ti je kasjnanjlijape'n pi Saka'niona.

2 Corintios 5:6 ပူးပေါင်းရင်းမြစ်များ

2 Corintios 5:1

Awojlitieje ti siuniwa ts'isienis ti tiwoki si'wasankiye ji'wukie ti awak'ne ajnat'e, janak kas'yenajap jana 'wuk siojona jlam ti tiliakiki'i jiwekie'e. 'Yina je atayeje'ni japa si'wukie, kajeyepa ti kasts'ajane pa awonaja, kanwastajanna'a janak 'wuk siojona jlam ti tiliakiki'i, Sinia' iwiakajlanit ta'a sik'ioye niwa si'wuki'l ti yi'i poliyi, ti jla'm ijiate ti t'o'n, ti i'nio' je kio' lisanki.

2 Corintios 5:8

Je anikiwita, siu'nie sosik awonaja pit, je ajwela ka je itiajlaja ni siunie ts'isie'n. Jatiajlaja, sek jane'yi ka ijiokieyinie'e pi Saka'niona.

Hebreos 10:35

Ká anetiajnata siunie jiwoyeyi ti je kakiunieyi, 'nakayi ti ja ataja siojona as'wajieti ti je jlase'.

Hebreos 11:13

Pi k'iet'iyik'i'nipe siupa Abraham, siu'neje pa Isaac, siu'neje pa Jacob, nojwat'ipi ajnata'm. 'Yina 'wanjliyi ape'e siunie ti je 'yakakiu pa Sinia', ejlo wek ti je yamik'i siupa Sinia' ijwijla'm. 'Yina 'yiniye ka jitiej iname wek pi 'lajni, sekyi'i iyoyits'i 'ate, “Seka'a siusie 'yakaja.” Ka kia'iwo ka 'najwelis jitipe'e ti je 'wet'ise', sekyi'i iyoyits'i 'ate, “Je ijiat ka i'wita' siu'nie ajnat, ja ke sipa'a ka itiajla'ana'a.”

Hebreos 13:14

Kajeyepa ti siu'nie ajnat awak'i lajk'ipa ka isiye ka si'weta ka ji'niayi into'yi ka ijnok'i'ni. 'Yina nak it'imina ti jajialasa ape'e ka iwieki jana isi' siojona ts'ijiye.

1 Pedro 5:1

'Nakayi jayo jlosikie' siunapo ti i'yena napo ijia Sinia' jilis ti yi' aska kiowe'e. Siuti kia'awo iyo'ate ti jlamis, kia'iyo itiej 'wanjle'e pet, jla'yi ti a'wenaja ja Saka'niona ti Sijwajieti ki iyo ti wuj ti inilayiti. Kiak jayo iyo'ate ti jan'wenis ni jijweye pi Sijwajieti, kia'iyo ja'wi'in pi k'iejliyi ti 'es, ka 'nakajta ka netiejenie'e ni jlaj niwa jlomas.

Apocalipsis 1:9

Ya'am Juank'i'm siunie askiecha, lapakawo pet siuti ani'nopijieteje ni Jesús 'yina si'wet ijwienjlajam'ne siunie Sinia' jika anechijiayas, siu'neje ti siliaye iniuk'i wita'm ti siwet'ia poyeta, 'yina majejli naka 'neje siunie sijweye pet ti ani'netiejeta pet ilia'm niwaka. Sena 'ne yi'i jlaja ajnat siujlie'e i'niat tijwajiape'n jle' iyo'ate Patmos, 'yina je 'wena paka int'emink'i naka jla'am ti awoyi yamtikie' niwak Sinia' jlamtis, siu'neje na ijiatk'i ti Jesús iyo jika'niyeja'.