2 Corintios 5:18 - Sinia' Jlamtis 1994

¹⁸ Wikie'eyi niwaka Sinia' jla'am ti ilisane. Jla'am ti kastoni ka ijioki, ka lajak'i pet pa Sijwajieti siupi iyoyi. Sekyi'i ji'lij iwints'e'm ti ijliuyits'e'm ni siunie jikijmaye, ka kia'iwo pet napo i'nio' ka ini'nopijieteje ti jla'am.

2 Corintios 5:18 ပူးပေါင်းရင်းမြစ်များ

Lucas 10:5

'Wukpe japa ja 'oye kiajwe ti jleyeyetaja, ka kiak awoyeyipi 'ate ti janajnata ti jatejwila' ask'ioye, “Inkamankiye ja ine'yipe siujlie'e 'wuk.”

Lucas 24:47

Sekyi'i ji'lij iwijna'm pet napo jika kia'lis ka wo jika'niyejayi napo ijia ka wone'ate, “Woye asosikis ink'iejyisa', 'nakayeyijna'a ti Sinia' jamp'elisina', ka je intajlat'ase'm ni aske'.” 'Yina iyo jla'am niwa Sinia' jlamtis ka tiniajnata napo Jerusalén jlele ka tiwok jika'niyeja' yiji 'niwaka, 'yina paj ka ineyeyinie'e siunapo i'nio' yijits'i wikie'eyi niwa ajnatis.

Juan 3:16

Lapakawo ti Sinia' wuj ti yimijne'n napo i'nio' yi' ape'e 'ni ajnat, it'imina'ne ti yikial siunie Jlas ti ijwienjli, ja'nakayeyijpe siunie i'nio' ja ke inkakiu ja ke inetia'n, 'wenajliyi jla'am ti japoye siojona in'wasankiye ti laj jlaja.

Juan 3:27

Tamti'ne ja Juan ti iyo'ate: —Lajk'ipa ka neyi ni i'nio' siuti Sinia' ka je jla'm ka inwejna'm pi k'iejliyi.

Hechos 10:36

“Sinia' pajk'i ti ijwijla'm napo Israel jika kia'lis siunie inka'niye ti tajle ni inkamankiye, ijwijla'm ti naka Sijwajieti Jesús Jika'niona wikie'eyi napo i'nio'.

Romanos 11:36

Ke iwo pa ti jla'am ti tajle wikie'eyi niwa wask'i'nelaja, siu'neje ti ka lajak'i je kia'iyotaja ka poye, jla'yi ti jikijmatis jla'am. ¡Siunie jiwunitieyi jajnok'i! Amén.

Romanos 5:1

Ijiate ti wuj ti kasts'isisi siunie ti je akakiunie, jak je iyoyiji'ni Sinia' kaslesajne'n. Sekyi'i Saka'niona Jesús ti Sijwajieti nak it'imina pet ti akajmakie.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

1 Corintios 11:12

Jlam je iyo siunie, ti Sinia' k'iejli ilisanayi jana asejnia, je 'wena paka intajle, tajlaja'm ni ayinie ti jiwa pi ilisane. 'Yina siunie ayinie kia'iyo pit, je 'wena japa ka intajla'm, tal jits'ija'm siuti yiyetaja'n. 'Yina wikie'eyi niwak wask'i'nelaja tajla jla'am pa Sinia'.

1 Corintios 12:6

Jla'yi ti je pini' siuniwa iyone pa Sinia', ka 'yakajlaja pet ka k'iejliyeyi puwa ka ilisanaja, 'yina ijwienjli siunie tajle, ti it'imina'aja ti 'yakajli ti ilisane pi k'iejliyi.

1 Corintios 3:5

Siuti jletinats'i'ni napoka, ¿ten na Apolos?, ¿siunie Pablo, ten na? Jlam'ne ni awoki ti inka'neyasajnaye jiwosts'e'm jiwek, 'yina sa'am ti insisieyi it'imina ti jitienkiunieyi pa Saka'niona. Ijiatjliyi ti sa'am je 'wena pet paka inkima, 'yina isima pet siupa k'iejliyi siupa ti Saka'niona yikialts'e.

1 Corintios 8:6

'yina ijwienjli jla'am ni Ina'a ti Sinia', jla'yi ti jitis wikie'eyi niwa wask'i'nelaja, jlampet ti sa'am jikawosts'e'm jiwek pet. Jla'yi ti ijwienjli ni Saka'niona, naka ni Sijwajieti Jesús, 'yina nak jitis wikie'eyi niwa wask'i'nelaja, jla'yi ti sa'am kia'iyo naka ti sitis.

Colosenses 1:22

'Nakayi ka lajak'i ki jiliaye iyo pi Sijwajieti ti 'ya'al nak i'nesieyi, 'yina Sinia' inekiajla' jikiajwe. Sekyi'i ti inlesana', 'yina laj ast'ojliye, siu'neje ti laj astesa' jitieyi'i.

Hebreos 2:17

Siuti k'iejliyi pa jijliak'ali napo ji'niayi ijwienjli, sekyi'i kiak iniwonayi pit iyo jlamis. Sekyi'i ti 'esieyiji ti kiak iniwone 'ate iyo ni pa'yijis jika anechiyas wuj, siunie ti je tiwonaja jla'am, siu'neje ti takap'ijliuski ti iniuyeje napo i'nio' siunie Sinia' itiliaja ka woyi. Jla'yi ti initiajnat niwa jloski'la ti iyoyi jikieye ki jiliaye iyo ti 'ya'al.

Santiago 1:17

Jlam'ne je kiak iyo; 'yejne'n siuniwa isis ti Sinia' iwints'e'm ti iyoyi si'wajieta', je tajle pa ka jikiechaye, 'wenajliyi ti tajle jla'am pi Sinia' ti yi' poliyi ti ilisane ni kilie', siu'neje ni we'la, katese'l kia'iyojliyi. Jlam ti je iyo'ate ni siuniwa jilisajna' ti yiyi ts'iji inetia'n ni siunie iyo ti 'nlanjie'e, siunie yi'i ni Sinia', je paj ka int'eki.

1 Jn 2:2

Jla'am ti iniwe'n sitipe'e, ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni. Je samkata, wikie'eyi 'neje napo yi' ape'e 'ni ajnat.

1 Jn 4:10

Nak jitis ni siunie inemijnaye: 'yina je sam'ne ka inianaja pi Sinia' ka yimina, jla'am ti iniane ti kassemijne'n. It'imina'ne ti ijliu' pi jlas ka iniwen sitipe'e ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni.